ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ

គ្នាយើងពិតជាដឹងហើយថាក្រុមហ៊ុនគ្រឿងសម្អាងធំៗជាច្រើនបានផលិតផលិតផលថែរក្សាស្បែក លក់ឲ្យយើងទាំងអស់គ្នា ដោយអះអាងថាអាចជួយរក្សាស្បែកយើងឲ្យនៅមានសុខភាពល្អ ស ភ្លឺរលោង ជាដើម។

ទោះយ៉ាងណា គ្នាយើងដឹងទេ របបអាហារមានសុខភាព គឺជាផ្នែកមួយសំខាន់សម្រាប់សុខភាពស្បែករបស់យើងដូចគ្នា។ ការញ៉ាំអាហារល្អ គឺជួយដល់សុខភាពស្បែកពីខាងក្នុងមកខាងក្រៅ ធ្វើឲ្យស្បែកមានសុខភាពល្អ។

តើអាហារណាខ្លះល្អចំពោះសុខភាពស្បែក?

១. ស្វាយ

ផ្លែស្វាយមានផ្ទុកសារធាតុប្រឆាំងអុកស៊ីកម្មជាច្រើន ដែលសារធាតុទាំងនេះជួយការពារសមាសធាតុស្បែករបស់យើង ដូចខូឡាជែន ជាដើម។

២. ប៉េងប៉ោះ

ប៉េងប៉ោះមានប្រយោជន៍ក្នុងការការពារស្បែកពីជំងឺមហារីក។ ការសិក្សាលើសត្វកណ្ដុររកឃើញថា កណ្ដុរដែលស៊ីប៉េងប៉ោះជាប្រចាំបានកាត់បន្ថយហានិភ័យកើតជំងឺមហារីកស្បែកដោយត្រូវកាំរស្មី UV ព្រះអាទិត្យរហូតដល់៥០ភាគរយ។

ការសិក្សាបង្ហាញថាការដាក់បញ្ចូលប៉េងប៉ោះទៅក្នុងរបបអាហារប្រចាំថ្ងៃនឹងជួយការពារស្បែករបស់យើងប្រឆាំងនឹងការរលាកដោយពន្លឺព្រះអាទិត្យ។ តាមការពិសោធន៍ ការញ៉ាំប៉េងប៉ោះចំនួន៤០ក្រាមក្នុងមួយថ្ងៃ ចំនួន១០ថ្ងៃ គឺបានបន្ថយហានិភ័យនៃការរលាកដោយពន្លឺព្រះអាទិត្យបានដល់ទៅ៤០ភាគរយ បើធៀបទៅនឹងអ្នកមិនញ៉ាំប៉េងប៉ោះ។

៣. ប្រេងអូលីវ

ប្រេងអូលីវ ត្រូវគេដឹងថាជាប្រេងដែលអាចជួយបន្ថយហានិភ័យនៃបញ្ហាអាចកើតលើមុខផ្សេងៗ ដែលអាចធ្វើឲ្យស្បែកមុខខូច។ ប្រេងអូលីវ ជួយការពារស្បែកមុខពីបញ្ហាជ្រីវជ្រួញ អុជខ្មៅ និងការប្រែពណ៌ស្បែកមុខ ដោយពន្លឺព្រះអាទិត្យ។

៤. អាស៊ីដខ្លាញ់អូមេហ្គា ៣

អាស៊ីដខ្លាញ់អូមេហ្គា ៣ មាននៅក្នុងខ្លាញ់ត្រី គ្រាប់Walnuts គ្រាប់ល្ពៅ ឬក្នុងប្រេងពោត ជាដើម។ អាស៊ីដខ្លាញ់នេះជួយការពារស្បែកកុំឲ្យស្ងួត និងរបក។

៥. តែបៃតង

តែបៃតងត្រូវគេដឹងជាយូរមកហើយថាមានប្រយោជន៍ច្រើនចំពោះសុខភាពស្បែក។ ធាតុផ្សំសំខាន់នៅក្នុងតែបៃតងដែលគេស្គាល់ឈ្មោះ polyphenols ជួយឲ្យកោសិកាស្បែកដែលស្ងួត មកជាស្រស់ថ្លាឡើងវិញ។ ក្រៅពីនេះ មានការលើកឡើងដែរថាសារធាតុនេះ ក៏មានប្រយោជន៍ក្នុងការជួយឲ្យរបួសនៅលើស្បែក ឬបញ្ហាស្បែកមួយចំនួនទៀតឆាប់ជាសះស្បើយផងដែរ។

ចង់ឲ្យ​ស្បែកមាន​សុខភាពល្អ កុំ​រំលងអាហារទាំង ៥ នេះ

​តើ​អាហារ​ណា​ខ្លះ​ល្អ​ចំពោះ​សុខ​ភាព​ស្បែក?

ចង់ឲ្យស្បែកមានសុខភាពល្អ កុំរំលងអាហារទាំង ៥ នេះ

តើអាហារណាខ្លះល្អចំពោះសុខភាពស្បែក?