ប្ដីល្អនឹងមិននិយាយសម្ដីដែលធ្វើឲ្យប្រពន្ធគ្រាំគ្រាចិត្តនោះទេ បើទោះជាស្ថិតក្នុងកាលៈទេសៈណាក៏គួរតែចេះទប់អារម្មណ៍ខ្លះ ចៀសវាងបំផ្លាញផ្លូវចិត្តម្ខាងទៀត។ ជាពិសេសពេលមានផ្ទៃពោះរឹតតែបាក់ទឹកចិត្តថែមទៀត ដូចនេះមិនគួរនិយាយពាក្យមិនគប្បី ៣ យ៉ាងនេះដែលណែនាំដោយអ្នកគ្រូពេទ្យ មួន រ៉ានី បម្រើការនៅមណ្ឌលសុខភាពព្រែកពោធិ៍ ស្រុកស្រីសន្ធរ ខេត្តកំពង់ចាម៖
១- «ឈឺកុំមកប្រាប់បង បងហ្នឹងពេទ្យ»
មនុស្សស្រីពពោះឧស្សាហ៍មានអាការៈវិលមុខ ចុករួយចង្កេះ ឬឈឺច្រើន ដូចនេះបើនាងឲ្យប្ដីជូនទៅពេទ្យ គួរតែកំដរ មិនមែនបដិសេធ និងប្រើសម្ដីសម្លាប់ចិត្ត «ឈឺកុំមកប្រាប់បង បងហ្នឹងពេទ្យ»។ ឃ្លានេះអាចធ្វើឲ្យមនុស្សស្រីបាក់ទឹកចិត្តដែលអាចប៉ះពាល់ដល់កូនក្នុងពោះទៀតផង។
២- «ឈឺច្រើនណាស់»
ប្រុសៗគ្មានថ្ងៃយល់ពីអាការៈមនុស្សស្រីមានកូនបានឡើយ ដូចនេះហើយអ្នកខ្លះឈឺមិនលោះថ្ងៃក៏មាន។ ខ្លួនឯងក៏មានធុញថប់នឹងបញ្ហាជាច្រើននោះដែរ តែបានត្រឹមត្អូញត្អែរប្រាប់អ្នកនៅជិតខ្លួនបំផុត សង្ឃឹមមានពាក្យលួងលោម តែបើនាងទទួលបានចម្លើយថា «ឈឺច្រើនណាស់» បង្ហាញពីភាពសោះអង្គើយដូចសម្លាប់គ្នាទាំងរស់។
អត្ថបទពាក់ព័ន្ធ៖ ពេលប្រពន្ធពពោះ ប្ដីល្អមិនគួររំលងរឿងកំប៉ិកកំប៉ុកទាំងនេះឡើយ
៣- «ធ្វើខ្លួនឯងទៅ»
ចំពោះការងារស្ត្រីមានភាពអត់ធ្មត់ខ្លាំង ទោះជាពោះធំប៉ុនណាក៏នៅតែទៅធ្វើគ្មានភាពរាថយឡើយ ហើយបើនិយាយពីការងារក្នុងផ្ទះវិញ ក៏នៅតែអាចបំពេញបានគ្មានចន្លោះលើកលែងតែការងារខ្លះត្រូវប្រើកម្លាំងខ្លាំង ទើបសុំជំនួយពីប្ដី។ តែបើសម្ដីដែលនាងទទួលបានឲ្យ «ធ្វើខ្លួនឯងទៅ» វិញ ម៉ាក់ៗអាចនឹងឈប់ពឹងពាក់រហូត ព្រោះសម្ដីបែបនេះធ្វើឲ្យឆ្អែតចិត្ត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
