អារម្មណ៍ផ្លូវភេទ តែងតែមាន ហើយកំណត់មិនបាន ជាពិសេសសម្រាប់អ្នកមានដៃគូប្រចាំ ឬជាប្ដីប្រពន្ធ។ អំឡុងពេលមានផ្ទៃពោះ ឬជិតគ្រប់ខែ អាចថា ជាកង្វល់សម្រាប់អ្នកទាំងពីរ ព្រោះតែងបារម្ភពីសុវត្ថិភាពកូន។ ប៉ុន្តែសំណួរសួរថា តើការរួមភេទពិតជាប៉ះពាល់ដល់អ្នកមានផ្ទៃពោះមែនទេ? តើមានវិធីអ្វីខ្លះដើម្បីរួមភេទដោយមានសុវត្ថិភាព?

១- ការរួមភេទ និងពពោះ

អំឡុងពេលមានផ្ទៃពោះ មានស្ត្រីជាច្រើន មានចំណង់ផ្លូវភេទកើនឡើង នោះគឺដោយសារតែមានចលនាឈាមរត់ច្រើនទៅតំបន់ទ្វារមាស។ ប៉ុន្តែអ្វីដែលជារឿងភ្ញាក់ផ្អើលនោះគឺ គេសិក្សារកឃើញថា ការបង្កើនទំនាក់ទំនងស្និទ្ធស្នាលនៅអំឡុងពេលមានផ្ទៃពោះ គឺអាចជួយកាត់បន្ថយអត្រាកូនកើតមិនគ្រប់ខែបាន។

២- ប្រើមាត់

បើនៅតែមានក្ដីបារម្ភខ្លាចថា ការរួមភេទធម្មតា អាចធ្វើឲ្យប៉ះពាល់ដល់កូនក្នុងផ្ទៃ វិធីប្រើមាត់ ជួយសម្រេចកាម ឲ្យខាងប្រុសក៏ជាជម្រើសល្អដែរ។ រួមភេទតាមមាត់ គឺជាការរំញោចដោយប្រើមាត់ បបូរមាត់ ឬអណ្ដាត យកទៅវាយលុកតំបន់ប្រដាប់ភេទបុរស។ ខាងប្រុសក៏អាចធ្វើដូចគ្នា ឲ្យភាគីខាងស្រីបានដែរ។

៣- គនឹ្លះប្រើមាត់ឲ្យមានសុវត្ថិភាព អំឡុងពេលមានផ្ទៃពោះ

ពេលកំពុងប្រតិបត្តិការ ភាគីខាងប្រុសមិនគួរផ្លុំខ្យល់ចូលក្នុងទ្វារមាសរបស់ខាងស្រីឡើយ។ ខ្យល់ដែលយើងផ្លុំចេញមកនេះ អាចទៅរាំងស្ទះសរសៃឈាម និងអាចធ្វើឲ្យម្ដាយ និងទារកក្នុងផ្ទៃមានគ្រោះថ្នាក់បាន។ ក្នុងក្បួនពេទ្យវិញ គ្រោះថ្នាក់បែបនេះគេហៅវាថា បណ្ដុំខ្យល់ (air embolism) ដែលវាអាចមានគ្រោះថ្នាក់រហូតដល់ស្លាប់បាន។ ទោះបីវាជារឿងកម្រកើតឡើងក្ដី គួរប្រុងប្រយ័ត្នជាមួយបញ្ហាមួយនេះ។

ត្រូវប្រាកដថា បានប្រើរបស់ការពារ ដូចជា ស្រោមអនាម័យ នៅអំឡុងពេលប្រើមាត់ ដោយសារតែក្នុងមាត់អាចមានផ្ទុកបាក់តេរី ដែលវាអាចចូលទៅក្នុងទ្វារមាសរបស់មនុស្សស្រីបាន។ លើសពីនេះ បើមិនប្រើរបស់ការពារ យើងអាចឆ្លង និងចម្លងជំងឺបាន។

មិនត្រូវរួមភេទជាដាច់ខាត ទោះបីជារួមភេទដោយប្រើមាត់ក្ដី បើប្រពន្ធកំពុងប្រឈមនឹងការសម្រាលកូនមិនគ្រប់ខែ។ ដោយសារតែនៅពេលមនុស្សស្រីដល់ចំណុចកំពូល នោះនឹងមានការកន្ត្រាក់ស្បូនកើតឡើង ដែលវានឹងអាចធ្វើឲ្យកូនកើតមិនគ្រប់ខែ។

ម្យ៉ាងទៀត បើកំពុងផ្ដាសាយ មិនគួររួមភេទតាមមាត់ឡើយ។ ដោយសារតែពេលប្រើមាត់ មេរោគអាចជ្រៀតចូលក្នុងខ្លួនដៃគូបាន។ សម្រាប់បុរស គួរប្រើស្រោមការពារ ដើម្បីការពារជំងឺឆ្លងផ្សេងៗ។ ត្រូវប្រាកដថាបានសម្អាតតំបន់ប្រដាប់ភេទរបស់ដៃគូឲ្យបានស្អាត មុនពេលចាប់ផ្ដើមប្រតិបត្តិការ។ ប្រសិនបើខាងស្រីមានបញ្ហាសុខភាពណាមួយ គួរទៅពិគ្រោះជាមួយគ្រូពេទ្យ ដើម្បីទទួលបានដំបូន្មានល្អៗពីការរួមភេទ។

៤- តើស្រីៗអាចលេបទឹកកាមរបស់ស្វាមី ពេលរួមភេទបាន ឬអត់?

អាចលេបទឹកកាមបាន ព្រោះវាមិនមានគ្រោះថ្នាក់អ្វីឡើយ។ វានឹងរលាយចូលក្នុងខ្លួន ដោយមិនបង្កឲ្យមានផលរំខានចំពោះម្ដាយ ឬទារកក្នុងផ្ទៃឡើយ។ ប៉ុន្តែត្រូវតែប្រាកដថា ស្វាមីមិនមានផ្ទុកជំងឺកាមរោគឡើយ ព្រោះបើមេរោគកាមរោគចូលក្នុងខ្លួនមនុស្សស្រីកំពុងពពោះ នោះវានឹងបង្កជាបញ្ហាធំជាក់ជាមិនខាន។

អត្ថបទពាក់ព័ន្ធ៖

ស្រីៗពពោះអាយុវ័យល្អ ទាំងម្ដាយទាំងកូន
បើកំពុងពពោះ ប្រយ័ត្នកូនកើតអត់គ្រប់ខែ ស្វែងយល់ឥឡូវនេះ

ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើការព្យាបាលជូនទេ៕

ដាច់​ខ្លាំង ចង់​អីៗពេល​ប្រពន្ធកំពុង​ព​ពោះ នេះ​ជា​​បច្ចេកទេស​ប្រើ​មាត់ កុំឲ្យប៉ះពាល់​កូន

ដាច់ខ្លាំង ចង់អីៗពេលប្រពន្ធកំពុងពពោះ នេះជាបច្ចេកទេសប្រើមាត់ កុំឲ្យប៉ះពាល់កូន