ពេលនិយាយដល់រឿងឆាប់ចេញទឹកកាម មានបុរសៗជាច្រើនអៀនមិនហ៊ាននិយាយអំពីវាទេ។ ប៉ុន្តែបញ្ហាមួយនេះ គឺជាបញ្ហាផ្លូវភេទបុរសកើតច្រើនជាងគេ ដែលមានមនុស្សប្រុសម្នាក់ ក្នុងចំណោម៣នាក់ ជួបបញ្ហានេះក្នុងជីវិតផ្លូវភេទរបស់ខ្លួន។ ប្រសិនបើប្រុសៗយើងមានបញ្ហាឆាប់ចេញទឹកកាមនេះពិតមែន សូមកុំព្រួយបារម្មណ៍ពេកអី ព្រោះថាអាចមានវិធីព្យាបាលបាន ហើយក្នុងអត្ថបទនេះ Hello គ្រូពេទ្យ នឹងលើកយកតិចនិកល្អៗមកប្រាប់គ្នាយើង ដើម្បីកុំឲ្យមានអារម្មណ៍ខ្មាសគេដោយសារជំងឺនេះ។
ជួបបញ្ហាឆាប់ចេញទឹកកាមពេលអីៗ សាកដោះស្រាយតាមវិធីនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មានបញ្ហាឆាប់ចេញទឹកកាមជាច្រើនករណី មិនចាំបាច់ត្រូវការព្យាបាលទេ ដោយសារវានឹងបាត់ទៅវិញដោយខ្លួនឯងក្នុងពេលខាងមុខ។ ប៉ុន្តែប្រសិនបើនៅតែបន្តរំខានដល់ជីវិតរបស់យើង ការព្យាបាលតាមវិធីដូចខាងក្រោមបានយ៉ាងមានប្រសិទ្ធភាព។
១- ថ្នាំពេទ្យ
ពេលខ្លះគ្រូពេទ្យអាចណែនាំឲ្យយើងលេបថ្នាំព្យាបាលជំងឺបាក់ទឹកចិត្ដ ដែលមានដូចជា clomipramine និង paroxetine ដើម្បីប្រើសម្រាប់ព្យាបាលបញ្ហាឆាប់ចេញទឹកកាម។ ថ្នាំនេះមានប្រសិទ្ធភាពមួយផ្សេងសម្រាប់ទៅជួយពន្យារពេលចេញទឹកកាម ដោយវាទៅបញ្ឈប់អារម្មណ៍ដល់កំពូលរបស់ប្រុសៗ។ យើងនឹងឃើញប្រសិទ្ធភាពរបស់វាក្នុងរយៈពេលត្រឹមតែ ពីរទៅបីសប្ដាហ៍តែប៉ុណ្នោះ។ ក្រៅពីនេះទៀត គេអាចប្រើថ្នាំបំបាត់ការឈឺចាប់មានដូចជា Tramadol ដើម្បីយកទៅព្យាបាលបញ្ហាឆាប់ចេញទឹកកាមបានផងដែរ។
ក្រៅពីថ្នាំលេប យើងក៏អាចប្រើគ្រីមលាប ជែល និងថ្នាំបាញ់ ដើម្បីព្យាបាលបញ្ហាឆាប់ចេញទឹកកាមបានដូចគ្នា។ Lidocaine និង lidocaine-prilocaine គឺជាសមាសធាតុមានក្នុងពពួកថ្នាំទាំងអស់នោះ។ គេយកវាមកលាបលើលិង្គដោយផ្ទាល់មុនពេលរួមភេទ។ ប៉ុន្តែផលរំខានរបស់ថ្នាំប្រភេទនេះ គឺធ្វើឲ្យបាត់បង់អារម្មណ៍ស្រើបស្រាល និងមិនទទួលបានអារម្មណ៍ល្អពីការរួមភេទនៅលើដៃគូរទាំងសងខាង។
២- តិចនិកជួយពន្យាពេល
មនុស្សប្រុសអាចហាត់ប្រើតិចនិកទប់ស្កាត់អារម្មណ៍ស្រើបស្រាល ដើម្បីជួយពន្យាពេលនៃការបញ្ចេញទឹកកាម។ មនុស្សប្រុសមានបញ្ហាឆាប់ចេញទឹកកាម អាចសាកល្បងប្រើវិធីដូចខាងក្រោមបាន៖
- ត្រូវសង្កេតមើល និងគ្រប់គ្រងអារម្មណ៍ដែលធ្វើឲ្យឆាប់ចេញទឹកកាមឲ្យបានល្អ
- ត្រូវពិភាក្សាជាមួយដៃគូរ ដើម្បីជួយពន្យារពេល ឬបញ្ឈប់អារម្មណ៍ស្រើបស្រាល
- ប្រើស្រោមអនាម័យប្រភេទ គ្រប់គ្រងអារម្មណ៍ស្រើបស្រាល ដើម្បីកាត់បន្ថយអារម្មណ៍ស្រើបស្រាលលើលិង្គរបស់បុរស
- គួរសាកល្បងប្រើក្បាច់រួមភេទផ្សេងៗ
- ត្រូវបញ្ឈប់ ឬកាត់បន្ថយការប្រើប្រាស់គ្រឿងស្រវឹង បារី និងថ្នាំញៀន។
តិចនិកនៃការរៀបចំអត្ដចរិត ក៏អាចជួយកាត់បន្ថយសម្ពាធ និងជួយមិនឲ្យឆាប់ចេញទឹកកាមបានដែរ។ វិធីទាំងនេះមានដូចជា ការសម្រេចកាមមុនពេលចាប់ផ្ដើមរួមភេទ (មុនមួយម៉ោង ឬពីរម៉ោង) ផ្អាករួមភេទមួយរយៈ និងផ្ដោតអារម្មណ៍លើតិចនិចនៃការរួមភេទបែបផ្សេងទៀត។
តិចនិចការទប់ដោយគៀប គឺជាវិធីពន្យាពេលកុំឲ្យឆាប់ចេញទឹកកាមមួយផ្សេងទៀត។ ក្នុងវិធីមួយនេះ ដៃគូរបស់យើងគឺជាអ្នកជួយខ្ជិបផ្នែកខាងចុងនៃលិង្គ ពេលដែលមនុស្សប្រុសជិតចេញទឹកកាម។ ដៃគូម្ខាងទៀតគួរបន្តជួបខ្ជិបបែបនេះ ឲ្យបានប៉ុន្មានវិនាទី ដើម្បីឲ្យអារម្មណ៍ដល់កំពូលរបស់មនុស្សប្រុសបាត់ទៅវិញ។ មនុស្សយើងអាចព្យាបាលបញ្ហាឆាប់ចេញទឹកកាម ដោយពឹងដៃគូជួយ ធ្វើបែបនេះមួយរយៈ នោះយើងនឹងឃើញលទ្ធផលរបស់វានៅថ្ងៃខាងមុខ។
៣- ការប្រឹក្សា
មានបញ្ហាផ្លូវចិត្ដមួយចំនួន មានដូចជាស្រ្តេស បាក់ទឹកចិត្ដ ឬថប់បារម្ម សុទ្ធតែអាចជាមូលហេតុធ្វើឲ្យមនុស្សប្រុសឆាប់ចេញទឹកកាមបាន។ មនុស្សដែលមានបញ្ហាមួយនេះ អាចមានអារម្មណ៍ថា ខ្លួនបាត់ទំនាក់ទំនងជាមួយដៃគូ គិតថាខ្លួនធ្វើឲ្យដៃគូខឹង មានអារម្មណ៍ខ្មាសអៀន និងអន់ចិត្ដ។ ប៉ុន្តែការទៅប្រឹក្សាយោបល់ជាមួយអ្នកជំនាញ អំពីបញ្ហាទំនាក់ទំនង អាចជួយឲ្យយើងបានប្រសើរឡើងវិញបាន។ ក្រោយពេលប្រឹក្សាជាមួយអ្នកជំនាញ យើងនឹងដឹងអំពីវិធីដោះស្រាយរាល់បញ្ហាទាំងអស់នោះ។
គ្នាយើងប្រហែលត្រូវការពេលមួយរយៈ ទម្រាំអាចទទួលការព្យាបាលដែលមានប្រសិទ្ធភាពមួយបាន។ ដូចនេះសូមកុំព្រួយបារម្មណ៍ពេកអី ដោយសារតែបញ្ហាផ្លូវភេទមួយនេះ នឹងចាប់ផ្ដើមល្អប្រសើរឡើងវិញ ប្រសិនបើយើងប្រើវិធីព្យាបាលបានត្រឹមត្រូវ។ ជាទូទៅវិធីដែលមានប្រសិទ្ធភាពជាងគេ គឺព្យាបាលតាមបែបរៀបចំអត្តចរិត បូកគ្នាជាមួយការប្រើថ្នាំពេទ្យ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម