នៅពេលពពោះ ម៉ាក់ៗតែងតែជួបប្រទះការផ្លាស់ប្ដូរជាច្រើនចំពោះស្បែក។ បន្ទាប់ពីសម្រាលកូនរួច បញ្ហាស្បែកយារធ្លាក់ ក៏នៅតែតាមលងបន្លាចស្រីៗគ្នាយើងឥតស្រាកស្រាន្ត។ ដោយសារតែស្បែកកើតឡើងដោយជាតិខូឡាជែន និងភាពយឺត ដូចនេះ វានឹងរីកមាឌ នៅពេលដែលយើងកើនទម្ងន់ ហើយវាពិបាកនឹងវិលត្រលប់ទៅរកសភាពដើមវិញណាស់។
តិចនិកទាំង៦ ធ្វើឲ្យស្បែកតឹងណែនឡើងវិញ ក្រោយសម្រាលកូន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពិតណាស់ គ្មានស្រ្តីណាម្នាក់ដែលចង់ឲ្យស្បែកយារធ្លាក់ និងមានរូបរាងកាយមិនស្រស់ស្អាតឡើយ ហើយបញ្ហានេះក៏បានជះឥទ្ធិពលដល់ផ្លូវចិត្តរបស់ម៉ាក់ៗផងដែរ។ យ៉ាងណាមិញ បើម៉ាក់ៗចង់ឲ្យស្បែកតឹងណែនសារជាថ្មី ក្រោយពីសម្រាលកូនរួច ម៉ាក់ៗគួរសាកល្បងតិចនិកងាយៗខាងក្រោមនេះ។
១. ញ៉ាំជាតិខ្លាញ់ និងប្រូតេអ៊ីនល្អៗ
ការញ៉ាំជាតិខ្លាញ់ និងប្រូតេអ៊ីនល្អៗ ជួយបង្កើតសាច់ដុំរាងកាយ។ ពិតណាស់ ប្រូតេអ៊ីនក៏មានផ្ទុកជាតិខូឡាជែន ដែលរាងកាយយើងត្រូវការជាចាំបាច់ផងដែរ។ យើងម្នាក់ៗត្រូវការកម្រិតជាតិប្រូតេអ៊ីនមិនដូចគ្នាទេ ដែលអាស្រ័យលើកម្ពស់ និងទម្ងន់ ព្រមទាំងលំហាត់ប្រាណដែលយើងធ្វើជាប្រចាំ។ រីឯម៉ាក់ៗដែលបំបៅដោះកូន ត្រូវការជាតិប្រូតេអ៊ីនកាន់តែច្រើនថែមទៀត។
២. សាកល្បងលំហាត់កាយសម្បទា
លំហាត់កាយសម្បទា ជួយឲ្យរាងកាយម៉ាក់ៗមានភាពសមសួន និងផ្ដល់អត្ថប្រយោជន៍ដល់កម្លាំងកន្ត្រាក់នៃសាច់ដុំផងដែរ។ ការងើបអង្គុយ និងអាវ៉ង់ ធ្វើឲ្យសាច់ដុំពោះរបស់ម៉ាក់ៗរឹងមាំល្អ រីឯយ៉ូហ្កាវិញ ក៏ជួយបណ្ដឹងសាច់ដុំផ្នែកស្នូល និងត្រគាកផងដែរ។
១. បង្កើតទម្លាប់ហ្វឹកហាត់បេះដូង
ជាមួយគ្នានេះដែរ លំហាត់ប្រាណបែបវិធីសាស្រ្តជំនួយបេះដូង អាចជួយដុតបំផ្លាញជាតិខ្លាញ់ និងបង្កើនកម្លាំងកន្ត្រាក់នៃសាច់ដុំថែមទៀតផង។ចូរហាត់ប្រាណដោយការដើរ ហែលទឹក រត់ត្រឹកៗ ឬជិះកង់។
យ៉ាងណាមិញ មុនពេលចាប់ផ្ដើមនូវទម្លាប់ហាត់ហាត់ថ្មីណាមួយ សូមធ្វើការពិគ្រោះជាមួយនឹងគ្រូពេទ្យជាមុនសិន។ ការធ្វើលំហាត់ប្រាណទៀងទាត់ និងជួយការពារ ឬកាត់បន្ថយស្បែកដែលលើសចេញ។
៤. ញ៉ាំទឹក
យើងទាំងអស់គ្នាបានដឹងហើយថា ទឹកមានអត្ថប្រយោជន៍ជាច្រើនដល់រាងកាយ។ ជាពិសេស ការទទួលបានជាតិទឹកគ្រប់គ្រាន់នឹងងបង្កើនភាពយឺតដល់ស្បែក។ លើសពីនេះ វាក៏អាចដុតបំផ្លាញជាតិខ្លាញ់បានយ៉ាងងាយ និងកាត់បន្ថយការចាល់ជាតិទឹកនៅក្នុងពោះរបស់យើងបានផងដែរ។
៥. ម៉ាស្សានឹងប្រេង
ប្រេងរុក្ខជាតិមួយចំនួន អាចជួយជួសជុលស្បែករបស់យើងឲ្យប្រសើរឡើងវិញបាន ដោយគុណប្រយោជន៍នៃសារធាតុប្រឆាំងនឹងអុកស៊ីតកម្ម ក៏ដូចជាការរលាក។ ឧទាហរណ៍ ប្រេងអាល់ម៉ុនអាចជួយកាត់បន្ថយស្នាមសង្វារ។ ម៉ាក់ៗក៏អាចប្រើប្រេងរុក្ខជាតិជាមួយនឹងប្រេងបន្លែ ដូចជាប្រេងជូជូបា ឬប្រេងដូង ដោយគ្រាន់តែញីថ្នមៗនៅលើពោះ ដើម្បីបណ្ដឹងស្បែកដែលយារធ្លាក់ឲ្យត្រលប់មករកសភាពដើមវិញ។
៦. សាកល្បងផលិតផលបន្តឹងស្បែក
ម៉ាក់ៗក៏អាចសាកល្បងប្រើប្រាស់ផលិតផលបណ្ដឹងស្បែកមួយចំនួន ដែលអាចរកទិញបាននៅលើទីផ្សារ ដែលមានសារធាតុផ្សំ ដូចជាខូឡាជែន និងវីតាមីន Cជាដើម ដើម្បីជួយបង្កើនជាតិខូឡាជែន និងភាពយឺតនៃស្បែក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម