ក្រសួងសុខាភិបាលបានប្រកាសព័ត៌មានស្ដីពីស្ថានភាពជំងឺគ្រុនឈាមនៅក្នុងប្រទេសកម្ពុជា ដែលគិតចាប់ពីខែមករា-មិថុនា ឆ្នាំ ២០២០ មានអ្នកជំងឺសរុប ៣ ៣៣៩ ករណី និងស្លាប់ ៤ ករណី (អត្រាស្លាប់ ០.៣ ភាគរយ)។ អំឡុងពាក់កណ្ដាលឆ្នាំនេះ ករណីជំងឺគ្រុនឈាមបានថយចុះជាង ៨៤ ភាគរយ បើប្រៀបធៀបជាមួយឆ្នាំ ២០១៩ ក្នុងរយៈពេលដូចគ្នាដែលមាន ២៨ ២៨៥ ករណី និងស្លាប់ ៣២ នាក់។
ស្ថានភាពជំងឺគ្រុនឈាមពាក់កណ្ដាលឆ្នាំនេះ ថយចុះរហូតដល់ ៨៤ ភាគរយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្នុងសេចក្ដីប្រកាសរបស់ក្រសួងសុខាភិបាលបានបញ្ជាក់ថា ទោះជា ៦ ខែនៃដើមឆ្នាំ ២០២០ នេះជំងឺគ្រុនឈាមបានថយចុះក៏ពិតមែន តែករណីរាយប៉ាយដុំៗតាមភូមិសាស្ត្រប្រជុំជនមួយចំនួន ពិសេសនៅរាជធានីភ្នំពេញ ខេត្តព្រះសីហនុ ប៉ៃលិន សៀមរាប កណ្ដាល កំពង់ធំ តាកែវ មណ្ឌលគិរី រតនគិរី និងខេត្តព្រះវិហារ។
តាមការសន្និដ្ឋានរបស់ក្រសួង ស្ថានភាពជំងឺគ្រុនឈាមក្នុងប្រទេសកម្ពុជាស្ថិតនៅក្នុងស្ថានភាពធម្មតា ក្រោមការគ្រប់គ្រងយ៉ាងល្អកម្មវិធីប្រយុទ្ធជំងឺគ្រុនឈាមទូទៅប្រទេស ដែលមានការចូលរួមអន្តរាគមន៍ និងសហការពេញលេញរបស់ដៃគូពាក់ព័ន្ធ និងប្រជាជនក្នុងសហគមន៍។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម