សំរាមជារបស់កខ្វក់ដែលគ្មានគ្នាយើងណាចង់ទៅប៉ះពាល់ជិតស្និទ្ធទេ ព្រោះវាមានផ្ទុកមេរោគច្រើន អាចធ្វើឲ្យយើងឈឺបាន។ ដូចគ្នានេះ សំរាមជាផ្នែកធំមួយធ្វើឲ្យក្នុងផ្ទះ ឬទីក្រុងមួយបាត់បង់សោភណភាព ហើយក៏បង្កឲ្យមានខ្យល់ពុលកើតឡើងដែរ។

ការបោះចោលសំរាមផ្ដេសផ្ដាស ធ្វើឲ្យសារធាតុគីមីចេញមកក្រៅ អាចប៉ះពាល់ដល់សុខភាពមនុស្សយើងធ្ងន់ធ្ងរ។ មិនតែប៉ុណ្ណោះ ក្មេងៗ និងមនុស្សចាស់ដែលមានសុខភាពខ្សោយងាយប្រឈមនឹងគីមីពុលនេះ ធ្វើឲ្យសុខភាពមានបញ្ហាណាស់។ នេះបើតាមការឲ្យដឹងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។

នៅពេលដែលយើងនៅក្បែរ ឬហិតក្លិនសំរាមចូលទៅក្នុងខ្លួនយូរៗទៅ សុខភាពនឹងចុះទ្រុឌទ្រោម ងាយប្រឈមនឹងជំងឺផ្សេងៗមិនខាន។ ក្រៅពីបង្កជាជំងឺប៉ះពាល់សុខភាព ការចោលសំរាមដោយគ្មានសណ្ដាប់ធ្នាប់ ក៏អាចបង្កជាគ្រោះថ្នាក់ជាយថាហេតុណាមួយដល់មនុស្សយើងគ្រប់បានផងដែរដូច៖

១.ឆ្លងមេរោគ

– ឆ្លងមេរោគដល់ស្បែក ឬឈាម (បើយើងប៉ះពាល់នឹងសំរាមផ្ទាល់ ឬប៉ះពាល់ពេលមានដំបៅ)

– ឆ្លងមេរោគភ្នែក និងប្រព័ន្ធផ្លូវដង្ហើម

– កើតជំងឺផ្សេងៗ (បើយើងត្រូវសត្វស៊ីសំរាមជាអាហារខាំ ដូចជាកណ្ដុរ។ល។)

– ឆ្លងមេរោគដល់ក្រពះ-ពោះវៀន (តាមរយៈសត្វរុយទុំលើសំរាម រួចទុំលើចំណីអាហារយើងញ៉ាំ)

២.ជំងឺរ៉ាំរ៉ៃ

អ្នកធ្វើការជាមួយសំរាមច្រើន អាចប្រឈមនឹងបញ្ហាផ្លូវដង្ហើមរ៉ាំរ៉ៃ ឬអាចឈានដល់កើតជំងឺមហារីកក៏មាន។

វេជ្ជបណ្ឌិតរូបនេះ បញ្ជាក់ថា ដើម្បីការពារផលប៉ះពាល់ទាំងនេះ ដល់ខ្លួនយើងផ្ទាល់ ក៏ដូចជាមនុស្សគ្រប់រូបដែលរស់នៅជុំវិញខ្លួន យើងត្រូវរៀបចំទុកដាក់សំរាមឲ្យមានសណ្ដាប់ធ្នាប់ល្អ ទើបធានាបាននូវសុខភាពល្អ ហើយកន្លែងយើងរស់នៅក៏មានសោភណ្ឌភាពស្អាត។

យកល្អ បើអាចគួរបែងចែកសំរាមស្ងួត សើម ប្លាស្ទីក ឬកែវស្រួច តាមដែលអាចធ្វើទៅបាន ដើម្បីសម្រួលដល់អ្នកប្រមូលសំរាម ហើយយើងក៏អាចជួយបង្ការគ្រោះថ្នាក់ផ្សេងៗមិនឲ្យកើតឡើងបានដែរ។

ត្រូវដឹង! នៅជិត ឬហិតក្លិនសំរាមយូរ ធ្វើឲ្យខូចសុខភាពខ្លាំង

១.​ឆ្លង​មេរោគ

២.ជំងឺ​រ៉ាំរ៉ៃ

១.ឆ្លងមេរោគ

២.ជំងឺរ៉ាំរ៉ៃ