ពេលថ្ងៃឡើង ព្រះអាទិត្យបញ្ចេញពន្លឺមកធ្វើឲ្យមេឃក្ដៅហែង គ្នាយើងចេញទៅក្រៅម្ដងៗ ធុញទ្រាន់នឹងបែកញើសពេញខ្លួនតែម្ដង។ ចំណែកខ្លះទៀត ធុញនឹងត្រូវចូលបន្ទប់ទឹកច្រើនលើក ដោយសារញ៉ាំទឹកច្រើន ខ្លាចខ្សោះជាតិទឹកក្នុងរាងកាយព្រោះអាកាសធាតុក្ដៅពេក។ ប៉ុន្តែ បើយើងខ្សោះជាតិទឹកខ្លាំងក្នុងរាងកាយ សុខភាពយើងនឹងប្រឈមបញ្ហាច្រើន។
មេឃក្ដៅម្លឹងៗ បើខ្សោះជាតិទឹកខ្លាំង ប្រឈមបញ្ហាសុខភាពធ្ងន់ធ្ងរ ៤ យ៉ាង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពេលខ្លះ បញ្ហាខ្សោះជាតិទឹកកើតឡើងដោយសារហេតុផលសាមញ្ញៗដូចជា អាកាសធាតុក្ដៅខ្លាំង ឬយើងញ៉ាំទឹកមិនគ្រប់គ្រាន់ដោយសារយើងរវល់ពេក ភ្លេចញ៉ាំទឹកក៏ថាបាន។ ក្រៅពីនេះ ខ្សោះជាតិទឹកអាចកើតឡើងបានដោយសាររាករូស ក្អួតខ្លាំង គ្រុនក្ដៅ ឬនោមញឹកញាប់ពេក ហើយបើយើងមិនខ្វាយខ្វល់បំពេញជាតិទឹកក្នុងរាងកាយគ្រប់គ្រាន់ទេ ច្បាស់ជាប្រឈមគ្រោះថ្នាក់។
បញ្ហាសុខភាពធ្ងន់ធ្ងរ ៤យ៉ាង បង្កដោយខ្សោះជាតិទឹកខ្លាំង
១. រងប៉ះពាល់ដោយកម្ដៅថ្ងៃ ៖ ប្រសិនបើយើងញ៉ាំទឹកមិនបានគ្រប់គ្រាន់ទេ ហើយយើងហាត់ប្រាណ ឬបែកញើសច្រើននោះ អាចប្រឈមនឹងរងប៉ះពាល់ដោយកម្ដៅថ្ងៃដៅក្នុងរាងកាយ ចាប់ពីរមួលសាច់ដុំ ទៅហត់ ល្ហិតល្ហៃ ឬអាចសន្លប់ដោយកម្ដៅថែមទៀតផង។
២. បញ្ហាផ្លូវទឹកនោម និងតម្រងនោម៖ ការខ្វះជាតិទឹកយូរ ឬម្ដងហើយម្ដងទៀអាចបណ្ដាលឲ្យមានរលាកបំពង់ទឹកនោម កើតក្រួសក្នុងតម្រងនោម និងអាចបណ្ដាលឲ្យខ្សោយតម្រងនោម។
៣. ប្រកាច់៖ អេឡិចត្រូលីតដូចជា ប៉ូតាស្យូម និងសូដ្យូមជួយបញ្ជូនសញ្ញាអគ្គិសនីពីកោសិកាមួយទៅកោសិកាមួយទៀត។ ប្រសិនបើអេឡិចត្រូលីតមិនមានតុល្យភាពសារអេឡិចត្រូនិកធម្មតាអាចលាយបញ្ចូលគ្នាដែលអាចនាំឲ្យមានការកន្ត្រាក់សាច់ដុំដោយឯកឯងហើយពេលខ្លះធ្វើឲ្យយើងបាត់បង់ស្មារតី។
៤. ស្ហុកដោយសារបាត់បង់ជាតិទឹក៖ បើយើងខ្សោះជាតិទឹកខ្លាំងរហូតដល់ដំណាក់កាលនេះ វាអាចគំរាមកំហែងដល់អាយុជីវិតបាន។ វាកើតឡើងនៅពេលដែលបរិមាណជាតិទឹកធ្លាក់ចុះខ្លាំង បណ្ដាលឲ្យសម្ពាធឈាមក៏ធ្លាក់ចុះ ជាហេតុកម្រិតអុកស៊ីសែនក្នុងរាងកាយធ្លាក់ចុះ។
តិចនិកថែសុខភាពពេលអាកាសធាតុក្ដៅ ចៀសវាងខ្សោះជាតិទឹក
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម