ភ្នែកមីញ៉ូបបែងចែកជា ២ គឺមីញ៉ូបជិត និងមីញ៉ូបឆ្ងាយដែលសុទ្ធតែធ្វើឱ្យយើងមើលមិនច្បាស់ដូចគ្នា។ យើងអាចមីញ៉ូបជិត និងមីញ៉ូបឆ្ងាយនៅគ្រប់វ័យដោយសារការប្រែប្រួលទម្រង់គ្រាប់ភ្នែក។ តើមីញ៉ូបជិតនិងមីញ៉ូបឆ្ងាយមានភាពខុសគ្នាដូចម្តេចខ្លះ?
មាតិកា
មីញ៉ូបជិត និងមីញ៉ូបឆ្ងាយ ខុសគ្នា ឬដូចគ្នាបែបណា?
អ្វីទៅគឺមីញ៉ូបឆ្ងាយ?
មីញ៉ូបឆ្ងាយ គឺជាលក្ខខណ្ឌមួយដែលយើងអាចមើលឆ្ងាយមិនច្បាស់ ប៉ុន្តែមើលជិតច្បាស់។ បញ្ហានេះអាចបណ្តាលមកពីកត្តាតំណពូជ ពន្លឺព្រះអាទិត្យ ការអានច្រើន ការមើលកុំព្យូទ័រ ឬទូរស័ព្ទយូរដែលបណ្តាលឱ្យគ្រាប់ភ្នែកកោង ឬវែងជាងធម្មតា ហើយធ្វើឱ្យកាំរស្មីពន្លឺមិនអាចប្រសព្វគ្នាលើស្រទាប់រ៉េទីនភ្នែកដោយផ្ទាល់បាន។ មីញ៉ូបឆ្ងាយអាចវិវត្តទៅជាជំងឺទឹកដក់បាតភ្នែក ឬភ្នែកឡើងបាយ។
អ្វីទៅគឺមីញ៉ូបជិត?
ផ្ទុយមកវិញ មីញ៉ូបជិតគឺជាលក្ខខណ្ឌមួយដែលយើងអាចមើលជិតមិនច្បាស់ ប៉ុន្តែមើលឆ្ងាយច្បាស់។ បញ្ហានេះកើតឡើងដោយសារកត្តាអាយុ មានកែវភ្នែកខ្លីពីកំណើត សាច់ដុំ ciliary របស់ភ្នែកចុះខ្សោយ ឬជំងឺទឹកនោមផ្អែមដែលធ្វើឱ្យគ្រាប់ភ្នែកខ្លីជាងធម្មតា ហើយធ្វើឱ្យកាំរស្មីពន្លឺមិនអាចប្រសព្វគ្នាលើស្រទាប់រ៉េទីនភ្នែក ដោយផ្ទាល់បាន។ មីញ៉ូបជិតអាចវិវដ្ដទៅជា ខ្សោយភ្នែកម្ខាង ភ្នែកស្រលៀង ឬមើលឃើញបែងភាគ។
ថ្វីត្បិតតែមីញ៉ូបជិត និងមីញ៉ូបឆ្ងាយមានលក្ខណៈខុសៗគ្នា ពួកវាមានអាការៈរួមគ្នាមួយចំនួន៖
- មើលមិនច្បាស់
- ឈឺក្បាល និងចុករួយគ្រាប់ភ្នែក ពេលប្រើប្រាស់ភ្នែកច្រើនដូចជា មើលសៀវភៅ កុំព្យូទ័រ
- ធ្វើភ្នែកព្រឹមៗ ពេលខំសម្លឹងមើល
- មិនស្រួលក្នុងភ្នែកដូចជា ក្តៅភ្នែក ឬផ្សាភ្នែក
អ្នកមីញ៉ូបជិត និងមីញ៉ូបឆ្ងាយអាចមើលឃើញច្បាស់ដោយពាក់វ៉ែនតា ឬពាក់កែវដាក់ក្នុងភ្នែក (contact lenses)។ កញ្ចក់វ៉ែនតា ឬកែវដាក់ក្នុងភ្នែកនឹងអនុញ្ញាតឱ្យពន្លឺប្រសព្វគ្នាលើស្រទាប់រ៉េទីនភ្នែកបានដោយផ្ទាល់។ មីញ៉ូបជិត និងមីញ៉ូបឆ្ងាយអាចព្យាបាលជាសះស្បើយដោយការវះកាត់ដោយកាំរស្មីឡាស៊ែរ។ ការវះកាត់នឹងផ្លាស់ប្តូរទម្រង់ស្រទាប់ស្តើងនៅខាងមុខរន្ធប្រស្រីភ្នែក (កញ្ចក់ភ្នែក) ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Difference Between Myopia and Hyperopia
https://www.toppr.com/guides/biology/difference-between/myopia-and-hyperopia/
What’s The Difference Between Myopia And Hyperopia?
https://www.clarkeeye.com/Whats-the-difference-between-myopia-and-hyperopia
Difference Between Myopia (short-sightedness) and Hyperopia (long-sightedness)
https://biodifferences.com/difference-between-myopia-short-sightedness-and-hyperopia-long-sightedness.html
កំណែប្រែបច្ចុប្បន្ន
30/09/2021
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម