ការញាំអាហារដែលត្រឹមត្រូវអាចជួយកាត់បន្ថយហានិភ័យនៃការវិវដ្ដទៅជា ជំងឺសរសៃឈាមបេះដូង បញ្ឈប់ការឡើងទម្ងន់ កាត់បន្ថយហានិភ័យនៃជំងឺទឹកនោមផ្អែម និងជំងឺលើសឈាម។ ក្រៅពីនេះ របបអាហារត្រឹមត្រូវក៏អាចជួយបន្ថយកម្រិតកូលេស្តេរ់ូល និងកាត់បន្ថយហានិភ័យនៃជំងឺមហារីកមួយចំនួនបានទៀតផង។ ព្យាយាមអនុវត្តតាមតិចនិកខាងក្រោមនេះនឹងជួយគ្នាយើងក្នុងការញាំរបបអាហារដែលត្រឹមត្រូវដើម្បីជៀសផុតពីហានិភ័យនៃការកើនឡើងជំងឺបេះដូង។
អនុវត្តតាមវីធីទាំងនេះ ជួយឲ្យបេះដូងមានសុខភាពល្អ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១.រក្សាតុល្យភាពអាហារ
គ្នាយើងតែងផ្ដោតលើរបបអាហារដែលមានតុល្យភាពល្អ។ អាហារសម្រាប់សម្រកទម្ងន់អាច និងមិនផ្ដល់នូវតុល្យភាពនៃសារធាតុចិញ្ចឹមដែលយើងត្រូវការនោះទេ។ ជម្រើសដែលល្អនោះយើងគួរតែស្វែងយល់អំពីអាហារដែលមានក្នុងក្រុមអាហារដូចជា៖
- បន្លែនិងផ្លែឈើ
- អាហារដែលភាគច្រើនជាម្សៅដូចជា នំប៉័ង អង្ករ ដំឡូងនិងប៉ាស្តា
- គួរតែជ្រើសយកការញាំគ្រាប់ធញ្ញជាតិបើអាច
- ទឹកដោះគោ និងផលិតផលទឹកដោះមួយចំនួន
- សាច់ ត្រី ស៊ុត សណ្ដែក និងប្រភពប្រូតេអ៊ីនផ្សេងទៀតដែលមិនមែនជាទឹកដោះគោ
- កាត់បន្ថយការញាំអាហារ និងភេសជ្ជៈដែលមានខ្លាញ់ ឬស្ករខ្ពស់
- ជ្រើសយកអាហារដែលមានជាតិ ខ្លាញ់ អំបិលនិងស្ករទាប
២.បន្លែនិងផ្លែឈើ
ប្រសិនបើគ្នាយើងចង់ស្គមនោះការញាំរបបអាហារដែលមានតុល្យភាពគួរតែបញ្ចូលផ្លែឈើ និងបន្លែ ឲ្យបានច្រើនទៅក្នុងរបបអាហារ។ ដូចគ្នាដែរ គ្នាយើងគួរព្យាយាមញ៉ាំ បន្លែ និងផ្លែឈើ ប្រភេទផ្សេងៗគ្នាពីមួយថ្ងៃទៅមួយថ្ងៃ។ ក្រៅពីនេះ គ្រាប់ផ្លែឈើ និងពពួកសណ្ដែក ក៏គួរបញ្ចូលក្នុងរបបអាហារដែរ។
៣.គ្រឿងស្រវឹង
បើសិនជាគ្នាយើងជាអ្នកផឹកគ្រឿងស្រវឹង ត្រូវផឹកដោយការទទួលខុសត្រូវ មិនត្រូវផឹកច្រើនពេកនោះទេ មិនថាយើងផឹករាល់ថ្ងៃ ឬផឹកម្ដងម្កាលនោះទេ។
៤.អំបិល
ការញ៉ាំអាហារប្រៃ មានអំបិលច្រើនក៏អាចបង្កើនហានិភ័យនៃការវិវត្តទៅជាជំងឺលើសឈាម ហើយការមានសម្ពាធឈាមខ្ពស់អាចនិងបង្កើនហានិភ័យនៃការវិវត្តទៅជាជំងឺសរសៃឈាមបេះដូង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម