ស្រីៗចូលចិត្តស្លៀកខោរឹបៗ ច្បាស់ជាចៀសមិនផុតកើតជំងឺផ្សិតក្នុងទ្វារមាស

ស្រីៗគ្នាយើងគ្មាននរណាម្នាក់អាចចៀសផុតជំងឺផ្សិតក្នុងទ្វារមាសទេ យ៉ាងហោចណាស់ ក៏ធ្លាប់កើតមានម្តងក្នុងមួយជីវិតដែរ។ ប៉ុន្តែចំពោះគ្នាយើងចូលចិត្តស្លៀកខោរឹបៗ ពិសេសខោក្នុងរឹបខ្លាំង អាចនឹងប្រឈមជំងឺផ្សិតនៅទ្វារមាស ច្រើនជាងគ្នាយើងចូលចិត្តស្លៀកខោរលុងៗ។ មានដឹងអត់! ជំងឺផ្សិតក្នុងទ្វារមាសជាអ្វីឲ្យប្រាកដ? រោគសញ្ញាម៉េចខ្លះ? ការពារដោយវិធីណា? បើចង់ដឹង “Hello គ្រូពេទ្យ’ នឹងបញ្ជាក់លម្អិតក្នុងអត្ថបទនេះ។

១- ស្លៀកខោ ខោក្នុងរឹបខ្លាំង អាចបណ្ដាលឲ្យកើតជំងឺផ្សិតក្នុងទ្វារមាស

មេរោគផ្សិតក្នុងទ្វារមាស មិនមែនជាជំងឺកាមរោគនោះទេ ព្រោះក្នុងទ្វារមាសស្រីៗ មានទាំងបាក់តេរីល្អ និងបាក់តេរីមិនល្អ ហើយបាក់តេរីទាំងពីរប្រភេទនេះ គឺត្រូវមានចំនួនស្មើគ្នា។ ស្រីៗភាគច្រើនឆ្លងផ្សិតក្នុងទ្វារមាស បណ្ដាលមកពីផ្សិតឈ្មោះថា Candida albicans មេរោគ Candida ឬ Yeast។ នៅពេលមេរោគផ្សិតមានក្នុងទ្វារមាសច្រើនពេក គ្នាយើងនឹងកើតចេញជាជំងឺផ្សិតក្នុងទ្វារមាសនេះតែម្តង។

ការស្លៀកខោក្នុង មិនមែនផលិតពីកប្បាស ខោក្នុងកខ្វក់ និងតឹងពេក គឺសុទ្ធតែអាចធ្វើឲ្យផ្សិត Candida ដុះលូតលាស់កាន់តែច្រើន។ ខោទ្រនាប់ទាំងនោះ គឺបានទប់កម្ដៅ និងជាតិសំណើម មិនឲ្យចេញទៅក្រៅ ជាហេតុបង្កឲ្យបរិស្ថានតំបន់ទ្វារកាន់តែល្អសម្រាប់ឲ្យពពួកផ្សិត Candida បង្កើតកូនចៅឥតឈប់ឈរ។

២- មូលហេតុផ្សេងទៀតបណ្ដាលកើតជំងឺផ្សិតក្នុងទ្វារមាស

ស្រីៗ នឹងកាន់តែប្រឈមខ្ពស់ជាមួយជំងឺផ្សិតក្នុងទ្វារមាស បើយើងកមានបញ្ហាមួយសុខភាពចំនួន ដូចជា៖

– អ្នកមានជំងឺទឹកនោមផ្អែម និងមិនអាចគ្រប់គ្រងជាតិស្ករក្នុងខ្លួនបាន

– កំពុងមានផ្ទៃពោះ។

– លើសទម្ងន់ ឬធាតុខ្លាំងពេក។

– ប្រើប្រាស់ថ្នាំគ្រាប់ពន្យារកំណើត មានអ័រម៉ូនអឺស្រ្តូហ្សែនខ្ពស់។

– ប្រព័ន្ធការពារឮចុះខ្សោយ ដោយសារជំងឺណាមួយ ពិសេសជំងឺអេដស៍។

– ប្រើប្រាស់ថ្នាំពេទ្យជាប្រចាំ ពិសេសថ្នាំផ្សះ អាចធ្វើឲ្យប៉ះពាល់ដល់តុល្យភាពបាក់តេរីល្អក្នុងទ្វារមាស។

– ស្រ្តេសច្រើន។

– គេងមិនគ្រប់គ្រាន់។

– កំពុងមករដូវ។

អត្ថបទពាក់ព័ន្ធ៖

មូលហេតុអ្វីខ្លះនាំឲ្យស្រីៗធ្លាក់សខុសប្រក្រតី គួរឲ្យភ័យអត់?
បើមានបញ្ហាទ្វារមាសទាំងនេះ អាចសាកតិចនិកក្នុងអត្ថបទបាន!

៣- តើរោគសញ្ញារបស់វាមានអ្វីខ្លះ?

ពេលយើងមានជំងឺផ្សិតក្នុងទ្វារមាស នឹងប្រទះរោគសញ្ញាមួយចំនួន ដូចជា៖

– មានអារម្មណ៍រមាស់នៅតំបន់ជុំវិញទ្វារមាស។

– មានធ្លាក់សខុសពីប្រក្រតី អាចមានលាយទឹកពណ៌ស ក្រាស់ និងស្អិត។ តែសធ្លាក់មក មិនធំក្លិនស្អុយនោះទេ។

– ឈឺចាប់ពេលនោម។

– ទ្វារមាសឡើងក្រហម ហើម និងក្រហាយ។

– ឈឺទ្វារមាសពេលរួមភេទ។

រោគសញ្ញារៀបរាប់ខាងលើ គឺចាប់ផ្ដើមពីកម្រិតស្រាលទៅធ្ងន់ នៅពេលគ្នាយើងមានជំងឺ មិនបានស្វែងរកការព្យាបាលត្រឹមត្រូវ។

៤- គួរធ្វើម៉េចកុំឲ្យកើតជំងឺផ្សិតក្នុងទ្វារមាសដោយសារស្លៀកខោក្នុង?

វិធីល្អជាងគេ គឺស្លៀកសំពត់មិនចាំបាច់ស្លៀកខោក្នុងទេ តែបើយើងមានអារម្មណ៍អៀនខ្មាស់ អាចបន្តស្លៀកខោបាន តែគួរជ្រើសយកប្រភេទខោមិនជ្រលក់ពណ៌ ឬខោផលិតពីកប្បាសដែលមិនមានសារធាតុធ្វើឲ្យស។ ហើយគួរតែជ្រើសយកខោក្នុង អាចងាយស្រួលឲ្យខ្យល់ចេញចូលបាន។ មិនត្រូវស្លៀកខោក្នុងតឹងពេក ឬខោជើងវែង និងខោខៅប៊យដូចគ្នា។ ប្រភេទខោទាំងអស់នោះ ធ្វើឲ្យមានរកាំ បង្កើនកម្តៅ និងទប់មិនឲ្យជាតិសំណើម ចេញពីក្នុងតំបន់ជុំវិញទ្វារមាសបាន។

ត្រូវប្ដូរខោឲ្យបានជាប្រចាំ អាចប្ដូរ ១-២ ដងក្នុងមួយថ្ងៃ ហើយបើអាចគេងយប់មិនស្លៀកខោក្នុង កាន់តែប្រសើរ។ ត្រូវបោកសម្អាត និងហាលខោក្នុងក្រោមពន្លឺថ្ងៃឲ្យបានត្រឹមត្រូវ។ បើមិនអាចហាលក្រោមថ្ងៃបានទេ គួរយកមកអ៊ុតសិន មុននឹងស្លៀក។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ណៃ ទូច · កែ 25/10/2019

ស្រីៗចូលចិត្តស្លៀកខោរឹបៗ ច្បាស់ជាចៀសមិនផុតកើតជំងឺផ្សិតក្នុងទ្វារមាស

១- ស្លៀកខោ ខោក្នុងរឹបខ្លាំង អាចបណ្ដាលឲ្យកើតជំងឺ​ផ្សិតក្នុងទ្វារមាស

២- មូលហេតុផ្សេងទៀតបណ្ដាលកើត​ជំងឺ​ផ្សិតក្នុង​ទ្វារ​មាស

៣- តើរោគសញ្ញារបស់វាមានអ្វីខ្លះ?

៤- គួរ​ធ្វើ​ម៉េច​កុំ​ឲ្យ​កើត​ជំងឺ​ផ្សិត​ក្នុង​ទ្វារ​មាស​ដោយសារ​ស្លៀក​ខោ​ក្នុង?

១- ស្លៀកខោ ខោក្នុងរឹបខ្លាំង អាចបណ្ដាលឲ្យកើតជំងឺផ្សិតក្នុងទ្វារមាស

២- មូលហេតុផ្សេងទៀតបណ្ដាលកើតជំងឺផ្សិតក្នុងទ្វារមាស

៤- គួរធ្វើម៉េចកុំឲ្យកើតជំងឺផ្សិតក្នុងទ្វារមាសដោយសារស្លៀកខោក្នុង?