គេងសង្កៀតធ្មេញ មិនមែនជាបញ្ហាធ្ងន់ធ្ងរទេ តើគួរចាត់ការជំងឺនេះ របៀបម៉េច?

សង្កៀតធ្មេញ ហៅថា Bruxism ឬហៅបានទៀតថា Sleep bruxism ជាអាការៈដែលខាំសង្កៀតធ្មេញ បណ្ដាលឲ្យធ្មេញសឹក ហើយយើងមានបញ្ហានេះដោយមិនដឹងខ្លួន អំឡុងគេងពេលថ្ងៃ ឬយប់។ បើមានបញ្ហានេះពេលគេង គ្នាយើងអាចប្រឈមនឹងបញ្ហា ដូចជា គេងស្រមុក ឬបាត់ដង្ហើមពេលគេងទៀតផង។

សង្កៀតធ្មេញកម្រិតស្រាល មិនបាច់ត្រូវព្យាបាលទេ ប៉ុន្តែករណីខ្លះបើញឹកញាប់ និងមានលក្ខណៈធ្ងន់ធ្ងរ វាអាចបណ្ដាលឲ្យមានបញ្ហាសន្លាក់ឆ្អឹងថ្គាម ឈឺក្បាល ខូចសឹកធ្មេញ និងបញ្ហាផ្សេងៗទៀត។

១- #រោគសញ្ញាគួរអង្កេត

– ខូច ឬសឹកធ្មេញ

– ខាំសង្កៀតធ្មេញ

– ធ្មេញឆាប់ស្រៀវ

– ឈឺសន្លាក់ឆ្អឹងថ្គាម

– សាច់ដុំថ្គាមជាប់រឹង

– ឈឺក្បាលម្ដុំសៀតផ្កា

– ឈឺសាច់ថ្ពាល់ក្នុង

– គែមអណ្ដាតសងខាងផតចូលក្នុង

– ឈឺចាប់ ស្រដៀងនឹងការឈឺត្រចៀក

– បែកធ្មេញ ឬបាក់ធ្មេញចេញ។

ក្រៅពីសញ្ញាទាំងអស់នេះ អាចមានសញ្ញាផ្សេងៗទៀតដែរ។ បើសង្ស័យពីរោគសញ្ញាណាមួយ ទៅពិគ្រោះជាមួយពេទ្យជំនាញ។

២- #ការព្យាបាល

– កុំផឹកគ្រឿងស្រវឹង

– កុំជក់បារី

– ទម្លាប់គេងឲ្យលឿន (កុំយប់ជ្រៅ) គេងឲ្យឆ្អែត

– ផ្ដាំអ្នកផ្ទះ ឬដៃគូ ដែលគេងជាមួយឲ្យសង្កេតមើលអាការៈ សង្កៀតធ្មេញ ព្រោះពេលគេងលក់ យើងមិនដឹងទេ

– ហាត់កីឡា ផ្ដោតអារម្មណ៍ស្ដាប់ចម្រៀង ឬមើលវីដេអូ និងបង្កើនភាពសប្បាយ ដើម្បីបន្ថយស្រ្ដេស

– កុំផឹកកាហ្វេ តែ ភេសជ្ជៈមានជាតិកាហ្វេអ៊ីន ក្រោយបាយល្ងាច

– ឧស្សាហ៍ទៅពិនិត្យធ្មេញឲ្យទៀងទាត់។ បើមានសង្កៀតធ្មេញ ពេទ្យអាចរកឃើញរោគសញ្ញាទាំងនោះឆាប់ ហើយព្យាបាលលឿន។

ពេលណាគួរទៅរកពេទ្យធ្មេញ?

– ធ្មេញសឹក ខូច ឬស្រៀវ

– ជាប់ថ្គាម ហាមាត់មិនរួច

– ឈឺសន្លាក់ថ្គាមមុខ ឬត្រចៀក

– សង្កៀតធ្មេញពេលគេង។

ករណីចំពោះកូនតូច ឬក្មេងៗក្នុងផ្ទះមានបញ្ហានេះ ឬមានសញ្ញាសង្កៀតធ្មេញ ត្រូវយកទៅពេទ្យភ្លាម បើមានបញ្ហាប៉ុន្មានចំណុចខាងលើ។

៣- #បង្ការ

សង្កៀតធ្មេញអាចបង្ការបានដោយឧបករណ៍ពាក់ការពារធ្មេញដែលពេទ្យឲ្យ ដើម្បីគ្របទៅលើធ្មេញ ការពារកុំឲ្យមានខាំទង្គិចគ្នា។ រកពេលលំហែខ្លះ កុំរវល់ផ្ដោតលើការងារ បង្កស្រ្តេសពេក ហើយព្យាយាមកុំផឹកគ្រឿងស្រវឹង និងកាហ្វេអ៊ីន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕

អ្នកភេទអ្វីដែរ?

ប្រុស

ស្រី

អ្នកអាយុប៉ុន្មានហើយ?

ឆ្នាំ

អ្នកកម្ពស់ប៉ុន្មាន?

អ្នកគីឡូប៉ុន្មាន?

តើលោកអ្នកចង់ដឹងពីវិធីព្យាបាលការសម្រកទម្ងន់ដែរ ឬទេ?

បាទ/ចាស

ទេ

តើអ្នកធ្លាប់ដឹងពីវិធីព្យាបាល GIP និង GLP-1 ទេ?

* នេះជាការព្យាបាលថ្មីដែលមានប្រសិទ្ធភាពក្នុងការជួយសម្រកទម្ងន់ និងព្យាបាលជំងឺទឹកនោមផ្អែមប្រភេទ២។

បាទ/ចាស

ទេ

រក្សាការតាមដាន និងសម្រកទម្ងន់៖ ទទួលបានព័ត៌មានថ្មីពីគ្រូពេទ្យជំនាញ លើការព្យាបាលការសម្រកទម្ងន់ និងការផ្តល់ជំនួយដោយផ្ទាល់ក្នុងប្រអប់សាររបស់អ្នក។

បដិសេធ

Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Bruxism. http://www.mayoclinic.org/diseases-conditions/bruxism/basics/definition/con-20029395. Accessed September 5, 2016.

Teeth grinding in sleep. http://www.webmd.com/sleep-disorders/guide/teeth-grinding-in-sleep. Accessed September 5, 2016.

កំណែប្រែបច្ចុប្បន្ន

27/11/2019

អត្ថបទដោយ យ៉ានណែត នីគែល

ត្រួតពិនិត្យដោយ វេជ្ជ. ចាន់ ស៊ីណេត

បច្ចុប្បន្នភាពដោយ៖ Ficheroulle Anne-Charlotte

អត្ថបទពាក់ព័ន្ធ

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ យ៉ានណែត នីគែល · កែ 27/11/2019

គេង​សង្កៀត​ធ្មេញ មិន​មែន​ជា​បញ្ហា​ធ្ងន់ធ្ងរ​ទេ តើ​គួរ​ចាត់ការ​ជំងឺ​នេះ របៀប​ម៉េច?

គណនា BMI

មូលហេតុមួយចំនួនអាចបណ្ដាលឲ្យធ្មេញប្រែជាពណ៌លឿង

ដឹងអត់ថា អ្នកដាក់ប្រេសពត់ធ្មេញ ប្រឈមនឹងបញ្ហាអ្វីខ្លះ?

គេងសង្កៀតធ្មេញ មិនមែនជាបញ្ហាធ្ងន់ធ្ងរទេ តើគួរចាត់ការជំងឺនេះ របៀបម៉េច?