គ្នាយើងប្រហែលសុទ្ធតែធ្លាប់យំ ឬសម្រក់ទឹកភ្នែក ហើយនៅពេលវាហូរចូលមាត់ យើងដឹងថាវាមានជាតិប្រៃ។ តើសារធាតុអ្វីខ្លះដែលបណ្ដាលឲ្យទឹកភ្នែកមានជាតិប្រៃ?
មាតិកា
ធ្លាប់ឆ្ងល់អត់? ម៉េចបានទឹកភ្នែកមានជាតិប្រៃ?
តាមពិត ទឹកភ្នែកយើង ភាគច្រើនកើតឡើងពីទឹកដែលមាននៅក្នុងរាងកាយ ដោយទឹកទាំងនេះមានផ្ទុកប្រេងប្រៃ (អេឡិចត្រូលីត)។ បើតាមវិទ្យាស្ថាន NEI របស់អាមេរិក បញ្ជាក់ថា ទឹកភ្នែកកើតឡើងដោយសារ ទឹក ទឹករំអិល (Mucus) និងប្រូតេអ៊ីនជាង ១.៥០០ ប្រភេទផ្សេងគ្នា។
១. ទឹកភ្នែកកើតចេញពីណា?
ទឹកភ្នែកផលិតដោយក្រពេញដែលស្ថិតនៅលើគ្រាប់ភ្នែក និងក្រោមត្របកភ្នែក ដោយវាបញ្ចេញមកលើផ្ទៃភ្នែកយើង។ តែទឹកភ្នែកខ្លះទៀតហូរចេញតាមបំពង់ទឹកភ្នែក ដែលជាប្រហោងតូចៗនៅជិតចុងត្របកភ្នែក។ ដោយចេញពីទីនោះ ទឹកភ្នែកហូរទៅកាន់ច្រមុះ។ បើតាមបណ្ឌិតសភាផ្នែកជំងឺភ្នែករបស់អាមេរិក មនុស្សម្នាក់អាចផលិតទឹកភ្នែកពី ៥០-១០០ លីត្រ/ឆ្នាំ។
អត្ថបទពាក់ព័ន្ធ៖
២. ប្រភេទទឹកភ្នែក
ទឹកភ្នែកត្រូវបានបែងចែកជា ៣ ប្រភេទសំខាន់ៗ៖
- ទឹកភ្នែក Basal Tears ស្ថិតនៅក្នុងភ្នែកយើងគ្រប់ពេលទាំងអស់ ដើម្បីរំអិល ការពារ និងចិញ្ចឹមកញ្ចក់ភ្នែក (Cornea)។
- ទឹកភ្នែក Reflex Tears ផលិតឡើងពេលភ្នែកយើងរមាស់ ដែលបណ្ដាលមកពីផ្សែង ខ្យល់ ឬធូលី។ ទឹកភ្នែកប្រភេទនេះ ក៏ផលិតឡើងដើម្បីប្រឆាំងនឹងសារធាតុ Syn-propanethial-S-oxide ដែលចេញពីការចិតខ្ទឹមបារាំងផងដែរ។
- ទឹកភ្នែក Emotional Tears ផលិតឡើង ឆ្លើយតបនឹងការឈឺចាប់ ទាំងការឈឺចាប់រាងកាយ និងចិត្ត រួមជាមួយអារម្មណ៍ពិបាកចិត្ត ខ្លាច រំភើបខ្លាំងផងដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
How Tears Work, https://www.nei.nih.gov/learn-about-eye-health/healthy-vision/how-eyes-work/how-tears-work
Why Do We Cry? The Truth Behind Your Tears, https://health.clevelandclinic.org/tears-why-we-cry-and-more-infographic/
What are the types of tears?, https://www.clevelandeyeclinic.com/2019/07/16/three-types-of-tears/
កំណែប្រែបច្ចុប្បន្ន
17/08/2022
អត្ថបទដោយ គីង ច័ន្ទវាសនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម