ក្នុងករណីនៃជំងឺគីស Cystic hygroma ភាគច្រើនកើតឡើងដោយសារកត្តាហ្សែន ប៉ុន្តែ ៥០% នៃជំងឺគីសនេះ កើតឡើងដោយសារភាពមិនប្រក្រតីរបស់ក្រូម៉ូសូម។
ធ្វើម៉េចទើបដឹងថាកូនក្នុងផ្ទៃមានជំងឺគីសនេះ? ធម្មតា គ្រូពេទ្យអាចធ្វើរោគវិនិច្ឆ័យដឹងថា អាអូនក្នុងពោះមានជំងឺគីសតាមរយៈការពិនិត្យផ្ទៃពោះរបស់ម៉ាក់ៗទៅតាមការកំណត់។ គ្រូពេទ្យក៏អាចដឹងបានដែរថា កូនកើតជំងឺនេះ នៅពេលដែលធ្វើតេស្តឈាមម្តាយអំឡុងពេលគភ៌មានអាយុ ១៥-២០សប្ដាហ៍ បើលទ្ធផលតេស្តឈាមបង្ហាញថាមាន alpha-fetoprotein កើនឡើង អាចបញ្ជាក់បានថា កូនពិតជាមានជំងឺគីសនេះមែន។ ចំណែកការឆ្លុះអេកូមើលអាចពិនិត្យឃើញពីទីតាំង ទំហំរបស់គីស ប៉ុន្តែគ្រាន់តែពិនិត្យប៉ុននេះ នៅមិនគ្រប់គ្រាន់ទេ គ្រូពេទ្យជំនាញទាមទារឲ្យមានការពិនិត្យពីការលូតលាស់របស់គីសកាន់តែស៊ីជម្រៅទៀត។ គីសនោះអាចបង្កផលវិបាកដល់កូនឬអត់ដូចជា ពិបាកដកដង្ហើម ខូចទ្រង់ទ្រាយមុខ និងរលាកស្បែកជាដើម។