ដុំសាច់ក្នុងប្រមុះ មានសភាពទន់ មិនឈឺចាប់ មិនបង្កជាជំងឺមហារីក ហើយវាដុះជាប់នៅនឹងជញ្ជាំងនៃប្រហោងច្រមុះ ឬប្រហោងឆ្អឹងច្រមុះស៊ីនុស។ ដុំសាច់ច្រមុះ តោងជាប់នៅជញ្ជាំងប្រហោងច្រមុះ មានសណ្ឋានដូចជាទពាំងបានជូរអ៊ីចឹងដែរ។ ដុំសាច់ច្រមុះអាចបង្កឲ្យមានការរលាករ៉ាំរ៉ៃ និងអាចមានបង្កឲ្យកើតហឺត ធ្វើឲ្យងាយឆ្លងរោគ អាលែកហ្សី ប្រតិកម្មនឹងថ្នាំ ឬមានជំងឺប្រព័ន្ធភាពស៊ាំជាក់លាក់ណាមួយផង។
ដុំសាច់ច្រមុះតូចមិនបង្កឲ្យមានជារោគសញ្ញាអ្វីនោះទេ ប៉ុន្តែបើដុំសាច់ធំ ឬច្រើនអាចបិទប្រហោងច្រមុះ ឬធ្វើឲ្យពិបាកដកដងហើម បាត់បង់ក្លិន និងអាចឆ្លងរោគញឹកញាប់។
អាលែកហ្ស៊ីច្រមុះ
អាលែកហ្ស៊ីច្រមុះ គឺជាការរលាកក្នុងច្រមុះបង្កឡើងដោយសារធាតុបង្កអាលែកហ្ស៊ី ដែលគេហៅថា អាលែកហ្សែន មានដូចជាលម្អង ធូលី ឬរោមសត្វជាដើម។ អាលែកហ្ស៊ីនេះ កើតឡើងនៅពេលដែលប្រព័ន្ធភាពស៊ាំរបស់យើងមានប្រតិកម្ម និងចាត់ទុកសារធាតុខាងក្រៅទាំងនោះដែលចូលក្នុងខ្លួនថាជាធាតុបង្កគ្រោះថ្នាក់។ ជាលទ្ធផល កោសិកានឹងបញ្ចេញសារធាតុគីមីជាច្រើន ជាហេតុនាំ ឲ្យស្រទាប់ច្រមុះខាងក្នុងឡើងហើម និងផលិតស្លេស្មមកច្រើនដែរ។