អំឡុងមានផ្ទៃពោះ ស្ត្រីងាយនឹងរលាករលាកអញ្ចាញធ្មេញ និងឈាមតាមជើងធ្មេញ ងាយហើម និងដុះលូតវែងនៅអញ្ចាញធ្មេញ ឬឡើងពងបែកក្នុងមាត់ជាញឹកញាប់។ នេះបើតាមការផ្សព្វផ្សាយនៅលើផេកផ្លូវការរបស់មន្ទីរពេទ្យកាល់ម៉ែត។
មាតិកា
ស្ត្រីពពោះ ឈឺធ្មេញ លេបថ្នាំបានអត់? អាចប៉ះពាល់កូនក្នុងផ្ទៃទេ?
ចុះបើស្ត្រីពពោះងាយនឹងមានបញ្ហាធ្មេញ គួរធ្វើដូចម្តេច? តើអាចប្រើថ្នាំបំបាត់ការឈឺចាប់បានអត់? ប្រើទៅអាចប៉ះពាល់ដល់កូនក្នុងផ្ទៃទេ? បញ្ហានេះមន្ទីរពេទ្យកាល់ម៉ែតបញ្ជាក់ថា បើស្ត្រីមានផ្ទៃពោះឈឺធ្មេញនៅក្នុងត្រីមាសទី១ ឬត្រីមាសទី៣ ត្រូវប្រឹក្សាជាមួយទន្តបណ្ឌិតជំនាញ ដើម្បីរកវិធីសាស្ត្រជួយក្នុងការបំបាត់ការឈឺចាប់។ ក្នុងនោះស្ត្រីពពោះមិនត្រូវប្រើថ្នាំដោយខ្លួនឯងនោះទេ ការប្រើថ្នាំដោយមិនមានវេជ្ជបញ្ជា អាចបង្កគ្រោះថ្នាក់ដល់ម្តាយ និងកូនក្នុងផ្ទៃ។
ក្នុងករណីមានការរលាកស្រួចស្រាល់ដែលត្រូវព្យាបាលបន្ទាន់ដូចជា ការករខ្ទុះពីធ្មេញ នាំឲ្យហើមមុខមាត់ ត្រូវមានការប្រឹក្សាពីគ្រូពេទ្យផ្នែកសម្ភព និងសហការជាមួយទន្តបណ្ឌិត ដើម្បីរកដំណោះស្រាយ ដែលមានសុវត្ថិភាព។
ចុះស្ត្រីមានផ្ទៃពោះអាចធ្វើធ្មេញបានទេ?
ការងារជាទូទៅដូចជាការសម្អាតធ្មេញ ឬប៉ះធ្មេញ មិនមានការប៉ះពាល់ឡើយ។ ដោយឡែក ការដកធ្មេញ ការព្យាបាលធ្មេញ ឬការវះកាត់ក្នុងមាត់ ត្រូវមានការប្រឹក្សាជាមួយទន្តបណ្ឌិត និងទាមទារនូវការពិនិត្យតាមដាន និងការយកចិត្តទុកដាក់ខ្ពស់។ ឯការធ្វើឲ្យសោភ័ណភាពប្រសើរ ដូចជា ពត់តម្រង់ធ្មេញ គួររង់ចាំក្រោយសម្រាល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Oral Health During Pregnancy
https://www.colgate.com/en-us/oral-health/oral-care-during-pregnancy/avoiding-a-toothache-during-pregnancy
Tooth Pain During Pregnancy: What You Can Do About It
https://www.themightymouth.org/tooth-pain-during-pregnancy-what-you-can-do-about-it
Tooth Pain During Pregnancy – Causes and Remedies
https://parenting.firstcry.com/articles/tooth-pain-during-pregnancy-causes-and-remedies/
កំណែប្រែបច្ចុប្បន្ន
03/12/2021
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម