គ្នាយើងមានបញ្ហាអាលែកហ្ស៊ីដែលឆ្ងល់អត់ថាបើយើងបណ្ដែតបណ្ដោយមិនព្យាបាលឲ្យបានត្រឹមត្រូវ តើបញ្ហាអាលែកហ្ស៊ីនឹងទៅជាយ៉ាងណា? ដូចគ្នាយើងដឹងហើយថា ពេលនិយាយដល់រឿងអាលែកហ្ស៊ី យើងនឹងនឹកឃើញអាការៈហៀរសម្បោរ ពិបាកដកដង្ហើមកម្រិតស្រាល ក្អក រមាស់ភ្នែក និង ឈឺក្បាលជាដើម។ គ្រាន់តែអ្វីដែលបានរៀបរាប់នេះរំខានយើងទៅហើយ ចុះនៅមានអ្វីទៀត?
កើតអាលែកហ្ស៊ីមិនព្យាបាល អាចបង្កជាបញ្ហា ៣យ៉ាងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ឆ្លងរោគនៅច្រមុះ
អាលែកហ៊្សីអាចបង្កជាផលប៉ះពាល់ធ្ងន់ធ្ងរដល់ច្រមុះរបស់យើង នាំឲ្យហៀរសម្បោរ តឹងច្រមុះ និងកណ្ដាស់ជាដើម។ ប៉ុន្តែអ្វីដែលអ្នកកើតអាលែកហ្ស៊ីមិនសូវចាប់អារម្មណ៍ គឺអាចកើតមានការរលាកនៅក្នុងប្រហោងច្រមុះដែរ។
ពេលច្រមុះមានការរលាក នឹងមិនអាចសម្ងួតសារធាតុរាវបានដូចធម្មតានោះទេ ដូចនេះនឹងធ្វើឲ្យក្នុងច្រមុះក្លាយជាកន្លែងបណ្ដុំបាក់តេរី។ ពេលបាក់តេរីមាន និងលូតលាស់កាន់តែច្រើន វានឹងធ្វើឲ្យយើងរលាកក្នុងច្រមុះ ដែលនេះកើតពីការមិនបានព្យាបាលបញ្ហាអាលែកហ៊្ស៊ីឲ្យបានត្រឹមត្រូវ។
២. រំខានដំណេក
អ្នកខ្លះពេលអាលែកហ៊្សីធ្វើទុក្ខ នឹងមានអារម្មណ៍ពិបាកដកដង្ហើម ហើយពេលខ្លះមកពីក្នុងបន្ទប់មានធូលីច្រើនផង នឹងធ្វើឲ្យធូលីចូលក្នុងរន្ធច្រមុះយើង ធ្វើឲ្យពិបាកដកដង្ហើមកាន់តែខ្លាំង ជាហេតុនាំឲ្យរំខានដំណេកបាន។
មួយវិញទៀតបញ្ហាអាលែកហ្ស៊ី ក៏នាំឲ្យបានការរាំងស្ទះដល់ផ្លូវដង្ហើមដែរ ដែលបង្កឡើងដោយការហើមក្រពេញadenoids និង tonsil ។ ការស្ទះនឹងនឹងធ្វើឲ្យយើងតឹងច្រមុះ ពិបាកដកដង្ហើម និងពិបាកគេង។
៣. កើតជំងឺហឺត
ការមិនបានថែទាំ និងព្យាបាលបញ្ហាអាលែកហ្ស៊ីបានត្រឹមត្រូវនាំឲ្យមានការរលាក និងឆ្លងរោគ។ បញ្ហាធំបំផុតនៃការមិនព្យាបាលបញ្ហាអាលែកហ្ស៊ី គឺស្លេស្ម និងល្អងធូលីផ្ដុំគ្នានាំឲ្យស្ទះដល់ប្រព័ន្ធផ្លូវដង្ហើម។ ប្រសិនបើបញ្ហាមិនត្រូវបានដោះស្រាយ នោះនឹងនាំឲ្យមានបញ្ហារលាកខ្លាំងនៅត្រង់ត្រចៀក និងច្រមុះ ហើយយូរៗទៅនឹងនាំឲ្យកើតជាជំងឺហឺត។
ដូចនេះហើយបើគ្នាយើងមានបញ្ហាអាលែកហ្ស៊ីកុំបណ្ដែតបណ្ដោយ ត្រូវស្វែងរកការព្យាបាលត្រឹមត្រូវ ជាមួយគ្រូពេទ្យជំនាញ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម