ចូលដល់ខែ វិច្ឆិកា នេះតាមគោលការណ៍របស់ក្រសួងសុខាភិបាលបានតម្រូវឲ្យម៉ាក់ប៉ាទាំងអស់នាំកូនអាយុចាប់ពី ៦ ខែដល់ ៥ ឆ្នាំទៅបន្តក់ថ្នាំវីតាមីន A។ នេះបើតាមការឲ្យដឹងពីអ្នកគ្រូពេទ្យ ពុំ ចន្ទ័ អនុប្រធានមណ្ឌលសុខភាពទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល បានរៀបរាប់ឲ្យដឹង។
ដល់រដូវកាលបន្តក់ថ្នាំវីតាមីន A ឲ្យកូនហើយ ម៉ាក់ៗកុំរំលងឲ្យសោះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចំពោះគោលការណ៍ក្រសួងសុខាភិបាលបានតម្រូវឲ្យចុះចែកចាយថ្នាំបន្តក់វីតាមីន A និងថ្នាំទម្លាក់ព្រូនដល់កុមារតូចៗ២ដង/ឆ្នាំ ដោយក្នុងអំឡុងខែ ឧសភា ម្ដង និងខែ វិច្ឆិកា នេះម្ដង ដើម្បីជំនួយដល់ភ្នែកភ្លឺច្បាស់ល្អ ហើយជួយការពារក្មេងពីជំងឺខ្វាក់មាន់។ ចំណែកថ្នាំទម្លាក់សត្វល្អិតជួយទម្លាក់សត្វល្អិតក្នុងរាងកាយដូចជាព្រូនចង្កឹះ អៀន ឲ្យមកតាមលាមក ធ្វើឲ្យរាងកាយកូនមានភាពស្រស់ថ្លា ព្រមទាំងធំធាត់តាមវ័យ។
ក្នុងនោះដែរអ្នកគ្រូបានឲ្យដឹងថា ទារកវ័យចាប់ពី ១ ឆ្នាំចុះក្រោម មិនអាចទទួលបានថ្នាំព្រូនឡើយ បានតែថ្នាំវីតាមីន A ប៉ុណ្ណោះ។ ចំណែកក្មេងអាយុចាប់ពី១ឆ្នាំឡើងទៅ អាចទទួលបានទាំងថ្នាំវីតាមីន A និងថ្នាំទម្លាក់ព្រូន។ ចំណែកអ្នករស់នៅតាមទីដាច់ស្រយាល ខាងមណ្ឌលសុខភាពនឹងចាត់តែងក្រុមគ្រូពេទ្យ ដើម្បីទៅផ្ដល់ថ្នាំជូនកុមារឲ្យបានគ្រប់គ្នា។
អត្ថបទពាក់ព័ន្ធ៖ មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច
ប៉ាម៉ាក់នាំកូនទៅទទួលបានបន្តក់ និងចាក់វ៉ាក់សាំងតាមគោលការណ៍របស់ក្រសួង គឺជារឿងសំខាន់បំផុត ព្រោះអាចជួយឲ្យកូនមានសុខភាពល្អ និងអាចទប់ស្កាត់ជំងឺកាចសាហាវមួយចំនួន ក្រោយពីចាក់ថ្នាំបង្ការរួច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម