នៅកម្ពុជាយើង ជំងឺឆ្លងជាសកល Covid-19 កំពុងរាតត្បាតសារជាថ្មីម្ដងទៀត បន្ទាប់ពីស្ងប់ស្ងាត់បានមួយរយៈធំ។ ចំពោះវីរុស Covid-19 នេះ អាចចម្លងពីមនុស្សម្នាក់ទៅម្នាក់ទៀតបានលឿន ហើយក្រុមមនុស្សមួយចំនួនដែលងាយប្រឈមនឹងជំងឺនេះខ្លាំងគឺ កូនក្មេង មនុស្សចាស់ ជនពិការ មនុស្សមានជំងឺប្រចាំកាយ និងស្ត្រីមានផ្ទៃពោះ។

អង្គការសុខភាពពិភពលោក WHO បានឲ្យដឹងថា ស្ត្រីកំពុងពពោះ ឬស្ត្រីទើបពពោះថ្មីៗ ដែលមានវ័យចំណាស់ លើសទម្ងន់ និងមានជំងឺប្រចាំកាយដូចជាលើសឈាម ឬទឹកនោមផ្អែម ទំនងប្រឈមនឹងជំងឺ Covid-19 នេះខ្ពស់ ព្រោះបម្រែបម្រួលក្នុងរាងកាយ និងប្រព័ន្ធការពារចុះខ្សោយ។ ស្ត្រីពពោះអាចទទួលផលពិបាកពីមេរោគមួយចំនួនចម្លងតាមប្រព័ន្ធផ្លូវដង្ហើម។

បើម្ដាយឆ្លងវីរុស Covid-19 អាចចម្លងដល់កូនក្នុងផ្ទៃដែរទេ?

WHO បន្តថា ក្នុងករណីដែលម៉ាក់ៗពពោះឆ្លង Covid-19 អាចចម្លងទៅគភ៌បានឬអត់ នៅមិនដឹងច្បាស់នៅឡើយទេ ហើយការចម្លងវីរុសនេះ ទៅឲ្យកូនអំឡុងពេលសម្រាលក៏មិនទាន់់ដឹងច្បាស់ដែរ។ រហូតមកដល់ពេលនេះ វីរុសកាចមួយនេះ នៅមិនទាន់រកឃើញក្នុងទឹកភ្លោះ និងទឹកដោះនៅឡើយទេ។

ម៉ាក់ៗពពោះមាន Covid-19 ត្រូវសម្រាលកូនដោយវះកាត់ឬយ៉ាងណា?

ទេ! WHO ណែនាំឲ្យម៉ាក់ៗពពោះ ជ្រើសយកវិធីសម្រាលដោយវះកាត់ក្នុងករណីដែលចាំបាច់ប៉ុណ្ណោះ ។ វិធីសាស្ត្រក្នុងការសម្រាលកូនត្រូវធ្វើឡើងតាមលក្ខណ និងការសម្រេចចិត្តរបស់ស្ត្រីពពោះគ្រប់រូប ស្របជាមួយការណែនាំត្រឹមត្រូវពីអ្នកជំនាញផ្នែកសម្ភព។

ក្ដៅខ្លួនពពោះ

បន្ថែមពីនេះ ស្ត្រីពពោះគួរតែថែទាំសុខភាពខ្លួនឲ្យបានដិតដល់ និងចូលរួមទប់ស្កាត់ការចម្លងវីរុស Covid-19 ដោយ៖

លាងដៃជាមួយជែល អាល់កុល ឬសាប៊ូ ឲ្យបានញឹកញាប់
រក្សាគម្លាតពីអ្នកដទៃ ចៀសវាងកន្លែងមនុស្សច្រើន
ពាក់ម៉ាស់ឲ្យបានត្រឹមត្រូវ
ចៀសវាងប៉ះពាល់ភ្នែក ច្រមុះ មាត់
ក្អក ឬកណ្ដាស់ត្រូវខ្ទប់មាត់ ច្រមុះ ។ល។

ប្រសិនបើមានអាការៈ ក្ដៅខ្លួន ក្អក ឬពិបាកដកដង្ហើម គួរប្រញាប់ទៅពិនិត្យឲ្យបានឆាប់។ ម៉្យាងវិញទៀត ស្ត្រីពពោះក៏ត្រូវទៅពិនិត្យសុខភាពឲ្យបានល្អតាមការណាត់ជួបជាមួយគ្រូពេទ្យ។

កូនក្នុងផ្ទៃអាចឆ្លង COVID-19 អត់ បើម៉ាក់ៗឈឺពេលពពោះ?

បើ​ម្ដាយ​ឆ្លង​វីរុស Covid-19 អាច​ចម្លង​ដល់​កូន​ក្នុង​ផ្ទៃ​ដែរ​ទេ?

ម៉ាក់​ៗ​ពពោះ​មាន Covid-19 ត្រូវ​សម្រាល​កូន​ដោយ​វះកាត់​ឬ​យ៉ាង​ណា?

បើម្ដាយឆ្លងវីរុស Covid-19 អាចចម្លងដល់កូនក្នុងផ្ទៃដែរទេ?

ម៉ាក់ៗពពោះមាន Covid-19 ត្រូវសម្រាលកូនដោយវះកាត់ឬយ៉ាងណា?