បើយើងនិយាយពីរឿងជុំវិញការពពោះ ម៉ាក់ៗខ្លះច្បាស់ជាល្វីងមុខ ព្រោះនៅពេលដែលមានផ្ទៃពោះ ម៉ាក់ៗគ្រប់រូបត្រូវផ្ដោតសំខាន់ទៅលើការថែទាំសុខភាពបានល្អ បើថ្លោះធ្លោយអាចមានបញ្ហាដល់សុខភាព និងអាអូននៅក្នុងផ្ទៃ។ ហេតុនេះហើយ ខាងក្រោមនេះ ជាបទពិសោធន៍ថែទាំខ្លួនឲ្យល្អអំឡុងពេលពពោះ របស់ម៉ាក់ៗដែលធ្លាប់ពពោះ។

ទាក់ទងនឹងបញ្ហាការពពោះនេះ លោកស្រី សរ សុភ័ក្ត ជាស្ត្រីមេផ្ទះមួយរូបបានចែករំលែកឲ្យដឹងថា “នៅពេលដែលធ្វើតេស្តផ្ទៃពោះដោយខ្លួនឯងរួចហើយ ខ្ញុំបានទៅពិគ្រោះ និងពិនិត្យអេកូម្ដងទៀតជាមួយគ្រូពេទ្យ ដើម្បីមើលថា តើកូនស្ថិតក្នុង ឬក្រៅស្បូនឲ្យច្បាស់ ងាយស្រួលសម្រាប់យើងមើលថែកូន ។ “

លោកស្រីបន្តថា អំឡុងពេលពពោះ ពេទ្យណែនាំឲ្យយើងហាត់ប្រាណ ប៉ុន្តែមិនមែនដឹងថាពពោះភ្លាមចាប់ហាត់ប្រាណភ្លាមទេ។ នៅក្នុងត្រីមាសទី១ ម៉ាក់ៗពពោះមិនទាន់រឹងមាំនៅឡើយ ដូចនេះហើយ ពេទ្យមិនណែនាំឲ្យហាត់ប្រាណអំឡុងពេលនេះទេ ប៉ុន្តែ ពេលពពោះដល់ត្រីមាសទី២ ម៉ាក់ៗអាចចាប់ផ្ដើមហាត់ប្រាណដោយការដើរ រយៈពេល១៥-២០នាទី/ថ្ងៃ ហើយបើម៉ាក់ៗមានពេលអាចទៅហាត់យូហ្គាសម្រាប់ស្ត្រីពពោះក៏បាន។

ជាទូទៅ ស្ត្រីពពោះត្រូវបានណែនាំឲ្យញ៉ាំចំណីអាហារណាដែលល្អដល់សុខភាពខ្លួន និងកូនក្នុងផ្ទៃ បើតាមការឆ្លងកាត់របស់លោកស្រី គឺអាហារដែលល្អៗនោះគឺបន្លែ សាច់ ផ្លែឈើស្រស់ធម្មជាតិយើង និងគ្រាប់ធញ្ញជាតិ ហើយម៉ាក់ៗពពោះគួរញ៉ាំផ្លែឈើឲ្យបានគ្រប់មុខព្រោះវាល្អសម្រាប់កូន។ ក្រៅពីអាហារធម្មជាតិយើង លោកស្រីក៏ប្រើជាម្សៅទឹកដោះគោសម្រាប់ស្ត្រីពពោះ ដោយសារវាជួយដល់ឆ្អឹង ខួរក្បាល ភ្នែក និងការលូតលាស់កម្ពស់របស់កូន។

ចំណែក អាហារដែលលោកស្រី សរ សុភ័ក្ត ចៀសវាងមិនញ៉ាំពេលមិនមានផ្ទៃពោះ ព្រោះខ្លាចប៉ះពាល់ដល់កូនមានដូចជា៖

១. កាហ្វេ (ជាតិកាហ្វេអ៊ីន មិនល្អដល់បេះដូង និងខួរក្បាលគភ៌)

២. អាហារឆៅ

៣. ភេសជ្ជៈមានជាតិអាល់កុល

៤. ភេសជ្ជៈមានជាតិហ្គាស។ល។

ពពោះ

លោកស្រីបន្ថែមថា ពេលដែលពពោះ ស្ត្រីមិនគួរធ្វើការធ្ងន់ៗ ឬឈោងយកនេះ យកនោះទេ។ ម៉្យាងវិញទៀត ម៉ាក់ៗពពោះ គួរកាត់បន្ថយអារម្មណ៍តានតឹង មួម៉ៅ ស្ត្រេសចោល ព្រោះបើយើងសប្បាយរីករាយ កូនក្នុងផ្ទៃក៏សប្បាយតាមយើង និងសុខភាពកូនរឹងមាំទៀត។

ជាចុងក្រោយ ដើម្បីឲ្យកូនមានសុខភាពល្អ លោកស្រីបានណែនាំឲ្យ ម៉ាក់ៗគ្រប់រូប ញ៉ាំអាហារល្អៗ (បន្លែ សាច់ ផ្លែឈើ…) ហាត់ប្រាណជាប្រចាំ ជំនួយសុខភាពបន្ថែមដោយទឹកដោះគោម្សៅសម្រាប់ស្ត្រីពពោះ និងតាមដានសុខភាពខ្លួន និងកូនជាមួយគ្រូពេទ្យជំនាញឲ្យបានទៀងទាត់។

ម៉ាក់ៗពពោះ ចែកបទពិសោធន៍សាមញ្ញៗ ថែ​ទាំ​ខ្លួន​ឲ្យ​ល្អ​អំឡុងមានកូន

ម៉ាក់ៗពពោះ ចែកបទពិសោធន៍សាមញ្ញៗ ថែទាំខ្លួនឲ្យល្អអំឡុងមានកូន