អាការៈឈឺធ្មេញ ជាបញ្ហាគួរឲ្យធុញទ្រាន់មួយសម្រាប់គ្នាយើង។ រាល់ពេលឈឺធ្មេញ យើងស្ទើរតែគ្មានអារម្មណ៍ចង់ធ្វើអ្វីផ្សេង ហើយអ្វីដែលគួរឲ្យឆ្ងល់នោះ គឺពេលថ្ងៃយើងមិនសូវឈឺទេ តែហេតុអីបានពេលយល់ឈឺនោះឈឺ ធ្វើឲ្យពិបាកគេងម្លឹងៗ?
ម៉េចបានឈឺធ្មេញពេលយប់ ពិបាកទ្រាំជាងពេលថ្ងៃ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មូលហេតុមួយដែលធ្វើឲ្យឈឺធ្មេញកាន់តែយ៉ាប់នៅពេលយប់ ព្រោះយើងទម្រេតខ្លួន បណ្ដាលឲ្យឈាមបុកទៅក្បាល។ ឈាមដែលមាននៅតំបន់នោះអាចបង្កើនភាពឈឺចាប់ និងដាក់សម្ពាធទៅលើអារម្មណ៍ដែលគ្នាយើងទទួលបានពីការឈឺធ្មេញនោះ។ នេះបើតាមវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
ម៉្យាងវិញទៀត អាការៈឈឺធ្មេញខ្លាំងពេលយប់អាចដោយសារមិនមានអ្វីរំខានឲ្យយើងមិនចាប់អារម្មណ៍ទៅលើបញ្ហាធ្មេញ។ បើនៅពេលថ្ងៃ យើងត្រូវបំពេញការងារ ធ្វើនេះនោះ ដូចនេះយើងមិនសូវជាចាប់អារម្មណ៍នឹងធ្មេញឈឺ ប៉ុន្តែនៅពេលយប់ជាពេលយើងសម្រាក មិនសូវមានអ្វីមកបន្លប់ភាពឈឺចាប់នេះ។
លោកវេជ្ជបណ្ឌិតបន្តថា គ្នាយើងណាដែលមានបញ្ហាឈឺធ្មេញខ្លាំងពេលយប់ អាចសម្រួលអាការៈឈឺចាប់បានតាមរូបមន្តធម្មជាតិមួយគ្រាសិន ដែលមានដូចជា៖
- ប្រើខ្ទឹមស តែជីអង្កាម ប្រទាលកន្ទុយក្រពើ
- ស្អំទឹកកកមុនចូលគេង
- លាងជម្រះធ្មេញជាមួយទឹកខ្ពុរមាត់
- លេបថ្នាំបំបាត់ការឈឺចាប់។ល។
ទោះជា យើងប្រើរូបមន្តធម្មជាតិ ដើម្បីជួយសម្រួលអាការៈឈឺចាប់បានពិតមែន ប៉ុន្តែក្បួនធម្មជាតិអស់នោះ គ្រាន់តែជួយបានមួយពេលតែប៉ុណ្ណោះ វាមិនអាចជួយព្យាបាលបានរហូតទេ។ ហេតុនេះហើយ យើងគួរទៅជួបគ្រូពេទ្យឲ្យបានលឿន ព្រោះបើយើងទុកចោលបញ្ហាឈឺធ្មេញ ធ្មេញពុក វាអាចបណ្ដាលឲ្យកើតបញ្ហាធ្ងន់ជាងនេះ ដូចជាបូស បញ្ហានៅអញ្ចាញធ្មេញ ឬត្រូវដកធ្មេញចោល។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម