របបអាហារពីរ៉ាមីត សំដៅលើរបបអាហារប្រចាំថ្ងៃមានទម្រង់ជាពីរ៉ាមីត ដោយចែកចេញជា ៣ ស្រទាប់ធំៗ។ “Hello គ្រូពេទ្យ’ នឹងបកស្រាយថាវាសំខាន់ដល់យើងប៉ុនណា។
មាតិកា
អ្វីជារបបអាហារពីរ៉ាមីត? មានប្រយោជន៍អីខ្លះដល់សុខភាព?
១- ស្រទាប់គ្រឹះនៃរបបអាហារ
ស្រទាប់គ្រឹះនៃរបបអាហារពីរ៉ាមីត រួមមាន ក្រុមអាហារប្រភេទរុក្ខជាតិចំនួន ៣ ក្រុម ដូចជា៖
– បន្លែ និងដំឡូង
– ផ្លែឈើ
– ធញ្ញជាតិ
ស្រទាប់នេះ ជាផ្នែកដ៏ធំបំផុតក្នុងរបបអាហារបែបពីរ៉ាមីត មានគុណប្រយោជន៍ដល់ទៅ ៧០% នៃរបបអាហារទាំងមូល។ អាហារប្រភេទរុក្ខជាតិ មានផ្ទុកទៅដោយសារធាតុចិញ្ចឹមជាច្រើន ដូចជា វីតាមីន រ៉ែខនិជ និងសារធាតុប្រឆាំងអុកស៊ីដកម្ម។ ក៏ជាប្រភពដ៏សំខាន់នៃកាបូអ៊ីដ្រាត និងជាតិសរសៃ នៅក្នុងរបបអាហារយើងផងដែរ។
ចំណែកក្រុមអាហារគ្រាប់ធញ្ញជាតិ ភាគច្រើនជាគ្រាប់ធញ្ញជាតិទាំងមូល ដូចជា អង្ករសម្រូប ស្រូវអូដ Quinoa និងពពួកអាហារមានជាតិសរសៃ ពិសេសគ្រាប់ធញ្ញជាតិទាំងមូល និងនំបុ័ង ប៉ាស្តា នំស្រួយ រួមទាំងអាហារធញ្ញជាតិ។
២- ស្រទាប់កណ្តាល
ស្រទាប់កណ្តាល មានទឹកដោះគោជូរ ទឹកដោះគោស្រស់ ឈីស និងផលិតផលផ្សំពីទឹកដោះគោ សាច់មិនមានខ្លាញ់ ពពួកសាច់មាន់ សាច់ទា ត្រី ស៊ុត គ្រាប់ធញ្ញជាតិ ពពួកបន្លែអន្លក់ជាដើម។
ក្នុងទឹកដោះគោ ទឹកដោះគោជូរ ឈីស និងផលិតផលផ្សំពីទឹកដោះគោ ផ្តល់កាល់ស្យូម និងប្រូតេអ៊ីន រួមទាំង វីតាមីន និងសារធាតុរ៉ែផ្សេងៗ ជាច្រើនទៀត។ ក្រុមអាហារនេះ ក៏សំដៅទៅលើជម្រើសមិនមែនទឹកដោះគោ ដូចជា ទឹកសណ្តែក ឬស្រូវសាលី ដែលមានជាតិកាល់ស្យូមបន្ថែមយ៉ាងហោចណាស់ ១០០ មិល្លីក្រាម ក្នុង ១០០ មិល្លីលីត្រ។ ជ្រើសរើសអាហារមិនមានជាតិខ្លាញ់ ដោយកាត់បន្ថយចំណីអាហារមានជាតិខ្លាញ់ច្រើន ដើម្បីកំណត់កាឡូរី លើសពីជាតិខ្លាញ់ឆ្អែត។
ក្នុងសាច់គ្មានខ្លាញ់ សាច់ត្រី ស៊ុត គ្រាប់ធញ្ញជាតិ និងពពួកសាច់គោ ជាប្រភពដ៏សំខាន់នៃប្រូតេអ៊ីនសម្រាប់យើង។ ប៉ុន្តែអាហារនីមួយៗ ក៏ផ្តល់នូវសារធាតុបំប៉នចម្រុះ រួមមាន អ៊ីយ៉ូត ដែក ស័ង្កសី វីតាមីន B12 និងខ្លាញ់ល្អចំពោះសុខភាព។ គួរមានគោលដៅច្បាស់លាស់ ដើម្បីកំណត់រវាងភាពខុសគ្នានៃពពួកសាច់ និងពពួកមិនមានសាច់ ពីក្រុមអាហារប្រភេទស្រទាប់កណ្តាលនេះ។
អត្ថបទពាក់ព័ន្ធ៖
៣- ស្រទាប់កំពូល
ស្រទាប់កំពូលនៃរបបអាហារពីរ៉ាមីត សំដៅលើខ្លាញ់ល្អចំពោះសុខភាព ព្រោះត្រូវការបរិមាណតិចតួចជារៀងរាល់ថ្ងៃ ដើម្បីគាំទ្រដល់សុខភាពបេះដូង និងមុខងារខួរក្បាល។ យើងគួរជ្រើសរើសអាហារមានជាតិខ្លាញ់ល្អ ជំនួសអាហារមានខ្លាញ់ឆ្អែត (ខ្លាញ់អាកក្រក់) និងអាហារមានជាតិខ្លាញ់ខ្ពស់។ ជ្រើសរើសប្រភេទខ្លាញ់ល្អ និងប្រេងចម្រាញ់ពីរុក្ខជាតិ ដូចជា ប្រេងអូលីវសុទ្ធ ប្រេងសណ្តែក និងប្រេងគ្រាប់ធញ្ញជាតិជាដើម។ ត្រូវកំណត់បរិមាណជាតិខ្លាញ់ឆ្អែតយើងញ៉ាំ និងចៀសវាងពីជាតិខ្លាញ់មិនល្អចំពោះសុខភាព។
យើងក៏ទទួលបាននូវជាតិខ្លាញ់ល្អពីរបបអាហារ ដូចជា ផ្លែប៊ើរ គ្រាប់ធញ្ញជាតិ និងត្រី ដូចនេះគ្រាន់តែត្រូវការរបបអាហារបន្តិចបន្តួចពីសារធាតុប្រេង និងញ៉ាំជារៀងរាល់ថ្ងៃឲ្យបានត្រឹមត្រូវ។
របបអាហារល្អចំពោះសុខភាព ដើរតួនាទីសំខាន់ ក្នុងការបង្ការសុខភាពឲ្យល្អបានយូរអង្វែង និងជួយព្យាបាលជំងឺគ្រប់ប្រភេទ។ រួមផ្សំជាមួយការហាត់ប្រាណទៀងទាត់ជារៀងរាល់ថ្ងៃ រាងកាយអាចបង្កើតការការពារដ៏ល្អ ប្រឆាំងនឹងបញ្ហាសុខភាពជាច្រើនថែមទៀតផង។
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Build a Healthy Food Foundation. https://www.hpb.gov.sg/HOPPortal/health-article/2638. Accessed 26 Mar 2017
Healthy Eating Pyramid. http://www.nutritionaustralia.org/national/resource/healthy-eating-pyramid. Accessed 26 Mar 2017
Healthy Eating Plate & Healthy Eating Pyramid. https://www.hsph.harvard.edu/nutritionsource/healthy-eating-plate/. Accessed 26 Mar2017
កំណែប្រែបច្ចុប្បន្ន
22/02/2021
អត្ថបទដោយ Khlaut Rithy
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម