backup og meta

ពេល​កូន​ខ្ចី​សាច់​ឡើង​ស​ស្អាត និង​ម៉ដ្ត​​រលោង បើ​ម៉ាក់​ៗ​អាច​ធ្វើ​រឿង​ទាំង​នេះ

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Try Ravi · កែ Aug 07, 2023

    ពេល​កូន​ខ្ចី​សាច់​ឡើង​ស​ស្អាត និង​ម៉ដ្ត​​រលោង បើ​ម៉ាក់​ៗ​អាច​ធ្វើ​រឿង​ទាំង​នេះ

    ក្រោយ​សម្រាល​កូន​រួច​ ម៉ាក់ៗ​ពិតជា​ចង់​ឲ្យ​ខ្លួន និង​កូន​មាន​សុខភាព​ល្អ ហើយ​អ្វី​ដែល​ពិសេស​គឺ​ទទួល​បាន​សម្រស់​ស្រស់​ស្អាត​ឡើង​វិញ។ បើ​តាម​ការ​ចែក​រំលែក​របស់ម៉ាក់ៗ​ទាំង ៤ រូប​នេះ​បាន​ឲ្យ​ដឹង​ថា ការ​ប្រើ​វិធី​បុរាណ​ដែល​ចាស់​ៗ​តែង​ធ្វើ និង​ការ​របៀបរបប​រស់នៅ​ប្រចាំ​ថ្ងៃ​មួយ​ចំនួន អាច​ជួយ​ឲ្យ​សម្រស់​យើង​ស្អាត​មិនចាញ់​ពេល​មិន​ទាន់មាន​កូនប៉ុន្មាន​ទេ។​

    ១- ខាត់​ស្បែក​ជាមួយ​ពន្លៃ

    រូបមន្ត​ខាត់​ស្បែក​ដែល​ផ្សំ​ពី​រមៀត​លាយ​ជាមួយ​ពន្លៃ ទឹកដោះគោ​ឆៅ និង​ក្រូចឆ្មារ ឬ​ក្រូច​ពោធិ៍សាត់។ សុគន្ធា ដែល​មាន​សាច់​ចាំ​វ័យ​ជិត ៤០ ឆ្នាំ​ហើយ តែ​នៅ​ស្អាត​ដដែល​បាន​រៀបរាប់​ថា ស្រី​ៗ​យើង​ទើប​សម្រាល​ប៊េបី​បាន កន្លះខែ​ទៅ គួរតែ​ឧស្សាហ៍​អនុវត្តន៍​វិធី​នេះ ទើប​ជួយ​រក្សា​ស្បែក​ឲ្យ​មាន​សំណើម​ជាប់​ជានិច្ច ព្រោះ​ពេល​ពពោះ យើង​មិន​បាន​ប្រើប្រាស់​ផលិតផល​អ្វី​ឡើយ ដូចនេះ​ហើយ​ទើប​ស្បែក​មិន​ស្រស់​ថ្លា​ល្អ។

    ថែស្បែកពេលកូនខ្ចី_helloគ្រូពេទ្យ

    ២.ឆ្ពុង

    សីហា ដែល​មាន​តួនាទី​ជា​គ្រូពេទ្យ ក៏​នៅតែ​ជឿ​លើ​វិធី​បុរាណ​មួយ​នេះ​ដែរ ព្រោះ​វា​ប្រៀប​ដូចជា​វិធី​អប់​សាច់​ឲ្យ​ក្ដៅ​ងំ និង​ជួយ​សម្រួល​សរសៃ​ឈាម​ឲ្យ​រត់​ស្រួល។ អ្នក​គ្រូ​ពេទ្យ​ខាង​លើ ក៏​បាន​បន្ត​ទៀត​ថា ក្រោយ​ពេល​ឆ្ពុង​រួច អ្នក​យក​ពន្លៃ​មក​លាប​ពេញ​ខ្លួន រឹតតែ​មាន​ប្រសិទ្ធភាព។ វិធី​នេះ​អាច​ធ្វើ​រហូត​ដល់​កូន ១ ឆ្នាំ​ក៏​បាន​ដែរ​ស្បែក​កាន់តែ​ស្អាត និង​ភ្លឺ​រលោង។

    ៣- ងូត​ទឹក​ក្ដៅ

    ទើប​តែ​សម្រាល​កូន​មិន​គួរ​ងូត​ទឹក​ត្រជាក់​ឡើយ។ ងូត​ទឹក​ក្ដៅ​ជា​រៀង​រាល់ថ្ងៃ​ក្នុង​មួយ​ថ្ងៃ​ពីរ​ដង នោះ​ស្បែក​នឹង​មិន​ឆាប់​ចាស់។ នេះ​ជា​ការ​លើកឡើង​របស់ សេងលី ដែល​មាន​កូន ៣ នាក់ ទៅ​ហើយ​ក្ដី។ ដើម្បី​ឲ្យ​សាច់​កាន់តែ​ទន់​រលោង គួរតែ​ឧស្សាហ៍​ត្រាំ​ទឹកក្ដៅឧណ្ហ៍ៗ លាយ​ជាមួយ​ស្រទាប់​ផ្កា​ចម្រុះ។

    ចង់គណនា BMI ចុចទីនេះ!

    ចង់គណនា BMR ចុចទីនេះ!

    ចង់ពិនិត្យជំងឺមហារីកសុដន់ ចុចទីនេះ!

    ចង់ពិនិត្យជំងឺមហារីកមាត់ស្បូន ចុចទីនេះ!

    ៤- ហាត់ប្រាណ 

    សម្រាល​​​កូន​​​បាន ១ខែកន្លះ ម៉ាក់ៗ​​​​អាច​​​​ចាប់ផ្តើម​​ហាត់​ប្រាណ​បាន​​វិញ​​ហើយ ការ​ហាត់ប្រាណ​មិនត្រឹម​ជួយ​ឲ្យ​សុខភាពល្អ​នោះ​ទេ ស្បែក​តឹង​ណែន​ស្អាត​ នេះ​បើ​តាម​បទ​ពិសោធ​របស់ សោភា ដែល​មានកូន ២នាក់។ ។

    ៥-ញ៉ាំទឹកឲ្យបានច្រើន

    បើតាម ស្រីម៉ៅ  ១ថ្ងៃ ស្រីៗ​យើង​ត្រូវ​​ញ៉ាំ​ទឹក​ឲ្យ​បាន​លើស ២លីត្រ នោះ​ស្បែក​ភ្លឺថ្លា មិន​ជ្រីវជ្រួញ​នោះទេ។

    ចំណុចសំខាន់

    ក្រោយ​សម្រាល​កូន​រួច ម៉ាក់​ៗ​ថ្មីថ្មោង​អាច​អនុវត្ត​តាម​តិចនិក​ធម្មជាតិ​ខាងក្រោម​ ដើម្បី​ឲ្យ​ស្បែក​ស្រស់ថ្លា ក្មេង​ជាង​វ័យ​ និង​ម៉ដ្តរលោង ដូច​តទៅ៖ ខាត់​ស្បែក​ជាមួយ​ពន្លៃ ឆ្ពុង ងូត​ទឹក​ក្តៅ​ ហាត់​ប្រាណ​ ញ៉ាំ​ទឹក​ឲ្យ​បាន​ច្រើន​

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Try Ravi · កែ Aug 07, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម