ប៉ុន្មានថ្ងៃមកនេះ មានករណីឆ្លងផ្តាសាយធំបន្តបន្ទាប់ ដោយឆ្លងពីមនុស្សម្នាក់ទៅមនុស្សទៀតលឿនបំផុត។ ចំពោះអាការៈជំងឺ និងរោគសញ្ញាផ្តាសាយធំវិញ ស្រដៀងនឹងជំងឺ COVID-19 ដែរ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
ផ្តាសាយធំឆ្លងលឿន ខណៈរោគសញ្ញាស្រដៀងនឹង COVID-19 ដែរ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិតថា ជំងឺផ្តាសាយធំបង្កឡើងដោយវីរុស ហើយរោគសញ្ញារួមមាន ក្តៅខ្លួន ក្អក ឈឺក ហៀរសម្បោរ តឹងច្រមុះ ព្រឺរងារ អស់កម្លាំង ឈឺក្បាល ឈឺខ្លួន។
បើតាមអង្គការសុខភាពពិភពលោក (WHO) អ្នកដែលប្រឈមខ្លាំងនឹងការឆ្លងផ្តាស្តាយធំ រួមមាន ស្ត្រីពពោះ ក្មេងអាយុក្រោម ៥ឆ្នាំ មនុស្សចាស់ វ័យ៦៥ឆ្នាំឡើយ មនុស្សដែលមានជំងឺប្រចាំកាយរ៉ាំរ៉ៃ ដូចជា អេដស៍ ហឺត បេះដូង សួត និងជំងឺទឹកនោមផ្អែម។
ខណៈជំងឺផ្តាសាយធំអាចចម្លងពីមនុស្សម្នាក់ទៅមនុស្សទៀតបានយ៉ាងលឿន តាមរយៈការក្អក ឬកណ្តាស់នោះ ដូចគ្នានឹងជំងឺ COVID-19 ដែរ ដូច្នេះការបង្ការការចម្លង មានតែការធ្វើអនាម័យ ដោយលាងសម្អាតដៃឲ្យបានញឹកញាប់ ពាក់ម៉ាសការពារ នៅពេលក្អក ឬកណ្តាស់ត្រូវប្រើកន្សែង ឬក្រដាសមកខ្ទប់ច្រមុះ និងមាត់។
ចំពោះអ្នកឆ្លងជំងឺផ្តាសាយធំ ត្រូវផឹកទឹកឲ្យបានច្រើន ពិសេសទឹកក្តៅឧណ្ហៗ ហើយសម្រាកឲ្យបានគ្រប់គ្រាន់ ដោយអាការៈជំងឺនេះនឹងធូរស្បើយវិញក្នុងរយៈពេល ១សប្តាហ៍។ ក្នុងករណីអាការៈជំងឺផ្តាសាយវិវត្តកាន់តែធ្ងន់ធ្ងរទៅ យើងត្រូវប្រញាប់ទៅជួបគ្រូពេទ្យ។ ឯវិធីល្អបំផុតក្នុងបង្ការមិនកើត ឬឆ្លងជំងឺផ្តាសាយធំ គឺការចាក់វ៉ាក់សាំងការពារ ១ឆ្នាំ/ម្តង នេះបើតាមអង្គការសុខភាពពិភពលោក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម