ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ!
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ!
ការសម្រាលកូនក្នុងទឹក បានក្លាយជាវិធីសម្រាលកូនពេញនិយមមួយចំពោះស្ត្រីពពោះនៅប៉ែកអឺរ៉ុប តែនៅខ្មែរយើង មិនសូវមានការអនុវត្តវិធីមួយនេះនៅឡើយទេ ដោយហេតុថា ខ្លាចថប់ដង្ហើមកូន និងមិនសូវប្រាកដចិត្តខ្លាចមានគ្រោះថ្នាក់ណាមួយកើតឡើង។
លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ បានពន្យល់ឲ្យដឹងថា តាមពិតទៅ ការសម្រាលធម្មតា និងសម្រាលកូននៅក្នុងទឹក មិនមានអីខុសគ្នានោះទេ តែគ្រាន់ការសម្រាលនៅក្នុងទឹកអាចលឿនជាង និងមានមតិលើកឡើងតៗគ្នាថា ការសម្រាលនៅក្នុងទឹកបែបនេះមិនសូវមានការឈឺចាប់តែប៉ុណ្ណោះ។
មានទ្រឹស្ដីមួយ អាចបង្កហានិភ័យធ្វើឲ្យស្ទះសរសៃឈាម ដោយការជ្រាបទឹក (Water Embolism) ហើយករណីនេះជ្រាបទឹក អំឡុងពេលសម្រាលកូនក្នុងទឹក មានហានិភ័យដល់ទៅ ៩៥% ឯណោះ។ នេះបើតាមទ្រឹស្តីសរសេរដោយមហាវិទ្យាល័យផ្នែកសម្ភព និងរោគស្រ្តី ចក្រភពអង់គ្លេស Royal College of Obstetrician and Gynecologists។
បើគភ៌ក្នុងផ្ទៃ កំពុងមានភាពតានតឹងក្នុងបំពង់សម្រាល ឬបើទងសុក ត្របាញ់ចូលគ្នា គភ៌អាចនឹងដង្ហក់រកខ្យល់ នាំឲ្យមានហានិភ័យស្រូបជាតិទឹកចូលបាន។ ទោះយ៉ាងនេះក្ដី ករណីនេះ ពិតជាកម្រណាស់ ព្រោះទារកជាទូទៅ មិនស្រូបដង្ហើមទេ រហូតទាល់សម្រាលចេញមកក្រៅ ហើយប៉ះនឹងខ្យល់។
ទាក់ទងនឹងការសម្រាលកូននៅក្នុងទឹកនេះដែរ មិនមែនចេះតែសម្រាលតាមចិត្តចង់នោះទេ។ ក្នុងករណីដែលម្ដាយមានបញ្ហាដូចខាងក្រោមនេះ ត្រូវពិគ្រោះជាមួយគ្រូពេទ្យជាមុនសិន ឬបើអាចគួរចៀសពីការសម្រាលនៅក្នុងទឹក៖
– ម្ដាយមានដំបៅដោយសារជំងឺរើម
– មានរោគសញ្ញាធ្លាក់ឈាមច្រើន ឬឆ្លងរោគពេលសម្រាល
– កូនក្នុងផ្ទៃបញ្ច្រាសជើង កូនភ្លោះ ឬកូនធំពេក
– សម្រាលកូនមុនខែ ឬកូនកើតមិនគ្រប់ខែ (២សប្ដាហ៍ ឬច្រើនជាងនេះមុនថ្ងៃសម្រាលមកដល់)
– ម៉ាក់ៗលើសឈាមពេលពពោះ
– ម៉ាក់ៗមានជំងឺបម្រុងក្រឡាភ្លើង
– អាយុម្ដាយ ក្រោម ១៧ឆ្នាំ ឬ លើស ៣៥ឆ្នាំ។ល។
ប៉ុន្តែ វិធីសម្រាលកូននៅក្នុងទឹក មិនមែនផ្ដល់តែហានិភ័យទៅដល់ម៉ាក់ៗពពោះទេ វាក៏មានផលល្អ និងផលអាក្រក់របស់ការសម្រាលក្នុងទឹកនេះដែរ៖
ផលល្អ៖ កាត់បន្ថយការឈឺចាប់ ជួយអារម្មណ៍ធូរស្រាល ងាយសម្រាលលឿន កាត់បន្ថយសម្ពាធឈាម (ចំពោះម្ដាយ) និងផ្ដល់បរិយាកាសស្រដៀងនឹងថង់ទឹកភ្លោះ ផ្ដល់ទំនុកចិត្ត និងអារម្មណ៍ធូរស្រាល (ចំពោះទារក)។
ផលអាក្រក់៖ សីតុណ្ហភាពកូនអាចក្ដៅខ្លាំង ឬត្រជាក់ខ្លាំង អាចឆ្លងមេរោគតាមទឹក ឬអាចប្រកាច់ជាដើម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕