យើងតែងសង្កេតឃើញថាមនុស្សចាស់ៗ ការស្ដាប់លែងសូវច្បាស់ ឬត្រូវនិយាយដដែលៗទើបដឹងរឿង។ បញ្ហាត្រចៀកលែងរវៀសរវៃរបស់មនុស្សចាស់នេះ ត្រូវបានលោកវេជ្ជបណ្ឌិត ហម សីលា ថាអាចមកពីកត្តាវ័យ និងមានបញ្ហាផ្សេងទៀត។
មាតិកា
ហេតុអ្វីពេលចាស់ទៅ ស្ដាប់មិនសូវឮច្បាស់ល្អ?
គ្រូពេទ្យឯកទេសត្រចៀក ច្រមុះ បំពង់ក នៃមន្ទីរពេទ្យព្រះអង្គឌួង បានបន្តទៀតថា ការស្ដាប់លែងសូវឮដូចមុនរបស់មនុស្សចាស់មានកត្តាជាច្រើនដូចជា៖
១- មនុស្សកាន់តែចាស់ ក្រដាសត្រចៀកលែងរំញ័រដូចមុន
២- កូនឆ្អឹងត្រចៀកចាប់ផ្ដើមថយចុះរំញ័រដូចគ្នា
៣- ត្រចៀកផ្នែកខាងក្នុង (Cochlea) កន្លែងទទួល ការស្ដាប់ក៏ថយចុះដូចគ្នា ព្រោះកន្លែងនោះមានសរសៃប្រសាទមួយដែលបញ្ជូនទៅខួរក្បាល។
អត្ថបទពាក់ព័ន្ធ៖ បើមានសត្វល្អិតចូលត្រចៀកកូន ម៉ាក់ប៉ាគួរធ្វើបែបនេះ
ទោះជាយ៉ាងណាលោកវេជ្ជបណ្ឌិតថា ទាំងនេះជាផ្នែកមួយប៉ុណ្ណោះ ព្រោះពេលខ្លះអ្នកត្រចៀកធ្ងន់អាចបណ្តាលមកពីការរងផលប៉ះពាល់មួយចំនួនតាំងពីនៅក្មេង ឬការរលាកត្រចៀក ថ្លង់ពីកំណើត ឬអាចមកពីជំងឺ។ លោកវេជ្ជបណ្ឌិត ហម សីលា បានបញ្ជាក់ទៀតថា មនុស្សចាស់ខ្លះ ក៏នៅតែមានការស្ដាប់ល្អដដែល គ្រាន់តែភាគតិចប៉ុណ្ណោះ។
វេជ្ជបណ្ឌិតខាងលើក៏បានណែនាំថា ពេលមានបញ្ហាត្រចៀក យើងគួរទៅពិគ្រោះជាមួយគ្រូពេទ្យជំនាញ ចៀសវាងការឆ្កឹះ ត្បារ និងធ្វើអ្វីទៅក្នុងត្រចៀកដោយចិត្តឯង ព្រោះអាចនាំឲ្យឈឺចាប់ ឬស្ដាប់លែងឮតែម្ដង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
កំណែប្រែបច្ចុប្បន្ន
22/08/2019
អត្ថបទដោយ Try Ravi
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម