អាកាសធាតុចុះត្រជាក់ ឬប្រែប្រួលអាកាសធាតុភ្លាមៗយើងតែងតែជួបប្រទះមានជាប់ស្លេស្មនៅក្នុងបំពង់ក។ ស្លេស្មមិនត្រឹមតែធ្វើឲ្យយើងមានភាពមិនសុខស្រួលនោះទេ វាថែមទាំងអាចបណ្ដាលឲ្យមានក្លិនមាត់មិនល្អថែមទៀតផង។អត្ថបទខាងក្រោមនេះនឹងបង្ហាញអ្នកអំពីការសម្អាតស្លេស្មចេញពីបំពង់ក។

១- ខាក

ប្រសិនបើអ្នកមានស្លេស្មជាប់ក្នុងបំពង់កវិធីដែលងាយស្រួលបំផុតសម្រាប់ធ្វើនោះគឺខាកស្ដោះវាចេញ។ស្វែងរកកន្លែងស្ងប់ស្ងាត់ដែលមិនប៉ះពាល់ដល់អ្នកដទៃដូចជាបន្ទប់ទឹកដើម្បីខាកស្លេស្មចេញ។ត្រូវប្រាកដថាការខាករបស់អ្នកស្ថិតក្នុងកម្រិតសមប្រមាណព្រោះការខាកស្ដោះខ្លាំងពេកអាចធ្វើឲ្យប៉ះពាល់ដល់បំពង់ករបស់អ្នក។

២- ខ្ពុរទឹកក្ដៅឧណ្ណៗលាយអំបិល

លាយអំបិល១ស្លាបព្រាបាយជាមួយទឹកក្ដៅឧណ្ណៗ៨អោន (ប្រហែល ២៣៧មិល្លីលិត្រ)។បៀមទឹកអំបិលក្នុងមាត់ដោយងើយក្បាលឡើងលើនិងខ្ពុរទឹកអំបិលក្នុងបំពង់កអ្នក។

៣- ផឹកទឹកឲ្យបានច្រើននៅពេលថ្ងៃ

នៅពេលថ្ងៃអ្នកគួរតែផឹកទឹកឲ្យបានច្រើន ដោយសារតែវាអាចធ្វើអោយស្លេស្មងាយដាច់ចេញពីជញ្ជាំងបំពង់ក។ បន្ថែមពីនេះទៀតអ្នកក៏អាចសាកល្បងវិធីព្យាបាលនៅផ្ទះទាំងនេះដើម្បីសម្អាតស្លេស្មចេញ បានផងដែរ៖

– តែក្ដៅឧណ្ណៗលាយជាមួយទឹកឃ្មុំនិងក្រូចឆ្មារ។ភេសជ្ជៈនេះមានរសជាតិគួរឲ្យចង់ញ៉ាំហើយម្យ៉ាងទៀតជាតិអាស៊ីដនៅក្នុងក្រូចឆ្មារជួយសម្អាតស្លេស្មរីឯទឹកឃ្មុំមានតួនាទីជាភ្នាសការពារក្រោយការសម្អាតចេញរបស់ក្រូចឆ្មារ។

– ទឹកសម្ល ស៊ុបក្ដៅៗ។អ្នកដែលមានស្លេស្មច្រើនតែឧស្សាហ៍ញ៉ាំស៊ុបដូចជាស៊ុបមាន់ដែលវាមានរសជាតិឆ្ងាញ់ ព្រមទាំងទឹកស៊ុបរបស់វាជួយសម្អាតស្លេស្មថែមទៀតផង។

៤- ផឹកទឹកលាយម្សៅរមៀត

រមៀតមានប្រសិទ្ធភាពខ្ពស់ក្នុងការកម្ចាត់ស្លេស្មព្រោះដោយសារតួនាទីរបស់វាគឺកម្ចាត់សម្អាតមេរោគ (Antiseptic)។លាយម្សៅរមៀត មួយស្លាបព្រាបាយជាមួយទឹកក្ដៅ៨អោន (ប្រហែល ២៣៧មិល្លីលិត្រ) ហើយបន្ទាប់មកផឹកល្បាយនោះពេលដែលលាយវាសព្វហើយ។ ការឧស្សាហ៍ផឹកទឹករមៀតនឹងជួយឲ្យអ្នកឆាប់ជាកាន់តែលឿន។

៥- ញ៉ាំហឹរ

ដើម្បីកម្ចាត់ស្លេស្មចេញអ្នកអាចញ៉ាំអាហារទាំងនេះដូចជា៖

– វ៉ាសាប៊ិ

– មើម Horseradish (គ្រឿងទេសម្យ៉ាងដូចរំដេង មានពណ៌ស)

– ម្រេច

– ខ្ញី

– ខ្ទឹម

៦- ជៀសវាងទឹកដោះគោ និងផលិតផលទឹកដោះគោ

គេនៅមិនទាន់ច្បាស់ថា តើការប្រើប្រាស់ទឹកដោះគោនិងផលិតផលពីទឹកដោះគោ អាចធ្វើឲ្យមានស្លេស្មកាន់តែច្រើនឬអត់នៅឡើយទេ។ តែប្រសិនបើអ្នកគិតថាការជៀសវាងផលិតផលទាំងនេះមើលទៅដូចជាកម្ចាត់ស្លេស្មអ្នកបានអ្នកគួរតែបញ្ឈប់ការប្រើប្រាស់វាមួយរយៈសិន។

៧- ជៀសឲ្យឆ្ងាយពីផលិតផលសណ្ដែកសៀង

ផលិតផលសណ្ដែកសៀងដូចជាទឹកសណ្ដែកតាំប៉េនិងតៅហ៊ូគឺសុទ្ធតែសំបូរទៅដោយប្រូតេអ៊ីននិងកាល់ស្យូមដែលវាជួយដល់ការវិវឌ្ឍនិងលូតលាស់នៅក្នុងរាងកាយ។លើសពីនេះទៀតវាអាចបង្កើនភាពកខ្វក់នៃស្លេស្មថែមទៀត។ប្រសិនបើអ្នកមិនប្រាកដថាផលិតផលទឹកសណ្ដែកអាចប៉ះពាល់ដល់អ្នកឬទេនោះយកល្អគឺមិនបាច់ប្រើប្រាស់វាប្រសើរជាង។

ត្រូវកត់ចំណាំនូវការព្យាបាលតាមផ្ទះខាងលើនេះនិងសាកល្បងធ្វើវា មុននឹងប្រើឱសថដែលមានវេជ្ជបញ្ជា។ម្យ៉ាងទៀតការគេងឲ្យបានគ្រប់គ្រាន់ក៏មានសារសំខាន់ផងដែរដើម្បីឆាប់ជាសះស្បើយ។ប្រសិនបើអ្នកនូវមានមន្ទិលសង្ស័យសូមកុំបង្អង់យូរប្រញាប់ទាក់ទងទៅគ្រូពេទ្យជំនាញ។

ងាយៗ ដើម្បី​សម្អាត​ស្លេស្ម​ចេញ​ពី​បំពង់​ក

១- ​ខាក

២- ខ្ពុរ​ទឹក​ក្ដៅ​ឧណ្ណៗ​លាយ​​អំបិល

៣- ផឹក​ទឹក​ឲ្យ​បាន​ច្រើន​នៅ​ពេល​ថ្ងៃ

៤- ផឹក​ទឹក​លាយ​​​ម្សៅ​រមៀត​​

៥- ញ៉ាំ​ហឹរ

៦- ជៀសវាង​​ទឹក​ដោះ​គោ​ និង​ផលិតផល​ទឹក​ដោះ​គោ

៧- ជៀស​ឲ្យ​ឆ្ងាយ​ពី​ផលិតផល​សណ្ដែក​សៀង

ងាយៗ ដើម្បីសម្អាតស្លេស្មចេញពីបំពង់ក