យោងតាមការចេញផ្សាយរបស់កាសែតវិទ្យាសាស្រ្តអាមេរិក និងគេហទំព័រ Japan Times ដើមសប្ដាហ៍នេះ ក្រុមអ្នកស្រាវជ្រាវសាកលវិទ្យាល័យ Gunma និងវិទ្យាស្ថានជាតិជំងឺឆ្លង ប្រទេសជប៉ុន បញ្ជាក់ថា ព្រូនជួយបង្កើនមេតាបូលីស រារាំងការឡើងទម្ងន់ ដោយតេស្ដសាកល្បងកណ្ដុរ ២០០ក្បាល ជាមួយរបបអាហារបង្កឲ្យធាត់ខ្លាំង ហើយចាក់បញ្ចូលព្រូនទៅក្នុងពោះវៀន កណ្ដុរមួយចំនួន។ ២៨ថ្ងៃក្រោយមក អ្នកស្រាវជ្រាវ ឃើញថា ព្រូនជួយរារាំងឡើងទម្ងន់កណ្ដុរ ២០% បើធៀបនឹងកណ្ដុរមិនត្រូវបានចាក់បញ្ចូលព្រូន។

លោកសាស្រ្តាចារ្យ Chikako Shimokawa នៅនាយកដ្ឋានសិក្សាផ្នែកប៉ារ៉ាស៊ីត សាកលវិទ្យាល័យ Gunma ប្រាប់កាសែត Japan Times ថា ព្រូនមិនបញ្ចុះទម្ងន់នោះទេ ប៉ុន្ដែវារារាំងការឡើងទម្ងន់ ថែមទាំងជួយរក្សាសុខភាព និងការពារបញ្ហាលើសទម្ងន់ទៀតផង។

លោកសាស្រ្ដាចារ្យ ក៏បានសើចនឹងពាក្យចចាមអារ៉ាមដែរថា អ្នកស្រាវជ្រាវ គ្រោងចាក់ប៉ារ៉ាស៊ីត ចូលក្នុងខ្លួនមនុស្ស។ ការស្រាវជ្រាវ ផ្ដោតលើផលប៉ះពាល់នៃព្រូន លើកោសិកាពោះវៀនប៉ុណ្ណោះ។ ជាការឆ្លើយតប អ្នកស្រាវជ្រាវជឿថា ព្រូនបញ្ចេញសារធាតុមួយ ជួយបង្កើនកោសិកាពោះវៀន ហើយប្រសិនបើអ្នកស្រាវជ្រាវអាចកំណត់វាបាន អ្នកស្រាវជ្រាវអាចប្រើថ្នាំ និងរបបអាហារ ដើម្បីជួយបញ្ចុះទម្ងន់បាន។

អត្ថបទពាក់ព័ន្ធ៖

សាស្រ្ដាចារ្យរូបនេះ បន្ថែមថា ការស្រាវជ្រាវ ផ្អែកលើទ្រឹស្ដីរួមមួយ គឺ រក្សាអនាម័យខ្ពស់ ព្រូនមិនអាចលាក់ខ្លួនក្នុងរាងកាយមនុស្សបានទៀតទេ។ វាជាទ្រឹស្ដីមួយ ពាក់ព័ន្ធយ៉ាងខ្លាំងទៅនឹងការកើនឡើងលទ្ធភាពកាត់បន្ថយសកម្មភាពជំងឺប្រព័ន្ធភាពសុាំបំផ្លាញកោសិកាខ្លួនឯង ដូចជា អាឡែកស៊ី និងធាត់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

​ជប៉ុនថា​ ព្រូនអាច​​ជួយមិនឲ្យ​ឡើង​ទម្ងន់

ជប៉ុនថា ព្រូនអាចជួយមិនឲ្យឡើងទម្ងន់