ជំងឺផ្ដាសាយធម្មតា ឬផ្ដាសាយធំបង្កឡើងដោយវីរុស ដូចនេះហើយថ្នាំអង់ទីប្យូទិច (Antibiotics) មិនអាចព្យាបាល ឬបង្ការជំងឺនេះទេ។ ប៉ុន្តែការសម្រាកឲ្យបានគ្រប់គ្រាន់ ផឹកទឹកច្រើន និងវិធីធម្មជាតិមួយចំនួនអាចជួយបន្ធូរអាការៈបាន។
១. ទឹកឃ្មុំ
ទឹកឃ្មុំមានប្រសិទ្ធភាពក្នុងការប្រឆាំងនឹងពពួកអតិសុខុមប្រាណ (មេរោគ) បាន។ ការសិក្សាមួយបានរកឃើញថាទឹកឃ្មុំមានប្រសិទ្ធភាពសម្រាលអាការៈក្អកដែលជារោគសញ្ញាមួយនៃជំងឺផ្ដាសាយ។ គួរបញ្ជាក់ថា ក្មេងអាយុក្រោមមួយឆ្នាំមិនគួរឲ្យផឹកទឹកឃ្មុំទេ។ សម្រាប់មនុស្សពេញវ័យយើងអាចលាយទឹកឃ្មុំជាមួយទឹកក្ដៅឧណ្ហៗដើម្បីបន្ថយអាការៈឈឺក ឬក្អក។ យើងក៏អាចថែមទឹកក្រូចឆ្មារបានដែរ។
អត្ថបទពាក់ព័ន្ធ៖
- តិចអត់ដឹង! ផឹកទឹកក្ដៅឧណ្ហៗលាយទឹកឃ្មុំរាល់ថ្ងៃ មានប្រយោជន៍ច្រើនចំពោះសុខភាព
- ដល់ខែភ្លៀងហើយ នេះតិចនិក ៦ យ៉ាង ការពារកុំឲ្យផ្ដាសាយ
- ផ្តាសាយតិចតួចមិនបាច់ប្រើថ្នាំទេ ញ៉ាំភេសជ្ជៈ ៣ មុខនេះជាវិញហើយ
២. ខ្ទឹមស
ខ្ទឹមសអាចជួយប្រឆាំងនឹងជំងឺផ្ដាសាយព្រោះមានប្រសិទ្ធភាពប្រឆាំងនឹងបាក់តេរី និងវីរុស។ ខ្ទឹមសគឺជាឱសថធម្មជាតិដែលគេប្រើសម្រាប់ជំងឺផ្ដាសាយ និងផ្ដាសាយធំជាយូរណាស់មកហើយ។ យើងអាចញ៉ាំខ្ទឹមសឆៅ ឬធ្វើម្ហូបមានដាក់ខ្ទឹមស។
៣. ជាតិម៉ង់តុល (Menthol)
ការស្ទះនៅផ្លូវដង្ហើមគឺជារោគសញ្ញាទូទៅនៃជំងឺផ្ដាសាយ ហើយជាតិម៉ង់តុលអាចជួយបន្ធូរបន្ថយអាការៈនេះបាន។ ជាតិម៉ង់តុលមានក្នុងជីអង្កាម និងមានប្រសិទ្ធភាពក្នុងការប្រឆាំងនឹងបាក់តេរី និងបន្ថយការឈឺចាប់។ យើងអាចបន្ថែមជាតិម៉ង់តុលពេលឆ្ពុងច្រមុះ។
៤. មើមខ្ញី
មើមខ្ញីមានអត្ថប្រយោជន៍សម្រាប់សុខភាព។ យើងអាចដាក់ខ្ញីស្រស់ទៅក្នុងទឹកពុះអាចជួយសម្រាលអាការៈក្អក ឬឈឺកបាន។ ការសិក្សាបានអះអាងថាខ្ញីក៏អាចបំបាត់អាការៈចង្អោរដែលបង្កដោយជំងឺផ្ដាសាយដែរ។
៥. វីតាមីន C
វីតាមីន C គឺសំខាន់ក្នុងការជួយពង្រឹងប្រព័ន្ធភាពស៊ាំ។ មនុស្សជាច្រើនក៏ជឿថាវីតាមីន C បង្ការមិនឲ្យឆ្លងជំងឺផ្ដាសាយញឹកញាប់។ ការសិក្សាបានឲ្យដឹងថាការទទួលបានវីតាមីន C អាចមានប្រយោជន៍ក្នុងការបង្ការជំងឺផ្ដាសាយ និងបន្ថយអាការៈអំឡុងពេលផ្ដាសាយ។ ពពួកផ្លែក្រូច និងផ្លែបឺរគឺមានផ្ទុកវីតាមីន C ច្រើន។
៦. ពពួកផ្លែបឺរី
ពពួកផ្លែបឺរីផ្ទុកសារធាតុ polyphenol ដែលអាចប្រឆាំងនឹងវីរុស និងជួយប្រឆាំងនឹងវីរុសបង្កជំងឺផ្ដាសាយ។ ពពួកផ្លែបឺរីមានដូចជាផ្លែស្ត្របឺរី ប្លូបឺរី និងប្លេកបឺរីជាដើមដែលសុទ្ធតែសម្បូរវីតាមីន C និងអាចជួយទ្រទ្រង់ប្រព័ន្ធភាពស៊ាំ។
៧. Probiotics
Probiotics គឺជាបាក់តេរីដែលទ្រទ្រង់សុខភាពពោះវៀន និងអាចបង្ការមិនឲ្យឆ្លងជំងឺផ្ដាសាយ ឬផ្ដាសាយធំ។ ការស្រាវជ្រាវបានអះអាងថា Probiotics អាចជួយការពារប្រព័ន្ធភាពស៊ាំពីវីរុសបង្កជំងឺផ្ដាសាយ។ Probiotics មាននៅក្នុងយ៉ាអួ គីមឈី ឈីស និងជ្រក់ជាដើម។
៨. ទឹកអំបិល
ការខ្ពុរទឹកអំបិលអាចជួយបង្ការការឆ្លងមេរោគនៅប្រព័ន្ធផ្លូវដង្ហើមខាងលើ និងបន្ថយអាការៈជំងឺផ្ដាសាយ។ ទឹកអំបិលអាចសម្រាលអាការៈឈឺក និងអាការៈតឹងច្រមុះ។ យើងអាចដាក់អំបិលមួយស្លាបព្រាកាហ្វេទៅក្នុងទឹកមួយកែវ។
គួរបញ្ជាក់ថា ប្រសិនជាអាការៈមិនធូរស្រាលក្រោយរយៈពេល១០ថ្ងៃ ឬមានអាការៈមិនប្រក្រតីគ្នាយើងគួរទៅពិគ្រោះជាមួយគ្រូពេទ្យ។
[embed-health-tool-vaccination-tool]
