ជាទូទៅ ស្រីៗយើងភាគច្រើនតែងតែប្រាថ្នាចង់បានផ្ទៃមុខតូចស្អាតដែលមានភាពទាក់ទាញ និងមើលទៅក្មេងជាងវ័យ។ ប៉ុន្តែ ពេលខ្លះជាតិខ្លាញ់ដែលលើសនៃរាងកាយ អាចនឹងកកកុញនៅត្រង់ផ្នែកមួយចំនួន ដូចជាក្បាលពោះ ដើមដៃ ភ្លៅ ឬផ្ទៃមុខជាដើម។ ពិតណាស់ មានស្រីៗយើងខ្លះ មានអារម្មណ៍ខ្វល់ខ្វាយយ៉ាងខ្លាំងចំពោះជាតិខ្លាញ់ដែលលើសនៅលើផ្ទៃមុខនេះ ហើយនៅពេលថតរូបម្តងៗ តែងតែខិតឆ្ងាយពីគេឯង ដើម្បីកុំឲ្យឃើញមុខធំពេក។ យ៉ាងណាមិញ ការសម្រកខ្លាញ់មុខនេះ មិនមែនជារឿងពិបាកទៀតទេ ប្រសិនបើស្រីៗយើងងាកមកអនុវត្តតិចនិកងាយៗទាំង៦នេះ។