ក្រុមអ្នកស្រាវជ្រាវបានផលិតថ្នាំពន្យារកំណើតសម្រាប់ប្រុសៗ បើទោះមិនទាន់ដាក់លក់លើទៅផ្សារក្តី ប៉ុន្តែតាមការសិក្សាថ្នាំនេះ ពិតជាមានប្រសិទ្ធភាព មានផលប៉ះពាល់តិចតួចប៉ុណ្ណោះ។ ប៉ុន្តែអ្វីដែលក្រុមអ្នកវិទ្យាសាស្ត្រខំចំណាយពេលសិក្សាលើរឿងនេះចង់ដឹងបំផុត តើប្រុសៗព្រមផឹកថ្នាំពន្យារកំណើតអត់?

ថ្នាំពន្យារកំណើតសម្រាប់ប្រុសៗ ត្រូវគេឲ្យឈ្មោះថា Dimethandrolone Undecanoate មានមុខងារកាត់បន្ថយកម្រិតអ័រម៉ូន ឲ្យនៅចំនួនទាប រារាំងការផលិតមេជីវិតឈ្មោល។ ថ្នាំគ្រាប់នេះ ត្រូវលេប ១ គ្រាប់/ថ្ងៃ ហើយការសិក្សាថ្មីៗនេះ បង្ហាញថា ថ្នាំពន្យារកំណើតប្រុសៗ មានផលប៉ះពាល់តិចតួចបំផុត។

តាមការបញ្ជាក់ពីវេជ្ជបណ្ឌិត Stephanie Page សាស្រ្ដាចារ្យឱសថសាស្រ្តនៅសាលាឱសថនៃសាកលវិទ្យាល័យវ៉ាស៊ីនតោន និងជាអ្នកអង្កេតការសិក្សា សម្រាប់មុខងារផ្លូវភេទ និងចំណង់ផ្លូវភេទ រវាងប្រុសៗដែលបានកំពុងលេបថ្នាំ និងមិនលេបថ្នាំ គឺមិនមានអ្វីខុសគ្នាគួរឲ្យកត់សម្គាល់ទេ។

សម្រាប់សំណួរ តើប្រុសៗព្រមលេបថ្នាំពន្យារកំណើតអត់? តាមរយៈការស្ទង់មតិលើគេហទំព័រ Healthline អំឡុងឆ្នាំ ២០១៨ បង្ហាញថា ប្រុសៗជាច្រើន មិនចង់លេបថ្នាំនេះទេ ប៉ុន្ដែដោយសារទម្លាប់សង្គមផ្សេងៗកំពុងមានការប្រែប្រួល ហេតុនេះអ្នកវិទ្យាសាស្ត្រនៅតែជឿថា ប្រុសៗទាំងអស់នឹងផ្លាស់ប្តូរទស្សនៈរបស់ខ្លួនទៅលើថ្នាំនេះ។

នេះជាការពិត ដោយក្មេងៗជំនាន់ក្រោយ គួរក្រឡេកមើលទំនួលខុសត្រូវ ពាក់ព័ន្ធរឿងពន្យារកំណើត ដែលជាការចែករំលែកទុក្ខលំបាកពីមនុស្សស្រីមួយចំណែក ហើយក៏ជាផ្នែកមួយសម្រាប់រៀបចំផែនការកសាងគ្រួសារដូចគ្នា។

អត្ថបទពាក់ព័ន្ធ៖

វេជ្ជបណ្ឌិត Stephanie Page សង្ឈឹមថា ថ្នាំនេះ អត្រាទទួលស្គាល់ និងស្ម័គ្រចិត្តព្រមលេបថ្នាំពន្យារកំណើតរបស់ប្រុសៗ អាចនឹងកើនឡើងខ្ពស់ ហើយជម្រើសផ្សេងទៀតសម្រាប់ការពន្យារកំណើត គួរតែមានសម្រាប់បុរសដូចគ្នា។

វេជ្ជបណ្ឌិតរូបនេះ បញ្ជាក់ថា ដោយសារបញ្ហាសុខភាព ស្រីៗមួយចំនួនមិនអាចផឹកថ្នាំពន្យារកំណើតបាន ហេតុនេះប្រុសៗគួរតែចូលរួមការពន្យារកំណើត ជំនួសស្រីៗ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

បើមានថ្នាំ​ពន្យារ​កំណើត ប្រុសៗ​ព្រម​លេបអត់?

បើមានថ្នាំពន្យារកំណើត ប្រុសៗព្រមលេបអត់?