ជាមួយគ្នានេះដែរ ការពាក់ម៉ាសច្រើនម៉ោង អាចធ្វើឲ្យស្បែកមុខរបស់យើងរោល ឬក្រហាយ និងធ្វើឲ្យមានការរមាស់ ឬមានស្នាមក្រហមជាដើម។ ហេតុនេះ ការលាងសម្អាតមុខជាមួយនឹងហ្វូមដែលគ្មានសារធាតុកាត់ គឺជារឿងសំខាន់បំផុត ពីព្រោះវាមិនត្រឹមតែជួយលាងសម្អាតស្បែកបានល្អប៉ុណ្ណោះទេ វាក៏ជួយរក្សាកម្រិតជាតិទឹកក្នុងស្បែក ដែលមិនធ្វើឲ្យស្បែកស្ងួតផងដែរ។
៣. លាបឡេការពារកម្ដៅថ្ងៃ
ស្រីៗយើងមិនគួរមើលរំលងការលាបឡេការពារកម្ដៅថ្ងៃឡើយ បើទោះបីជាត្រូវនៅតែផ្ទះក៏ដោយ។ ចូរជ្រើសរើសប្រភេទឡេដែលអាចការពារយើងពីកាំរស្មី UVA UVB កាំរស្មីអ៊ីនហ្វ្រារ៉េដ ក៏ដូចជាធន់នឹងទឹក ព្រមទាំងញើសបានល្អ។ ប្រសិនបើយើងធ្វេសប្រហែស កាំរស្មីទាំងនោះនឹងចូលទៅបំផ្លាញដល់ស្រទាប់ស្បែកយ៉ាងជ្រៅ ដែលបណ្ដាលឲ្យស្បែកមុខរបស់យើងឆាប់ចាស់ជាងវ័យ និងកើតមានស្នាមជ្រីវជ្រួញថែមទៀតផង។