គ្នាយើងភាគច្រើនដឹងហើយថា ការញ៉ាំអាហារ ឬភេសជ្ជៈមានជាតិស្ករច្រើន មិនល្អសម្រាប់សុខភាពនោះទេ ដោយវាធ្វើឲ្យយើងលើសទម្ងន់ ប្រឈមជំងឺធាត់ ឬទឹកនោមផ្អែមជាដើម។ ពាក់ព័ន្ធបញ្ហានេះ អង្គការសុខភាពពិភពលោក (WHO) រកឃើញថា ផលិតអាហារទារក មានជាតិស្ករច្រើនណាស់ ប៉ុន្តែអត់បានបញ្ជាក់ពីប្រទេស ឬទីតាំងជាក់លាក់ណាទេ ដោយគ្រាន់តែបង្ហើបថា ភាគច្រើនផលិតផលកំពុងចរាចរនៅអឺរ៉ុប។
មាតិកា
WHO អះអាងថា ផលិតផលអាហារទារក មានស្ករច្រើនណាស់
អង្គការដដែលនេះ បញ្ជាក់ថា នេះដោយសារការផ្សព្វផ្សាយមិនត្រឹមត្រូវ អះអាងថា អាហារទាំងនោះ សក្តិសមជាមួយទារក អាយុក្រោម ៦ខែ។ តែការសិក្សា រកឃើញថា យ៉ាងតិចផលិតផល ៥០% លក់តាមនៅតាមទីក្រុង មានប្រភេទអាហារផ្ទុកកាឡូរី ៣០% ចេញពីស្ករ។ កត្ដានេះ បង្កើនការប្រឈមនឹងជំងឺធាត់ និងជំងឺទឹកនោមផ្អែម ដោយសារវាអាចធ្វើឲ្យក្មេងមានចំណូលចិត្តនឹងអាហារផ្អែម។
ជាមួយគ្នានេះ អង្គការសុខភាពពិភពលោក ណែនាំឲ្យបំបៅដោះទារកតែមួយមុខ ក្នុងរយៈពេល ៦ខែដំបូង និងស្នើឲ្យក្រុមហ៊ុនធំៗក្នុងពិភពលោក ដែលផលិតអាហារទារក ពិនិត្យលើបញ្ហានេះ។
ជាងនេះទៅទៀត អង្គការដដែល រកឃើញថា ផលិតផលអាហារទារក ៦០% បានផ្សព្វផ្សាយ ដោយអះអាងថា ល្អសម្រាប់ទារក។ ការផ្សព្វផ្សាយដូច្នេះ ត្រូវអនុញ្ញាតក្រោមច្បាប់សហភាពអឺរ៉ុប តែខុសគោលការណ៍របស់អង្គការសុខភាពពិភពលោក ដែលផលិតអាហារ ម្សៅទឹកដោះគោ មិនគួរផ្សព្វផ្សាយ ដោយអះអាងថា សក្តិសមសម្រាប់ក្មេងក្រោមអាយុ ៦ខែនោះទេ។
អត្ថបទពាក់ព័ន្ធ៖
គួរបញ្ជាក់ថា ការឃើញរបស់អង្គការសុខភាពពិភពលោក ក្រោយអង្គការបានប្រមូលផលិតអាហារ និងភេសជ្ជៈ ៧.៩៥៥មុខ សម្រាប់ទារក និងកុមារ យកពិនិត្យ អំឡុងចុងឆ្នាំ២០១៧ និងដើមឆ្នាំ២០១៨។ ទោះយ៉ាងណា អង្គការមិនបានបញ្ជាក់ឈ្មោះក្រុមហ៊ុន និងម៉ាកផលិតផលទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.bloomberg.com/news/articles/2019-07-15/baby-food-has-too-much-sugar-and-is-marketed-wrongly-who-says
កំណែប្រែបច្ចុប្បន្ន
16/07/2019
អត្ថបទដោយ គីង ច័ន្ទវាសនា
ត្រួតពិនិត្យដោយ ជីព ចិត្ត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម