ការនោមញឹកញាប់ អាចជាបញ្ហាបណ្ដោះអាសន្ន ឬមានលក្ខណៈរ៉ាំរ៉ៃ។ ជាក់ស្ដែង ការនោមញឹកញាប់នេះ អាចអមមកជាមួយនឹងអារម្មណ៍រាន់នោម ដែលអាចធ្វើឲ្យយើងមានការថប់បារម្ភ និងអៀនខ្មាស់។ បន្ថែមពីនេះ យើងក៏អាចប្រឈមនឹងអាការៈឈឺចាប់ នៅពេលមានការកើនឡើងនៃទឹកនោម ដែលពាក់ព័ន្ធនឹងស្ថានភាពសុខភាពមួយ ហៅថាការឈឺក្នុងប្លោកនោម បណ្ដាលមកពីមុខងាររបស់អាងត្រគាកធ្វើការមិនល្អ ។ យ៉ាងណាមិញ ការញ៉ាំភេសជ្ជៈដែលមានជាតិកាហ្វេអ៊ីនក៏អាចជាមូលហេតុនាំឲ្យយើងនោមញឹកញាប់ផងដែរ។
នោមញឹកញាប់ អាចបណ្ដាលមកពីផឹកភេសជ្ជៈមានធាតុទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បរិមាណ
ពិតណាស់ ការញ៉ាំភេសជ្ជៈច្រើនពេក រួមទាំងភេសជ្ជៈដែលមានជាតិកាហ្វេអ៊ីន ក៏អាចបណ្ដាលឲ្យយើងនោមញឹកញាប់។ ប្លោកនោមរបស់យើងរីកធំនៅពេលដែលពេញដោយទឹកនោម ប៉ុន្តែវាមានកម្រិតខ្ពស់នៃចំនួនថង់ដែលអាចផ្ទុកទឹកនោមបាន។ នៅពេលដែលយើងញ៉ាំច្រើនជាងបរិមាណធម្មតានៃសារធាតុរាវក្នុងរយៈពេលខ្លីមួយ ប្លោកនោមមិនអាចទប់នឹងសម្ពាធលើសបានទេ។ ជាលទ្ធផល យើងនឹងនោមញឹកញាប់ ហើយក្នុងករណីខ្លះ វាអាចបង្កជាការនោមទាស់។ ដើម្បីដោះស្រាយមូលហេតុដែលបណ្ដាលឲ្យនោមញឹកញាប់ គ្នាយើងគប្បីញ៉ាំភេសជ្ជៈដែលមានជាតិកាហ្វេអ៊ីនម្ដងបន្តិចៗ ជំនួសឲ្យការញ៉ាំម្ដងទាំងអស់។ ម្យ៉ាងវិញទៀត ចូរបញ្ឈប់ការញ៉ាំភេសជ្ជៈពីរបីម៉ោងមុនពេលដែលយើងចូលគេង ដើម្បីជៀសវាងការរំខានដល់ការនោមញឹកញាប់ ដែលកើតឡើងនៅពេលយប់។
កាហ្វេអ៊ីន
ជាមួយគ្នានេះដែរ យើងអាចនឹងនោមញឹកញាប់ ប្រសិនបើភេសជ្ជៈដែលយើងញ៉ាំមានជាតិកាហ្វេអ៊ីន ពីព្រោះវាអាចបង្កើតជាការរំញោច ដែលអាចធ្វើឲ្យប្លោកនោមរលាក។ ប្រសិនបើប្លោកនោមក្លាយទៅជារលាក វានឹងផ្ដល់សញ្ញាឲ្យយើងបញ្ចេញទឹកនោមឲ្យអស់។ យើងអាចនឹងជួបប្រទះការជំរុញឲ្យនោមញឹកញាប់ បើទោះបីជាយើងនោមមិនច្រើនក៏ដោយ។ ដូច្នេះហើយ យើងគប្បីគ្រប់គ្រងការនោមញឹកញាប់ ដែលបង្កឡើងដោយជាតិកាហ្វេអ៊ីន និងញ៉ាំភេសជ្ជៈដែលគ្មានជាតិកាហ្វេអ៊ីនជំនួសវិញ។ លើសពីនេះ ចូរជៀសវាងការញ៉ាំសូកូឡា ប្រសិនបើសារធាតុកាហ្វេអ៊ីនរំខានដល់ប្លោកនោមរបស់យើង។
ស្ករសិប្បនិម្មិត
ស្ករសិប្បនិម្មិតមាននៅក្នុងភេសជ្ជៈដែលមានជាតិកាហ្វេអ៊ីន អាចជាភ្នាក់ងារបង្កឲ្យមានការបញ្ហានោមញឹកញាប់។ សមាគមការរលាកប្លោកនោមបានពន្យល់ថា មនុស្សមួយចំនួនមានអារម្មណ៍ឈឺចាប់ និងនោមញឹកញាប់ បន្ទាប់ពីញ៉ាំអាហារ និងភេសជ្ជៈដែលមានជាតិស្ករសិប្បនិម្មិត។ រីឯអ្នកឯកទេសខាងចំណីអាហារក៏បានរាយការណ៍ថា អ្នកដែលមានអាការៈឈឺក្នុងប្លោកនោម បណ្ដាលមកពីមុខងាររបស់អាងត្រគាកធ្វើការមិនល្អ អាចធន់នឹងសារធាតុsucraloseនៅក្នុងបរិមាណតិចតួច ខណៈដែលអ្នកដទៃទៀត មានរោគសញ្ញាច្រើន នៅពេលដែលប្រើប្រាស់ស្ករសិប្បនិម្មិត។
កាបូន
ការញ៉ាំទឹកសូដាច្រើន ក៏អាចជាមូលហេតុចម្បងមួយនៃបញ្ហានោមញឹកញាប់ ដែលបណ្ដាលមកពីភេសជ្ជៈទាំងនេះមានផ្ទុកជាតិកាបូន។ ជាតិកាបូនអាចធ្វើឲ្យប្លោកនោមរលាក និងអាចធ្វើឲ្យយើងនោមច្រើនជាងធម្មតា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម