គ្នាយើងធ្លាប់ចាប់អារម្មណ៍ទេថា ពេលញ៉ាំ អាហារហើយ យើងញ៉ាំកាហ្វេថែមមួយពែងទៀត ស្រាប់តែមានអារម្មណ៍ឈឺពោះចង់បត់ជើងធំ? បើគ្នាយើងមានអារម្មណ៍បែបនេះ គឺមិនចម្លែកអ្វីនោះដែរ ព្រោះថាមនុស្សមួយចំនួនផ្សេងទៀតក៏ជួបរឿងនេះដែរ។
មាតិកា
ផឹកកាហ្វេធ្វើឲ្យងាយឈឺជុះ ពិតអត់?
ការសិក្សាមួយចំនួនបានរកឃើញថាការផឹកកាហ្វេអាចធ្វើឲ្យរំលាយអាហារបានស្រួលជាងមុន និងជួយភ្ញោចឲ្យមានការកន្ត្រាក់សាច់ដុំពោះវៀន អាចនាំឲ្យយើងចង់ទៅបន្ទោបង់។
១. កាហ្វេ និងការទល់លាមក
ចុះបើកាហ្វេជួយដល់ប្រព័ន្ធរំលាយអាហារបែបនេះ យើងអាចយកកាហ្វេមកព្យាបាលបញ្ហាទល់លាមកបានទេ។ ថ្វីបើកាហ្វេមានប្រយោជន៍ដល់ការរំលាយអាហារ តែអ្នកជំនាញនៅតែមិនលើកទឹកចិត្តឲ្យគ្នាយើងមានបញ្ហាទល់លាមកជ្រើសរើសកាហ្វេ ជាវិធីសាស្ត្រព្យាបាល ជាជាងជួបគ្រូពេទ្យនោះទេ។
ការសិក្សាមួយចំនួនបានសន្និដ្ឋានថាការផឹកកាហ្វេអាចមានទំនាក់ទំនងនឹងការកាត់បន្ថយហានិភ័យទល់លាមករ៉ាំរ៉ៃ។ លោក Lauri Wrightបណ្ឌិតផ្នែកសុខភាពសាធារណៈ និងជាជំនួយការសាស្រ្តាចារ្យនៅសាកលវិទ្យាល័យ South Florida សហរដ្ឋអាមេរិក បានលើកឡើងថាកាហ្វេអាចធ្វើឲ្យមានការកន្ត្រាក់សាច់ដុំក្នុងប្រព័ន្ធរំលាយអាហារ ដែលអាចជួយសម្រួលដល់ការបន្ទោបង់។
លោក លើកឡើងថា កាហ្វេជួយភ្ញោចសាច់ដុំក្នុងពោះវៀនធំ ដែលថានេះបានជួយសម្រួលដល់ការបន្ទោបង់ និងជួយដល់ការរំលាយអាហារផងដែរ។
យ៉ាងណា លោក Emeran Mayer បម្រើការនៅមជ្ឈមណ្ឌលស្រាវស្រាវជំងឺប្រព័ន្ធរំលាយអាហារនៃសាកលវិទ្យាល័យ California Los Angeles សង្កត់ធ្ងន់ថា ទោះបីជាកាហ្វេប្រហែលជាអាចជួយជំរុញដល់ការកន្ត្រាក់សាច់ដុំពោះវៀនមែន តែថាយើងក៏មិនអាចពិចារណាយកកាហ្វេមកធ្វើជាដំណោះស្រាយសម្រាប់បញ្ហាទល់លាមកដែរ។ លោក បញ្ជាក់ថា កាហ្វេមិនអាចយកមកព្យាបាលបញ្ហាទល់លាមក ឬជំងឺផ្សេងៗបាននោះទេ។
២. តើគួរផឹកកាហ្វេកម្រិតណាទើបសុវត្ថិភាព
អ្នកជំនាញផ្នែកប្រព័ន្ធ រំលាយអាហារលើកឡើងថាការផឹកកាហ្វេឆុងក្នុងមួយថ្ងៃប្រហែល៤០០មិល្លីក្រាម ឬប្រហែលប្រាំពែងក្នុងមួយថ្ងៃ គឺមានសុវត្ថិភាព។ ការផឹកកាហ្វេច្រើនជាងនេះក្នុងមួយថ្ងៃអាចធ្វើមានគ្រោះថ្នាក់ដល់សុខភាព ដូចជាពិបាកគេង ឬអាចមានអាការៈញ័រជាដើម។
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.healthline.com/health-news/does-coffee-help-your-digestive-system-experts-arent-convinced#Some-benefits-from-coffee
https://www.livestrong.com/article/487850-effects-of-coffee-on-digestion/
កំណែប្រែបច្ចុប្បន្ន
12/04/2021
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម