ក្នុងអំឡុងពេលពពោះ ស្រីៗយើងប្រហែលជាចង់ញ៉ាំអាហារផ្អែមៗដូចជានំឃេក និងស្ករគ្រាប់ជាដើម។ ពិតណាស់ ការញ៉ាំអាហារបែបនេះម្ដងម្កាល គឺមិនបង្កជាបញ្ហាអ្វីឡើយ ប៉ុន្តែប្រសិនបើម៉ាក់ៗញ៉ាំច្រើនជ្រុល វាអាចផ្ដល់ផលប៉ះពាល់ជាច្រើនដល់យើង និងកូនក្នុងផ្ទៃ។ ជាក់ស្ដែង របបអាហារមានសារសំខាន់ណាស់ ជាពិសេសគឺនៅអំឡុងពេលមានផ្ទៃពោះនេះតែម្ដង ប៉ុន្តែនំឃេកភាគច្រើនផ្ដល់តម្លៃអាហារូបត្ថម្ភតិចតួចបំផុត។ យ៉ាងណាមិញ យើងអាចពិភាក្សាជាមួយនឹងគ្រូពេទ្យជំនាញ ដើម្បីឲ្យដឹងពីបរិមាណសមស្របដែលស្ត្រីពពោះអាចញ៉ាំបាន និងពុំមានផលប៉ះពាល់ដល់ទារកក្នុងផ្ទៃ។
ស្ត្រីមានផ្ទៃពោះអាចញ៉ាំនំឃេកបានអត់? មានផលប៉ះពាល់អ្វីខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រព័ន្ធភាពស៊ាំ
ប្រព័ន្ធភាពស៊ាំរបស់ស្ត្រីមានផ្ទៃពោះគឺខ្សោយជាងធម្មតា។ កត្តានេះហើយដែលធ្វើឲ្យយើងងាយនឹងមានជំងឺ ប្រសិនបើយើងញ៉ាំអាហារមួយចំនួន ព្រមទាំងអាចបង្កគ្រោះថ្នាក់ដល់ទារកក្នុងផ្ទៃថែមទៀតផង។ ពិតណាស់ នំឃេកវាយបញ្ចូលជាមួយនឹងស៊ុតឆៅ ដែលអាចបង្កជាបាក់តេរីដ៏គ្រោះថ្នាក់ដូចជា Salmonella។ ចំណែកឯនំឃេកធ្វើដោយខ្លួនឯង ដែលចម្អិនមិនបានល្អ ក៏អាចមានផ្ទុកពពួកបាក់តេរីដូចជាToxoplasma និងListeria ដែលអាចឆ្លងកាត់សុករបស់ម៉ាក់ៗ និងធ្វើឲ្យទារកក្នុងផ្ទៃក្លាយទៅជាឈឺផងដែរ។
សារធាតុចិញ្ចឹម
អាហារសម្រន់ដូចជានំឃេក ដំឡូងបំពង និងទឹកសូដា រួមចំណែកដល់ការឡើងទម្ងន់ជ្រុល ក្នុងអំឡុងពេលពពោះ ហើយក៏ពុំមានផ្ដល់សារធាតុចិញ្ចឹមណាមួយដែលទារកកំពុងលូតលាស់ត្រូវការសោះឡើយ។ ការឡើងទម្ងន់ចន្លោះ១៤គីឡូ គឺជារឿងធម្មតាប៉ុណ្ណោះ ដោយសារតែម៉ាក់ៗទទួលបានពីទម្ងន់ខ្លួនរបស់ទារក បូករួមទាំងទម្ងន់ពីស្បូន ជាលិកាសុដន់រីកធំ បរិមាណឈាម ទឹកភ្លោះ និងសុក។ ប៉ុន្តែ ម៉ាក់ៗមិនគួរបញ្ឈប់ការញ៉ាំអាហារផ្អែមទាំងស្រុងឡើយ ដោយគ្រាន់តែញ៉ាំអាហារទាំងនោះនៅក្នុងបរិមាណមួយសមល្មម និងត្រូវធានាថាម៉ាក់ៗនៅតែទទួលបានអាហារបំប៉នគ្រប់គ្រាន់។
ជាតិអាកុល
ជាមួយគ្នានេះដែរ នំឃេក និងសូកូឡាមួយចំនួនផ្ទុកជាតិអាល់កុល ដូចជាRum, Bourbon និងAmaretto ដែលមិនមានសុវត្ថិភាពចំពោះអ្នកមានទម្ងន់ឡើយ។ ទោះបីជាជាតិអាកុលអាចបន្ថែមរសជាតិដល់នំឃេកក៏ពិតមែន ប៉ុន្តែវាអាចឆ្លងកាត់សុក និងបង្កជាវិបត្តិផ្សេងៗ ដូចជាខូចទ្រង់ទ្រាយពីកំណើតកូនកើតមុនពេលកំណត់ និងការលូតលាស់យឺតយ៉ាវផ្នែកសតិបញ្ញា ហើយក៏ពុំមានការបញ្ជាក់ណាមួយអំពីបរិមាណជាតិអាកុលដែលសមល្មមសម្រាប់ស្ត្រីមានផ្ទៃពោះដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម