ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជំងឺEndometriosis ជាស្ថានភាពឈឺចាប់រ៉ាំរ៉ៃ ដែលជាលិកាស្រដៀងនឹងភ្នាសក្នុងស្បូនចាប់ផ្ដើមលូតលាស់ខាងក្រៅស្បូន។ កោសិកាឈាមដែលជាប់ អាចបណ្ដាលឲ្យរលាក ស្អិត និងមានជាលិកាសម្លាកអំឡុងពេលមករដូវ នៅគ្រប់តំបន់ដែលជាលិកាដូចភ្នាសស្បូន លូតលាស់។ កត្តានេះ អាចបង្កជាការឈឺចាប់ខ្លាំង និងធ្លាក់ឈាមច្រើន នៅពេលមករដូវ។
រោគសញ្ញាផ្សេងទៀតនៃជំងឺនេះ រួមមានឈឺអាងត្រគាក ឈឺចាប់ពេលរួមភេទ អស់កម្លាំង រាករូស ហើមពោះ ទល់លាមក និងឈឺខ្នងផ្នែកខាងក្រោម។ យ៉ាងណាមិញ ប្រសិនបើយើងមិនព្យាបាលបញ្ហាសុខភាពមួយនេះទេនោះ វាក៏អាចនាំឲ្យគ្មានកូនផងដែរ។ ពិតណាស់ ជំងឺEndometriosis អាចធ្វើឲ្យយើងនឿយហត់ និងអស់កម្លាំង ប៉ុន្តែយើងអាចគ្រប់គ្រងរោគសញ្ញាតាមរយៈរបបអាហារមួយចំនួនដែរ។
បន្លែជាប្រភពដ៏ល្អនៃអាហារដែលមានជាតិសរសៃ វីតាមីន ជាតិរ៉ែ និងសារធាតុចិញ្ចឹមដែលផ្ដល់អត្ថប្រយោជន៍យ៉ាងច្រើនដល់រាងកាយ។ ការញ៉ាំបន្លែស្លឹកបៃតងច្រើន អាចជួយកាត់បន្ថយហានិភ័យនៃការវិវត្តទៅជាជំងឺEndometriosis។ ដោយសារតែស្រីៗយើងដែលកើតជំងឺនេះបាត់បង់ឈាមច្រើនអំឡុងពេលមករដូវ យើងអាចប្រឈមនឹងភាពស្លេកស្លាំងដោយសារកង្វះជាតិដែក។ ការញ៉ាំស្ពៃពួយឡេង ជាមួយដំឡូងបារាំង និងខាត់ណាខៀវ អាចជួយបង្កើនជាតិដែកក្នុងរាងកាយ ព្រមទាំងប្រឆាំងនឹងអាការៈអស់កម្លាំងបានផងដែរ។
ចង់គណនារង្វាស់ចង្វាក់បេះដូង ចុចទីនេះ!
ទន្ទឹមនឹងនេះ ផ្លែឈើជាអាហារដែលមិនអាចខ្វះបាន ប្រសិនបើយើងមានជំងឺEndometriosis ពីព្រោះពពួកផ្លែឈើទាំងនេះផ្ទុកសារធាតុប្រឆាំងនឹងអុកស៊ីតកម្ម ដែលអាចជួយកាត់បន្ថយបរិមាណរ៉ាឌីកាល់សេរី កាត់បន្ថយការរលាក និងភាពតានតឹងអុកស៊ីតកម្ម ។ សារធាតុប្រឆាំងនឹងអុកស៊ីតកម្ម ដូចជាវីតាមីនA, C, E និងអាស៊ីដហ្វូលិកអាចជួយកាត់បន្ថយហានិភ័យនៃការវិវត្តទៅជាជំងឺ Endometriosis។ តួយ៉ាងដូចជា ពពួកផ្លែប៊ឺរី ដែលរួមមានរ៉ាសប៊ឺរី (Raspberries) និងប្លូប៊ឺរី (Blueberries) គឺជាប្រភពនៃជាតិសរសៃ ដែលមានឥទ្ធិពលជួយកាត់បន្ថយការរលាក និងការឈឺចាប់។
អត្ថបទគួរអាន៖
ចំណែកឯខ្លាញ់អូមេហ្គា៣ មានសមត្ថភាពខ្ពស់ក្នុងការប្រឆាំងនឹងការរលាក ដែលបង្កឡើងដោយជំងឺEndometriosis នេះ។ ខ្លាញ់អូមេហ្គា៣ មាននៅក្នុងសាច់ត្រី គ្រឿងសមុទ្រ ដូចជាត្រីសាល់ម៉ុន ត្រីធូណា និងត្រីសាឌីន ហើយដោយសារតែខ្លាញ់អូមេហ្គា៣ អាចជួយបង្អាក់ដល់ការផ្សាំនៃកោសិកាភ្នាសស្បូន ស្ត្រីដែលញ៉ាំពពួកខ្លាញ់អូមេហ្គា៣ក្នុងបរិមាណច្រើន អាចកាត់បន្ថយហានិភ័យនៃការកើតជំងឺ Endometriosis បានផងដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
