បើនិយាយរឿងសម្រេចកាមខ្លួនឯង ប្រុសៗជំនាញជាងស្រីៗ តែបើនិយាយរឿងប្រើឧបករណ៍សិចសម្រេចកាមវិញ ប្រុសៗមិនចូលចិត្តទេ ភាគច្រើន មានតែស្រីៗអ្នកប្រើ។ មិនថាប្រុស មិនថាស្រីទេ ប្រើឧបករណ៍សិចសម្រេចកាម គ្មានអ្វីខុសនោះដែរ គ្រាន់តែត្រូវប្រយ័ត្នប្រយែងបន្តិច ព្រោះវាយងាយធ្វើឲ្យយើងឆ្លងកាមរោគបាន។ ដើម្បីសុវត្ថិភាពពេលប្រើឧបករណ៍សិច គួរអនុវត្តតាមតិចនិកក្នុងអត្ថបទនេះទៅ។
១- សម្អាតឧបករណ៍ទាំងនោះឲ្យបានស្អាតល្អ
មូលហេតុអ្វីចាំបាច់ត្រូវសម្អាត?
– ដើម្បីចៀសផុតពីជំងឺកាមរោគផ្សេងៗ ដូចជា ជំងឺរើម ឆ្លងមេរោគនៅទ្វារមាស (Bacterial Vaginosis និងពពួកមេរោគស្វាយ ប្រមេះ (Chlamydia)។ ស្រីៗរួមភេទជាមួយស្រីៗគ្នាឯង ហើយប្រើឧបករណ៍សិចរួមគ្នា គឺប្រឈមខ្ពស់ជាមួយការឆ្លងមេរោគនៅទ្វារមាស ជាពិសេស បើមានភាគីណាម្នាក់មានផ្ទុកមេរោគ Bacterial vaginosis នេះ។
– សម្អាតឧបរកណ៍សិចទាំងនោះ ក៏ដើម្បីការពារជំងឺឆ្លងតាមចរន្ដឈាម ដូចជា ជំងឺរលាកថ្លើមប្រភេទ B ប្រភេទ C និងជំងឺអេដស៍។ ត្រូវមានការប្រុងប្រយ័ត្ន ពេលប្រើឧបករណ៍សិច ដែលស៊កចូលក្នុងប្រដាប់ភេទ ពិសេសបើយើងមានដាច់រលាត់ ឬមានឈឺចាប់នៅជុំវិញទ្វារមាស រន្ធគូទ ឬនៅលិង្គ ហើយមានចេញឈាម ដោយសារឧបករណ៍នោះ យើងនឹងកាន់តែប្រឈមមុខខ្ពស់ឆ្លងមេរោគ។
សម្អាតនៅពេលណា?
– ត្រូវសម្អាតនៅមុន និងក្រោយពេលប្រើប្រាស់រួច
– នៅពេលប្រើឧបករណ៍នៅលើតំបន់ខុសៗគ្នាតាមដងខ្លួន ដូចជា តាមមាត់ ទ្វារមាស និងរន្ធគូទ
– ពេលឲ្យអ្នកផ្សេងប្រើរួច។
សម្អាតយ៉ាងដូចម្ដេច?
របៀបសម្អាតឧបករណ៍សិច គឺអាស្រ័យទៅតាមកត្តាមួយចំនួនដូចជា៖
– វត្ថុធាតុដើមផលិតឧបករណ៍នោះ
– មានឧបករណ៍ខ្លះ មានផ្ទុកគ្រឿងអេឡិចត្រូនិក ដែលយើងមិនអាចលាងសម្អាតវាបាន។
– គ្នាយើងចាំបាច់ ត្រូវធ្វើតាមការណែនាំរបស់ក្រុមហ៊ុនផលិតឧបករណ៍ទាំងនោះ ពីវិធីលាងសម្អាត និងរបៀបរក្សាទុក។ សម្រាប់ឧបករណ៍សិចអាចលាងសម្អាតបាន ត្រូវលាងវាឲ្យបានស្អាតជាមួយសាប៊ូ មុន និងក្រោយពេលប្រើប្រាស់ ក៏អាចយកកំណាត់សើមមកសម្អាត ប្រសិនបើវាជាប្រភេទមិនអាចលាងជាមួយទឹកបាន។
– ត្រូវឧស្សាហ៍ពិនិត្យមើលឧបករណ៍ទាំងនោះជាប្រចាំ ថាមានដាច់រហែកលើផ្ទៃរបស់វាដែរ ឬអត់? ព្រោះធ្វើបែបនេះ ដើម្បីជួយការពារកុំឲ្យមានការចម្លងរាលដាលរបស់ពួកបាក់តេរី។
២- ប្រើស្រោមអនាម័យជាមួយឧបករណ៍គ្រប់ពេលប្រើប្រាស់
ហេតុអ្វីចាំបាច់ប្រើស្រោម?
ការពាក់ស្រោមអនាម័យលើឧបករណ៍សិច ជាវិធីល្អបំផុតមួយការពារយើងពីការចម្លងមេរោគ ហើយក៏ចំណេញ បើចង់ត្រូវប្រើវានៅត្រង់កន្លែងផ្សេងទៀត នោះមិនចាំបាច់កាត់ផ្ដាច់សមកម្មភាព ឬមិនចាំបាច់យកវាទៅលាងសម្អាត។
របៀបពាក់ស្រោមអនាម័យ
– ត្រូវពាក់ស្រោមអនាម័យលើឧបករណ៍សិច មុនពេលឲ្យផ្សេងប្រើវា ឬមុនពេលដាក់វាចូលក្នុងផ្នែកផ្សេងនៃដងខ្លួន
– ត្រូវជ្រើសយកទំហំស្រោមអនាម័យឲ្យត្រឹមត្រូវ
– បើពាក់ស្រោមអនាម័យលើឧបករណ៍សិចផលិតពីស៊ីលីកូន មិនត្រូវប្រើស្រោមមានជាតិរម្អិលសីលីកូនឡើយ។
អត្ថបទពាក់ព័ន្ធ៖
- តិចនិកថែកន្លែងសម្ងាត់ស្រីៗ មិនឲ្យធុំក្លិនអាក្រក់
- រឿងទ្វារមាសមានក្លិន ស្រីៗចង់ដឹងខ្លាំង តែខ្មាសអត់ហ៊ានសួរ
៣- តិចនិកជ្រើសរើសឧបករណ៍ឲ្យបានត្រឹមត្រូវ
ប្រភេទឧបករណ៍ជំនួយផ្លូវភេទ
ឧបករណ៍សិចជាច្រើនប្រភេទ ត្រូវគេផលិតឡើងខុសៗគ្នា អាស្រ័យទៅតាមតំបន់ផ្សេងៗលើដងខ្លួនយើង ដូចជា៖
– ប្រដាប់រំញ័រគ្លីតូរីស (Clitoral toys)
– ប្រដាប់ដាក់ក្នុងទ្វារមាស (Vaginal toys)
– ប្រដាប់ដាក់ក្នុងរន្ធគូទ (Anal toys)។
សារធាតុផលិតឧបករណ៍សិច
ឧបករណ៍សិចទាំងអស់ ធ្វើឡើងពីវត្ថុធាតុដើមខុសៗគ្នា ដូចជា៖
– ស៊ីលីកូន
– ជ័រប្លាស្ទិក
– ឡាក់តិច។
ទឹករម្អិល
ទឹករម្អិល អាចជួយដល់ការស៊កបញ្ចូលឧបករណ៍ទាំងនោះចូលក្នុងទ្វារមាស ឬរន្ធគូទបានងាយស្រួល និងមិនឲ្យឈឺចាប់។ ទ្វារមាសមានទឹករម្អិលស្រាប់ពីធម្មជាតិ ដោយទឹករម្អិលទាំងនេះ នឹងបញ្ចេញនៅពេលមានការរំញោចផ្លូវភេទ ប៉ុន្តែបរិមាណទឹករម្អិលក្នុងទ្វារមាសស្រីៗ គឺខុសៗគ្នា ដូចនេះ ការប្រើទឹករម្អិលបន្ថែម ជារឿងល្អ ពិសេសពេលអ្នកប្រើប្រាស់ឧបករណ៍សិចសប្បនិម្មិត។
ទឹករម្អិល ជាសារធាតុសំខាន់សម្រាប់ការរួមភេទតាមរន្ធគូទ ដោយសារតែរន្ធគូទ មិនមានផលិតទឹករម្អិលមកស្រាប់ទេ ខណៈទឹករម្អិលមានជាច្រើនប្រភេទដូចជា៖
– ប្រភេទទឹក
– ប្រភេទស៊ីលីកូន
– ប្រភេទប្រេង
– ទឹករម្អិលសម្រាប់រន្ធគូទតែម្តង
បើមានចម្ងល់ ឬមានការចម្លងរោគក្នុងក្នុងខ្លួន ត្រូវប្រញ៉ាប់ទៅជួបជាមួយគ្រូពេទ្យដែលនៅជិតយើងបំផុត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបលផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
