បើមានក្លិនមាត់កុំគិតថាមិនអី អាចប្រាប់ពីជំងឺសាហាវសម្ងំក្នុងខ្លួន

ក្លិនមាត់ធ្វើឲ្យបាត់បង់ទំនុកចិត្តលើខ្លួនឯង ហើយក៏អាចជាសញ្ញាបង្ហាញពីជំងឺពួនសម្ងំ និងជំងឺដែលកំពុងកើត ដែលត្រូវព្យាបាល កុំឲ្យកាន់តែធ្ងន់។ អង្កេតមើលពីភាពខុសប្លែកគ្នាពីមួយថ្ងៃទៅមួយថ្ងៃ កុំចាំតែពេទ្យថែទាំ ឬព្យាបាល។

បើចាប់ផ្ដើមមានក្លិនមាត់ អាចសង្កេតលើចំណុចខាងក្រោម ដើម្បីដឹងពីស្ថានភាពជំងឺក្នុងខ្លួន៖

១- #រោគផ្លូវដង្ហើម

គ្រុនផ្ដាសាយ និងរលាកប្រហោងឆ្អឹងច្រមុះ ធ្វើឲ្យការដកដង្ហើមខុសប្រក្រតី ហើយបញ្ហានេះធ្វើឲ្យបាក់តេរីក្នុងច្រមុះ ឬក្នុងប្រហោងឆ្អឹងច្រមុះធ្លាក់ចូលក្នុងបំពង់ក ដែលធ្វើឲ្យដង្ហើមក្លិនមិនល្អ។

២- #ស្ងួតមាត់ស្ងួតក

ស្ងួតមាត់ ឬភាសាបច្ចេកទេសហៅថា Xerostomia ពេលដែលក្រពេញទឹកមាត់ខូច មុខងារលែងដំណើរការ ឬមានបញ្ហាដកដង្ហើមតាមមាត់។ យើងអាចដឹងខ្លួនឯងថាមានបញ្ហាស្ងួតមាត់ ឬអត់ ដោយសម្គាល់ទៅលើបញ្ហាក្លិនមាត់។

៣- #ទឹកនោមផ្អែម

ជំងឺគួរឲ្យរំខានមួយនេះ មិនទៅណាឆ្ងាយទេ សូម្បីតែការដកដង្ហើម ក៏អាចប្រាប់ពីការមានជំងឺទឹកនោមផ្អែម។ បើដង្ហើមដកចេញមក ធុំក្លិនផ្អែម មានន័យថា កម្រិតជាតិស្ករក្នុងឈាមគ្រប់គ្រងមិនបានល្អ ឬភាសាបច្ចេកទេសហៅថា Ketoacidosis ជាកន្លែងដែលរាងកាយដុតជាតិខ្លាញ់ជំនួសជាតិស្ករសម្រាប់យកថាមពល។

៤- #ធាត់ពេក

ក្លិនដង្ហើមរបស់មនុស្សម្នាក់ៗក៏ជាសញ្ញាបញ្ជាក់ថាធាត់លើសទម្ងន់។ សម្រាប់អ្នកមាន BMI ខ្ពស់ និងមានភាគរយជាតិខ្លាញ់ខ្ពស់ ច្រើនតែមានកំហាប់មេតាន និង អ៊ីដ្រូហ្សែន ខ្ពស់ជាងអ្នកដែលមាន BMI ធម្មតា ធ្វើឲ្យមានក្លិនមាត់មិនល្អ។

៥- #ខូចតម្រងនោមឬថ្លើម

ផលវិបាកនៃការខូចតម្រងនោម ឬថ្លើម មានរោគសញ្ញាគួរឲ្យកត់សម្គាល់ ហើយមានបញ្ហាក្លិនមាត់មិនល្អ។ បើអ្នកមានជំងឺនេះ ដង្ហើមអាចមានក្លិនដែលងាយស្រួលដឹង ព្រោះដោយសារតែខូចមុខងារតម្រងនោម និងថ្លើមធ្វើឲ្យជាតិពុលក្នុងរាងកាយបញ្ចេញចោលតាមសួត ធ្វើឲ្យមានក្លិនមាត់មិនល្អ។

៦- #មហារីកសួត

អ្នកមានមហារីកសួត ងាយស្រួលធ្វើការបែងចែក ដោយវិធីវិភាគទៅលើចលនាដង្ហើម ព្រោះកម្រិតសារធាតុគីមីងាយហួត (volatile compounds) អ្នកជំងឺមហារីកសួត មានភាពខុសពីមនុស្សដទៃ។

កម្រិតសារធាតុគីមីងាយហួត ធ្វើឲ្យមានក្លិនដង្ហើមមិនល្អ។ យើងអាចពិនិត្យជាមួយនឹងបច្ចេកវិទ្យាច្រមុះអេឡិចត្រូនិកដែលមានប្រសិទ្ធភាពក្នុងការស្វែងរកជំងឺមហារីកសួត។

៧- #មេរោគផ្សិត

មានក្លិនមាត់មិនល្អ បណ្ដាលមកពីពពួកមេរោគផ្សិត candida albicans សម្រាប់អ្នកចោះក្រវិលអណ្ដាត ពាក់ធ្មេញស្និត ឬអ្នកប្រើ retainers សម្រាប់ទប់ធ្មេញក្រោយការពត់ធ្មេញ។

ក្លិនមាត់មិនល្អធ្វើឲ្យមនុស្សបាត់បង់ភាពជឿជាក់ បើគ្នាយើងមានបញ្ហាក្លិនមាត់ ឬសង្ស័យរោគសញ្ញាណាមួយក្នុងចំណោមរោគសញ្ញាខាងលើ ត្រូវជួបពេទ្យពិនិត្យ និងព្យាបាល។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕

អ្នកភេទអ្វីដែរ?

ប្រុស

ស្រី

អ្នកអាយុប៉ុន្មានហើយ?

ឆ្នាំ

អ្នកកម្ពស់ប៉ុន្មាន?

អ្នកគីឡូប៉ុន្មាន?

តើលោកអ្នកចង់ដឹងពីវិធីព្យាបាលការសម្រកទម្ងន់ដែរ ឬទេ?

បាទ/ចាស

ទេ

តើអ្នកធ្លាប់ដឹងពីវិធីព្យាបាល GIP និង GLP-1 ទេ?

* នេះជាការព្យាបាលថ្មីដែលមានប្រសិទ្ធភាពក្នុងការជួយសម្រកទម្ងន់ និងព្យាបាលជំងឺទឹកនោមផ្អែមប្រភេទ២។

បាទ/ចាស

ទេ

រក្សាការតាមដាន និងសម្រកទម្ងន់៖ ទទួលបានព័ត៌មានថ្មីពីគ្រូពេទ្យជំនាញ លើការព្យាបាលការសម្រកទម្ងន់ និងការផ្តល់ជំនួយដោយផ្ទាល់ក្នុងប្រអប់សាររបស់អ្នក។

បដិសេធ

Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

10 Health Conditions that Cause Bad Breath, http://www.globalhealingcenter.com/natural-health/10-health-conditions-cause-bad-breath/ Accessed December 12, 2016

6 common diseases that cause bad breath http://www.thehealthsite.com/diseases-conditions/6-common-diseases-that-cause-bad-breath/ Accessed December 12, 2016

9 Things Your Bad Breath Reveals About Your Health http://www.rd.com/health/conditions/bad-breath-health/ Accessed December 12, 2016

កំណែប្រែបច្ចុប្បន្ន

27/11/2019

អត្ថបទដោយ យ៉ានណែត នីគែល

ត្រួតពិនិត្យដោយ វេជ្ជ. ចាន់ ស៊ីណេត

បច្ចុប្បន្នភាពដោយ៖ Ficheroulle Anne-Charlotte

អត្ថបទពាក់ព័ន្ធ

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ យ៉ានណែត នីគែល · កែ 27/11/2019

បើ​មាន​ក្លិនមាត់កុំ​គិត​ថា​មិន​អី អាច​ប្រាប់​ពី​ជំងឺ​សាហាវ​សម្ងំ​ក្នុង​ខ្លួន

គណនា BMI

មូលហេតុមួយចំនួនអាចបណ្ដាលឲ្យធ្មេញប្រែជាពណ៌លឿង

ដឹងអត់ថា អ្នកដាក់ប្រេសពត់ធ្មេញ ប្រឈមនឹងបញ្ហាអ្វីខ្លះ?

បើមានក្លិនមាត់កុំគិតថាមិនអី អាចប្រាប់ពីជំងឺសាហាវសម្ងំក្នុងខ្លួន