រមៀតមានប្រយោជន៍ច្រើនយ៉ាង មិនត្រឹមប្រើជាគ្រឿងទេសបង់ក្នុងសម្លបង្កើនរសជាតិឆ្ងាញ់ក្លិនឈ្ងុយ ថែមទាំងមានប្រយោជន៍សម្រាប់សុខភាពទៀតផង។ ថ្មីៗនេះនៅអង់គ្លេស គេបានប្រើវាសម្រាប់បំបាត់ភាពឈឺចាប់សាច់ដុំ និងឈឺតាមសន្លាក់ដៃជើង។

តាមសារព័ត៌មាន DailyMail ក្រុមហ៊ុន FutureYou ជាក្រុមហ៊ុនផ្គត់ផ្គង់អាហារូបត្ថម្ភធម្មជាតិដ៏ធំ មានមូលដ្ឋាននៅ Cambridge ចក្រភពអង់គ្លេស បានទទួលការកោតសរសើរច្រើនពីពលរដ្ឋអង់គ្លេស អំពីផលិតផលធម្មជាតិដែលផ្សំពីរមៀត។ នេះក៏ដោយសារតែឱសថពីធម្មជាតិពិសេសនេះ បានជួយពួកគេឲ្យធូរស្បើយពីអាការៈឈឺចាប់ ជាពិសេសបញ្ហាត្រង់ផ្នែកសន្លាក់ដែលភ្ជាប់ឆ្អឹង។

តាមការឲ្យដឹងពីមន្ទីរពិសោធន៍វិទ្យាសាស្រ្ត Cambridge ធាតុផ្សំពីរមៀតមានផ្ទុកវីតាមីន C សំខាន់ អាចជួយជំរុញការកកើតសរសៃទឹកប្រូតេអ៊ីនសម្រាប់ឆ្អឹងខ្ចី ហេតុនេះបានជារមៀតត្រូវបានប្រើប្រាស់ជាសមាសធាតុសំខាន់ផ្សំចេញជាផលិតផលឱសថ សម្រាប់ព្យាបាលបញ្ហាទាំងនោះ។

លោកស្រី Roz Palmer ជនជាតិអង់គ្លេស ដែលបានប្រើប្រាស់ឱសថផ្សំពីរមៀត ប្រាប់ឲ្យដឹងថា ក្រោយពេលឈឺខ្នងជាង ១ឆ្នាំ ពេលនេះ លោកស្រីអាចធ្វើការបានធម្មតា។ “ឥឡូវខ្ញុំមិនបាច់ដើរទប់ៗ ទៅកន្លែងការងារខ្ញុំទៀតទេ ហើយរាល់ពេលយប់ខ្ញុំក៏លែងឈឺចុកចាប់ខ្នងទៀតដែរ’។ 

អត្ថបទពាក់ព័ន្ធ៖

មកទល់ពេលនេះ ផលិតផលដែលមានឈ្មោះថា Turmeric+ កំពុងល្បីខ្លាំងនៅអង់គ្លេស ហើយផលិតផលផ្សំពីរមៀតនេះ ប្រជាពលរដ្ឋអង់គ្លេស មានបញ្ហាសន្លាក់ជាច្រើនបានកំពុងទិញយកទៅប្រើប្រាស់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

រមៀតល្អ​ខ្លាំង សូម្បី​អង់គ្លេស​​ក៏​យក​ទៅ​ប្រើព្យាបាល​សន្លាក់ និង​សាច់​ដុំ

រមៀតល្អខ្លាំង សូម្បីអង់គ្លេសក៏យកទៅប្រើព្យាបាលសន្លាក់ និងសាច់ដុំ