នៅផ្ទះ ឬពេលទៅញ៉ាំអីនៅកន្លែងរ៉ូមែនទិក ងងឹតៗ ដើរលេង ឬទៅបោះតង់ ប្រាកដជាសម្បូរមូស សត្វល្អិតមិនខាន។ គ្នាយើងខ្លះ ប្រាកដជាប្រើស្ព្រាយបាញ់ដៃជើង ឬឡេលាបការពារមិនឲ្យមូសខាំ។ សំណួរសួរថា បើគ្នាយើងស្រីៗកំពុងមានផ្ទៃពោះ ប្រើស្ព្រាយ ឬឡេការពារមូស ប៉ះពាល់កូនក្នុងពោះដែរអត់?
ស្រីៗមានផ្ទៃពោះ បើប្រើស្ព្រាយបាញ់ ឬឡេលាបការពារមូស ប៉ះពាល់កូនអត់?
ត្រួតពិនិត្យដោយ គឹម កាណែល
“Hello គ្រូពេទ្យ” នឹងបកស្រាយខាងក្រោម!
១- ម៉េចមូសចូលចិត្តខាំអ្នកពោះធំ?
តាមការពិសោធឃើញថា បើធៀបអ្នកមិនមានផ្ទៃពោះ ស្រីៗមានផ្ទៃពោះងាយមូសខាំជាង ដល់ទៅ ២ ដង។ មូសចូលចិត្តឧស្ម័នកាបូនិចដែលអ្នកមានផ្ទៃពោះបញ្ចេញញឹកញាប់តាមការដកដង្ហើម។ ពួកគេបញ្ចេញខ្យល់ច្រើនជាងមុន ២១% និងបញ្ចេញឧស្ម័នកាបូនិចដែលសត្វល្អិតចូលចិត្តទៀត។ ហេតុផលផ្សេងទៀត គឺមូសចូលចិត្តអ្នកមានកម្ដៅ។ ស្រីៗកំពុងមានគភ៌ មានកម្ដៅក្នុងខ្លួនខ្ពស់ជាងអ្នកធម្មតា។
២- មូសខាំបង្កបញ្ហាអីខ្លះ?
បើមូសខាំ មិនត្រឹមតែរមាស់អេះមិនឈប់ទេ គឺមានផ្ទុកជំងឺក្នុងខ្លួនវាទៀត។ ខាំតែមួយទ្រនិចធ្វើឲ្យម៉ាក់ៗ និងទារកអាចគ្រោះថ្នាក់បានដោយសារមេរោគមួយចំនួន មាន ឈីកូងនីយ៉ា (Chikungunya) ជំងឺគ្រុនឈាម ឬហ្ស៊ីកា (Zika)។
៣- គ្រោះថ្នាក់ម៉េចខ្លះ?
គ្រោះថ្នាក់មានច្រើន ហើយមេរោគហ្ស៊ីកា ជាបិសាចដែលធ្វើឲ្យម៉ាក់ៗ និងឲ្យទារកមានជំងឺមិនប្រក្រតី (Microcephaly) ដូចជា ធ្វើឲ្យក្បាលតូច។
Microcephaly មិនត្រឹមតែធ្វើឲ្យទារកកើតមកតូចជាងធម្មតាទេ និងធ្វើឲ្យទារកលូតលាស់យឺតទៀតផង។ ពេលខ្លះ មិនប៉ះពាល់ទារកពេលកើតភ្លាមៗទេ តែវាបង្កពេលក្រោយម្តងបន្តិចៗ។ អង្គការសុខភាពពិភពលោក (WHO) ថា ជំងឺហ្ស៊ីកា អាចរាតត្បាតទៅប្រទេសផ្សេងៗ អ៊ីចឹងគួរការពារខ្លួនឲ្យល្អ។
៤- ប្រើថ្នាំមូសមានសុវត្ថិភាពអត់?
ថ្នាំការពារមូស (ស្ព្រាយបាញ់ស្បែក ឬឡេលាបស្បែក) ជាជម្រើសល្អបំផុត ហើយវាមាន ២ ប្រភេទដែលអាចប្រើដោយសុវត្ថិភាពសម្រាប់ស្ត្រីមានផ្ទៃពោះ។
− ក្រុមថ្នាំ DEET៖ ថ្នាំសត្វល្អិតដែលមានសមាសធាតុ DEET ការពារបានយ៉ាងល្អ។
− Picaridin៖ ជាប្រភេទថ្នាំកម្ចាត់សត្វល្អិតដែលល្អ ហើយមិនមានផលប៉ះពាល់ដល់ស្ត្រីមានផ្ទៃពោះទេ។
លាបវាលើស្បែក ដើម្បីឲ្យភាយចេញ ហើយគួរបាញ់វាលើសម្លៀកបំពាក់ ដើម្បីឲ្យកាន់តែមានប្រសិទ្ធភាព។
ប៉ុន្តែ ថ្នាំដែលមានលាយ Lemon Eucalyptus (សារធាតុមួយយកពីដើមឈើម៉្យាងដុះនៅភាគខាងកើតប្រទេសអូស្ត្រាលី) និង សារធាតុ IR3535 មិនល្អសម្រាប់ស្ត្រីមានផ្ទៃពោះទេ។
៥- ថ្នាំការពារសត្វល្អិត និងឡេ
ការប្រើទាំងពីរមុខនេះក្នុងពេលតែមួយ អាចបន្ថែមការការពារទាំងពីរតែម្តង (ការពារមូសខាំ និងរលាកស្បែកដោយសារកម្ដៅថ្ងៃ)។ យ៉ាងណាក៏ដោយ កុំជ្រើសយកផលិតផលដែលមានពីរមុខនេះចូលគ្នា ដែលគេនិយាយថា 2-In-1 ។
ជ្រើសយកផលិតផល ២ ផ្សេងគ្នា។ លាបឡេការពារកម្ដៅថ្ងៃមុន ចាំលាបថ្នាំការពារមូសតាមក្រោយ ដោយសារសារធាតុថ្នាំ DEET ធ្វើឱ្យ SPF ឆាប់ថយចុះ អ៊ីចឹងត្រូវលាបឡេការពារកម្ដៅថ្ងៃឲ្យបានញឹកញាប់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម