យើងដឹងហើយថា មេរោគអេដស៍ (HIV) ឆ្លងតាមរយៈការរួមភេទ ជាពិសេសចំពោះអ្នកឧស្សាហ៍ទៅរកអីៗខាងក្រៅ ហើយការពារអត់ត្រឹមត្រូវ ឬភ្លាត់ជាដើម។ តែក៏មានករណីចៃដន្យខ្លះដែរ ដែលអ្នកខ្លះប៉ះឈាមមានផ្ទុកមេរោគនេះដោយផ្ទាល់ ដូចជា ការធ្វេសប្រហែសធ្វើឲ្យខ្ទាតឈាមប៉ះនៅក្នុងមន្ទីរពិសោធន៍ ឬការជួយជនរងគ្រោះ ដោយគ្រោះថ្នាក់ណាមួយជាដើម។

ក្រោយប៉ះឈាមដែលដឹងច្បាស់ ឬសង្ស័យថាមានផ្ទុកមេរោគអេដស៍ ជាទូទៅ មានការណែនាំឲ្យទៅតេស្ដឈាមរកមេរោគនេះ។ ការតេស្ដឈាមភ្លាមៗ ភាគច្រើនពុំអាចពិនិត្យឃើញមេរោគអេដស៍ទេ។ ដូច្នេះ បើតេស្ដឈាមអវិជ្ជមាន ហើយនៅតែសង្ស័យ និងបារម្ភអំពីការឆ្លងមេរោគអេដស៍ទៀត តើគួរធ្វើដូចម្ដេច?

ឆ្លើយតបនឹងករណីនេះ អ្នកជំនាញបង្ការជំងឺ Task Force របស់អាមេរិក ណែនាំឲ្យលេបថ្នាំបង្ការទុកមុន ហៅថា (PrEP) ដែលអាចជួយការពារឆ្លងមេរោគអេដស៍។ អ្នកជំនាញថា ពេទ្យគួរឲ្យថ្នាំ PrEP ដល់អ្នកប្រឈមខ្ពស់នឹងឆ្លងជំងឺអេដស៍ ដោយឲ្យពួកគេផឹករាល់ថ្ងៃ។

មេរោគអេដស៍ hello គ្រូពេទ្យ

អត្ថបទពាក់ព័ន្ធ៖

មេរោគអេដស៍មិនអាចព្យាបាលជាសះស្បើយនោះទេ ដោយវាបន្ដស្ថិតនៅក្នុងខ្លួនអ្នកជំងឺ និងធ្វើឲ្យប្រព័ន្ធការពារចុះខ្សោយ និងអាចធ្វើឲ្យមានផលវិបាកសុខភាពផ្សេងទៀត។ ទោះយ៉ាងណា ពេទ្យអាចព្យាបាលដោយកាត់បន្ថយមេរោគនេះក្នុងឈាម តាមរយៈការឲ្យអ្នកជំងឺផឹកថ្នាំច្រើនមុខចូលគ្នា ហៅថា (Antiretroviral Therapy (ART)) ហើយជំងឺនេះ អាចបង្ការបានដោយប្រើថ្នាំ PrEP ដែលទទួលការយល់ព្រមដោយរដ្ឋបាលអាហារ និងឱសថអាមេរិក (FDA) ផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ជោះឈាម​អេដស៍ លទ្ធផល​​អវិជ្ជមាន តែ​នៅ​សង្ស័យ​ឆ្លង អាច​លេប​ថ្នាំនេះ

ជោះឈាមអេដស៍ លទ្ធផលអវិជ្ជមាន តែនៅសង្ស័យឆ្លង អាចលេបថ្នាំនេះ