ម៉ាក់ៗមួយចំនួនទោះជាពេទ្យប្រាប់ថាអាចសម្រាលតាមធម្មជាតិបាន ក៏នៅតែជ្រើសរើសការសម្រាលដោយវះកាត់ទៅវិញ។ តើមូលហេតុអ្វីធ្វើឲ្យម៉ាក់ៗទាំងនោះវិធីវះកាត់ទៅវិញ? បើតាមអ្នកគ្រូពេទ្យផ្នែកឆ្មប សុំ សូរិយា បម្រើការនៅមន្ទីរពេទ្យបង្អែក ស្រុកខ្សាច់កណ្ដាលបានប្រាប់ពីហេតុផលដូចតទៅ៖
ហេតុផលធ្វើឲ្យម៉ាក់ៗជ្រើសសម្រាលកូនដោយវះ ទោះធម្មជាតិអំណោយផល
១- ឮតាមគេ
បញ្ហានេះកើតឡើងសម្រាប់ម៉ាក់ៗកូនដំបូង ព្រោះតែខ្លួនមានភាពភ័យខ្លាច ហើយត្រូវអ្នកធ្លាប់សម្រាលដោយវះដូចគ្នាបញ្ចុះបញ្ចូលឲ្យជ្រើសរើសវិធីងាយស្រួលដូចពួកគេ។ ស្រីៗទើបមានកូនដំបូង ពិតជាមានការព្រួយបារម្ភពីសុវត្ថិភាពខ្លួន និងកូនខ្លាំង ហើយពេលឮគេថាងាយស្រួល និងមិនឈឺចាប់ ក៏យកការសម្រាលដោយវះកាត់ ទោះជាពេទ្យបញ្ជាក់ថាអាចកើតបានតាមធម្មជាតិក៏ដោយ។
២- ខ្លាចឈឺចាប់
មានម៉ាក់ៗមួយចំនួន ខ្លាចការឈឺចាប់ ដូចនេះហើយទោះជាមិនមែនជាការមានកូនលើកដំបូង ក៏ពួកគេនៅតែសម្រេចចិត្តជ្រើសរើសយកការវះកាត់ដដែល។ ការសម្រាលដោយធម្មជាតិទម្រាំតែកូនអាចចេញមកក្រៅបាន ឆ្លងកាត់ការឈឺពោះរយៈពេលយូរ ជាពិសេសពេលបង្កើតតែម្ដង។ ដូចនេះហើយបានជាស្រីៗខ្លាចឈឺចាប់ មិនអាចទ្រាំទ្រនឹងរឿងទាំងនេះបាន ទើបជ្រើសរើសការវះកាត់តែម្ដង។
៣- គិតពីបញ្ហាសុខភាពបន្តពូជ
ស្ត្រីដែលគិតពីបញ្ហាប្រដាប់បន្តពូជ ដោយខ្លាចមានរបួស ឬយារពេលសម្រាលកូន ក៏ជ្រើសរើសវិធីវះកាត់បានដែរ។ អ្នកគិតពីសុខភាពបន្តពូជ គិតពីភាពសុខស្រួលពេលរួមដំណេក គឺតែងតែផ្ដោតសំខាន់លើរឿងនេះ ការសម្រាលកូនដោយវះកាត់ គឺមិនមានប៉ះពាល់ដល់ទ្វារមាសឡើយ។
៤- បញ្ហាលេចនោម
ម៉ាក់ៗសម្រាលកូនតាមធម្មជាតិជួបបញ្ហានេះច្រើននៅពេលក្អក ឬសើចតែងជួបបញ្ហាលេចនោមដោយមិនដឹងខ្លួន ដោយសារពេលសម្រាលកូន ម៉ាក់ៗខំប្រឹងកើតកូន នាំឲ្យខ្សោយសាច់ដុំនៅអាងត្រគាក រងរបួសនៅម្ដុំអាងត្រគាកពេលសម្រាលកូន។
អត្ថបទពាក់ព័ន្ធ៖ពេលចាស់ទៅស្រីៗលេចនោម មិនមែនមកពីពេលកូនខ្ចីញ៉ាំជូរទេ តែមកពី…
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម