កូនក្រៅស្បូន គឺជាការកើតឡើងនៅពេលស៊ុតបង្កកំណើតភ្ជាប់ខ្លួនវានៅកន្លែងមួយក្រៅពីស្បូន។ ការមានផ្ទៃពោះស្ទើរតែទាំងអស់កើតមាននៅក្នុងបំពង់ដៃស្បូន រួចត្រូវបន្តដំណើរទៅស្បូន ដើម្បីកាច់សំបុក បើមិនទៅ ហើយកាច់សម្បុកនៅក្រៅពីស្បូន វាទៅបង្កកំណើតកូនក្រៅស្បូន។ នេះជាការរៀបរាប់របស់លោកវេជ្ជបណ្ឌិត ច័ន្ទ រស្មី ឯកទេសសម្ភព និងរោគស្ត្រី។
មូលហេតុបណ្ដាលឲ្យស្រីៗពពោះ មានកូនក្រៅស្បូន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកបានបន្តទៀតថា បំពង់ដៃស្បូនតូចណាស់មិនអាចរក្សាអំប្រ៊ីយ៉ុងឲ្យលូតលាស់ក្លាយជាទារកបានទេ។ ដូច្នេះស៊ុតបង្កកំណើតនៅក្រៅស្បូន មិនអាចវិវត្ត និងលូតលាស់បានត្រឹមត្រូវដូចក្នុងស្បូនឡើយ។ យើងត្រូវដឹងថា ក្នុងចំណោមស្ត្រីមានផ្ទៃពោះ ៥០ នាក់ អាចមានជំងឺកូនក្រៅស្បូន ១នាក់។
តើអ្វីដែលបណ្ដាលឲ្យស្ត្រីមានកូនក្រៅស្បូន? វេជ្ជបណ្ឌិត ច័ន្ទ រស្មី បានបកស្រាយថា មានច្រើនយ៉ាងដូចខាងក្រោម៖
– ការបង្ករោគ ឬការរលាកនៃបំពង់ដៃស្បូនអាចបណ្ដាលឲ្យស្ទះដៃស្បូន មួយផ្នែក ឬទាំងស្រុង។
– ស្លាកស្នាមជាលិកាដៃស្បូនពីការឆ្លងមេរោគពីមុន ឬដោយការវះកាត់នៅលើបំពង់ដៃស្បូនក៏អាចជាការរារាំងចលនារបស់ស៊ុតផងដែរ។
– ការវះកាត់ពីមុននៅតំបន់អាងត្រគាក ឬនៅលើបំពង់ដៃស្បូនអាចបណ្ដាលឲ្យមានការជាប់ពាក់ព័ន្ធ។
– ការលូតលាស់មិនធម្មតា ឬភាពមិនប្រក្រតីពីកំណើត អាចបណ្ដាលឲ្យមានភាពមិនធម្មតានៅក្នុងរាងរបស់បំពង់ដៃស្បូន។
តើស្ត្រីណាខ្លះ ដែលមានហានិភ័យការមានផ្ទៃពោះ កូនក្រៅស្បូន? វេជ្ជបណ្ឌិតផ្នែកសម្ភព និងរោគស្រ្តីរូបនោះបានបន្តទៀតថា កត្តាហានិភ័យសម្រាប់ស្ត្រីមានផ្ទៃពោះកូនក្រៅស្បូនរួមមាន៖
– អាយុពី ៣៥-៤៤ ឆ្នាំ
– ធ្លាប់មានផ្ទៃពោះកូនក្រៅស្បូនលើកមុន
– ការវះកាត់ឆ្អឹងត្រគាក ឬពោះលើកមុន
– ជំងឺរលាកអាងត្រគាក (PID)
– ធ្លាប់មានការរំលូតកូនជាច្រើនលើក
– ធ្លាប់ចងបំពង់មេជីវិត ឬដាក់កងក្នុងស្បូន
– ជក់បារី
– ជំងឺឈាមរដូវ (Endometriosis)
– កំពុងទទួលការព្យាបាលឲ្យមានកូន ឬកំពុងតែប្រើប្រាស់ថ្នាំឲ្យមានកូន។
ចំពោះរោគសញ្ញាមានផ្ទៃពោះក្រៅស្បូនវិញមានដូចជា ឈឺចាប់នៅក្នុងឆ្អឹងត្រគាក ពោះ ឬសូម្បីតែស្មា និងក ដោយសារតែឈាមនៃការមានផ្ទៃពោះវាហូររាលដាលឡើងក្រោមដ្យ៉ាហ្វ្រេម (សន្ទះទ្រូង) ហូរឈាមតាមទ្វារមាសតិច ឬច្រើនជាងបើប្រៀបនឹងឈាមរដូវធម្មតា រោគសញ្ញាក្រពះពោះវៀន និងខ្សោយវិលមុខ ឬដួលសន្លប់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម