ការនិយាយត្រង់ៗពេកថាគេនោះធាត់ មិនមានភាពទាក់ទាញ ឬប្រាប់ថាភ្លៅធំណាស់ សាច់ច្រើនយារធ្លាក់ មិនមែនជាជម្រើសឆ្លាតវៃទេ។ ការបញ្ចេញមតិអវិជ្ជមាន មានតែអាចនាំឲ្យមានអារម្មណ៍បដិសេធប៉ុណ្ណោះ ព្រមទាំងបង្កប់នូវអារម្មណ៍ដែលបាត់បង់ទំនុកចិត្តទៀតផង។ មួយវិញទៀត អារម្មណ៍ខ្មាសអៀន នឹងផ្តល់លទ្ធផលអវិជ្ជមានចំពោះដៃគូ ដោយសារគេចាប់ផ្តើមអន់ចិត្ត ទើសទែងចំពោះរាងកាយខ្លួនឯង ចាប់ផ្តើមបង្អត់អាហារ ហើយក៏អាចឲ្យថប់អារម្មណ៍ ឬស្រ្តេសថែមទៀតផង។
៣- ជៀសវាងការបង្ខំខ្លាំងពេក
ទម្ងន់ជាចំណុចដែលធ្វើឲ្យនារីខ្លះឈឺចាប់ខ្លាំងណាស់ពេលដែលយើងនិយាយពីវា។ ពេលយើងនិយាយអំពីតួលេខ អាចធ្វើឲ្យអ្នកខ្លះស្តាប់ និងពិចារណា តែអ្នកខ្លះទៀតបដិសេធ ហើយថែមទាំងប្រកែកទៀតផង។ វាជាធម្មតាទៅហើយដែលមនុស្សមួយចំនួនមិនចង់និយាយអំពីបញ្ហាមួយនេះ ហើយអ្វីដែលអ្នកអាចធ្វើបានក្នុងស្ថានភាពអ៊ីចឹង គឺដកខ្លួនថយ ទុកពេលវេលា និងចន្លោះសម្រាប់ពួកគេ។ អ្នកខ្លះប្រហែលជានឹងមិនត្រលប់មកនិយាយអំពីប្រធានបទនេះទៀតទេ តែអ្នកប្រហែលជាមិនដឹងថាគេប្រហែលជាចាប់ផ្តើមស្វែងយល់ពីរបៀបសម្រកទម្ងន់ បង្ខំធ្វើលំហាត់ប្រាណខ្លាំងៗ ឬសាកល្បងផ្លាស់ប្តូររបបអាហារក៏ថាបាន។
៤- ផ្តល់ការយល់ចិត្ត
ពេលចង់និយាយអំពីប្រធានបទរសើប ឬធ្ងន់ៗដូចជាទម្ងន់ ច្បាស់ណាស់ថាការយល់ចិត្តជាអ្វីមួយដែលយើងគួរប្រកាន់ជាប់ជានិច្ច។ គ្រាន់តែគិតថា តើយើងនឹងមានអារម្មណ៍យ៉ាងម៉េច បើមាននរណាម្នាក់មករកយើង ហើយនិយាយប្រាប់អ្វីមួយដែលយើងពិបាកនឹងទទួលយក ដូចជា កម្រិតវប្បធម៌ គ្រួសារ ការងារ ហិរញ្ញវត្ថុ ឬបញ្ហាសង្គមផ្សេងៗ។