បូសអន្ទង់ ជាបូសដែលកើតនៅម្តុំទ្វារលាមក ឬរន្ធគូទ ដោយការស៊ីចាក់រូងកកើតជាខ្ទុះ ចេញពីក្នុងរន្ធបាតមកក្រៅ ដែលភាគច្រើនកើតលើមនុស្សពេញវ័យ ហើយក៏អាចកើតមានលើកូនក្មេងដែរ នេះបើតាមប្រភពមន្ទីរពេទ្យកាល់ម៉ែត។

១. រោគសញ្ញាបូសអន្ទង់

– មានដុំពកហើម

– ឈឺនៅតំបន់រន្ធគូទ និងក្នុងរន្ធគូទ

– មានហូរខ្ទុះនៅរន្ធគូទ

– សើមជាប់ជាប្រចាំនៅរន្ធគូជ

– រមាស់រន្ធគូទ។

២. មូលហេតុកើតបូសអន្ទង់

ជាធម្មតានៅខាងក្នុងរន្ធគូទរបស់មនុស្សយើងគ្រប់គ្នា មានក្រពេញធម្មជាតិតូចៗជាច្រើន។ គេសន្និដ្ឋានថាជំងឺបូសអន្ទង់បណ្ដាលមកពីការស្ទះរន្ធនៃក្រពេញតូចៗទាំងនោះ ដែលបង្កឲ្យមានខ្ទុះស៊ីចាក់រូងចេញមកខាងក្រៅ។

៣. វិធីព្យាបាលបូសអន្ទង់

ជំងឺបូសអន្ទង់មិនមានវិធីផ្សេងសម្រាប់ព្យាបាលឲ្យជាសះស្បើយទេ ក្រៅពីការវះកាត់នោះទេ។ ការវះបូសអន្ទង់មាន២ប្រភេទ គឺការវះបង្ហូរខ្ទុះបន្ធូរបន្ថយការឈឺចាប់ និងការវះឲ្យជាសះស្បើយ។ ប៉ុន្តែបូសអន្ទង់នឹងលាប់មកវិញ ប្រសិនបើយើងមិនបានវះផ្ដាច់ផ្លូវរូងរបស់វាទេ។ ការវះអាចនឹងត្រូវធ្វើឡើង ២ឬ៣ដង ប្រសិនបើបូសនោះស៊ីរូងប៉ះពាល់សាច់ដុំរន្ធគូទធ្ងន់ធ្ងរ។

៤. ផលវិបាកនៃជំងឺបូសអន្ទង់

បូសអន្ទង់អាចបង្កគ្រោះថ្នាក់ធ្ងន់ធ្ងរដល់ជីវិត បើបូសហើមឈឺ ហើយមិនបានវះបង្ហូរខ្ទុះចេញ នៅតែ លេបថ្នាំអូសបន្លាយពេលវេលា បូសនោះអាចរាលដាលធំបង្កឲ្យស្លោកពេញតំបន់បាត។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ធ្លាប់ឮពីបូសអន្ទង់ទេ មកអី? កើតម្តងហើយអាចកើតទៀតទេ?

១. រោគសញ្ញាបូសអន្ទង់

២. មូលហេតុ​កើត​បូស​អន្ទង់

៣. វិធី​ព្យាបាល​បូស​អន្ទង់

៤. ផល​វិបាក​នៃ​ជំងឺ​បូស​​អន្ទង់

២. មូលហេតុកើតបូសអន្ទង់

៣. វិធីព្យាបាលបូសអន្ទង់

៤. ផលវិបាកនៃជំងឺបូសអន្ទង់