​ជ្រុះសក់​ច្រើន​ប៉ុនណា​ទើប​គួរ​ឲ្យ​បារម្ភ?

    ​ជ្រុះសក់​ច្រើន​ប៉ុនណា​ទើប​គួរ​ឲ្យ​បារម្ភ?

    មិន​ថា​ប្រុស ឬ​ស្រី​ទេ ពេល​សិត​សក់​ម្តងៗ​ឃើញ​សរសៃ​សក់​ជ្រុះតាម​ក្រាស់​ដឹង​តែ​ខ្វល់ខ្វាយ ខ្លាច​ជ្រុះ​យូរៗ​ទៅ កើត​ជំងឺ​ជ្រុះ​សក់ ទៅ​ជា​ត្រងោល។ សក់​ជ្រុះ​ជា​រឿង​ធម្មតា​នោះ​ទេ ព្រោះ​វា​នឹង​ដុះ​ឡើង​វិញ តែ​បើ​សិន​ជាសិត​ម្តងៗ​សក់​ជ្រុះ​ទាំង​ដៃៗ​នោះ​ទើប​គួរ​ឲ្យ​បារម្ភ។

    ១- សក់ជ្រុះ​កម្រិតណា​ទើប​ក្លាយ​ជា​ជំងឺ?

    យើង​អាច​ប៉ាន់​ប្រមាណ​សរសៃ​សក់​ដែល​ជ្រុះ​បាន បើ​ក្នុង ១ ថ្ងៃ សក់​ជ្រុះ​ច្រើន​ជាង ១០០ សរសៃ នោះ​ច្បាស់​ជា​មាន​ជំងឺ​ជ្រុះ​សក់​ហើយ​ត្រូវ​ប្រញាប់​ព្យាបាល តែ​បើ​តិច​ជាង​នេះ​គ្មាន​បញ្ហា​នោះ​ទេ។ នេះ​បើតាម​ការ​បញ្ជាក់​របស់​លោក​វេជ្ជបណ្ឌិត ចាន់ ស៊ីណេត ឯកទេស​ទូទៅ។

    ជ្រុះសក់-សម្រស់

    ២- មូលហេតុបណ្តាលឲ្យជ្រុះសក់

    មាន​មូលហេតុ​សំខាន់ៗ​២ ដែល​ជំរុញ​ឲ្យ​ជ្រុះសក់ នោះ​គឺ​កត្តា​តំណពូជ និង​បរិមាណ​អ័រម៉ូន​ភេទ Androgen ច្រើនពេក ដែល​ធ្វើ​ឲ្យ​គល់​សក់​លែង​រឹងមាំ ទៅ​ជា​ស្តើង ងាយ​នឹង​ជ្រុះ បន្ថែម​ជាមួយ​កត្តា​រួម​ផ្សំ​ផ្សេងៗ​ទៀត។

    – ស្ត្រេស
    – គេងមិនគ្រប់គ្រាន់
    – ប្រើផលិតផល ឬសាប៊ូកក់សក់មិនត្រូវនឹងស្បែកក្បាល
    – ផ្លាស់ប្តូរសាប៊ូកក់សក់ញឹកញាប់ពេក
    – បរិយាកាសក្តៅខ្លាំង
    – បម្រែបម្រួលអ័រម៉ូន (ស្រីៗ)
    – គាប ឬកក់សក់ញឹកញាប់ពេក
    – ចំណីអាហារ
    – ការអស់រដូវ
    – ការសម្រាលកូន
    – ការប្រើថ្នាំពន្យារកំណើតមួយចំនួន។

    អត្ថបទពាក់ព័ន្ធ៖

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 07/05/2019
    ត្រួតពិនិត្យដោយ វេជ្ជ. ចាន់ ស៊ីណេត