ក្រសួងសុខាភិបាលធ្លាប់បានប្រកាសថាលទ្ធផល COVID-19 គឺអាចចេញដោយវិទ្យាស្ថានជាតិស្រាវជ្រាវសាធារណៈ និងវិទ្យាស្ថានប៉ាស្ទ័រកម្ពុជា តែប៉ុណ្ណោះ ដែលកំពុងប្រតិបត្តិការតាមបច្ចេកទេស និងគោលការណ៍ស្តង់ដាររបស់អង្គការសុខភាពពិភពលោក ហើយលទ្ធផល ជាលទ្ធផលផ្លូវការដែលទទួលស្គាល់ដោយក្រសួងពាក់ព័ន្ធនានា។ ប៉ុន្តែថ្មីៗនេះមន្ទីរពេទ្យមិត្តភាពខ្មែរ-សូវៀត ក៏បានជួយលើកិច្ចការនេះខ្លះៗដែរ។
បើកំពុងឈឺ ហើយសង្ស័យថាខ្លួនមានកូវីដ១៩ គួរធ្វើម៉េចខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពេលសុខភាពចាប់ផ្ដើមមិនស្រួល ហើយមានលេចរោគសញ្ញាមួយចំនួន ស្រដៀងទៅនឹងកូវីដ១៩ ដែលជា ជម្ងឺផ្លូវដង្ហើម ដូចទៅជម្ងឺគ្រុន ផ្ដាសាយ ដែលឧស្សាហ៍កើត ចំពោះបងប្អូនមួយចំនួន អ្នកជម្ងឺក៏ចាប់ផ្ដើមមានមន្ទិលសង្ស័យ ហើយក៏ចាប់ផ្ដើមចង់ដឹងថា ប្រសិនបើចង់ធ្វើតេស្តរកវីរុស COVID-19 ដំបូងបំផុតត្រូវធ្វើបែបណា?
ចេះបារម្ភល្អហើយ ព្រោះសុខទុក្ខយើងម្នាក់ អាចប៉ះពាល់ដល់មនុស្សក្នុងគ្រួសារទាំងមូលបានបើមិនប្រយ័ត្នឲ្យដិតដល់។
ឆ្លើយតបនឹងសំណួរនេះ កន្លងទៅ ក្រសួងសុខាភិបាលក៏ធ្លាប់បញ្ជាក់ថា ប្រសិនបើមានចម្ងល់ទាក់ទិននឹងបញ្ហា COVID-19 សូមហៅទូរស័ព្ទទៅលេខ ១១៥ ដោយមិនបង់ថ្លៃសេវាគ្រប់ប្រព័ន្ធទូរសព្ទ។
ទោះបីជាអ្នកជម្ងឺ មានការសង្ស័យ ហើយចង់ជម្រះមន្ទិលតាមរយៈការធ្វើតេស្ដ កន្លេងទៅ លោកជំទាវ ឱ វណ្ណឌីន ធ្លាប់បានលើកឡើងថា
“រាល់ករណីទាំងអស់ មិនសុទ្ធតែទាមទារឲ្យធ្វើតេស្តទេ លុះត្រាតែអ្នកនោះមានការសង្ស័យច្បាស់ណាស់ ថាបានចូលទៅក្នុងនិយមន័យនៃករណីសង្ស័យជំងឺ COVID-19។ មានន័យថា ទាល់តែអ្នកទើបវិលពីតំបន់ដែលត្រូវបានគេរាយការណ៍អំពីការឆ្លងវីរុស COVID-19 ឬបានប៉ះពាល់ជិតស្និទ្ធជាមួយអ្នកបានធ្វើដំណើរមកពីតំបន់មួយក្នុងចំណោមតំបន់ទាំងនេះ ហើយមានរោគសញ្ញាផ្លូវដង្ហើម បានប៉ះពាល់ផ្ទាល់ ឬប្រយោលជាមួយអ្នកឆ្លងជំងឺនេះទៀត។ “
ករណីរដូវរងា ជាពេលវេលាដែលសម្បូរជម្ងឺផ្ដាសាយអាចកើតឡើង ហើយរោគសញ្ញានៃវីរុស COVID-19 ដូចជាក្អក ឬគ្រុនក្ដៅអាចស្រដៀងគ្នានឹងជំងឺគ្រុនផ្ដាសាយ ឬផ្ដាសាយធម្មតា ដែលច្រើនតែកើតមានជាញឹកញាប់។
តើអាចបែងចែកអាការៈជម្ងឺផ្ដាសាយ ឬផ្ដាសាយធំ ជាមួយនឹងជម្ងឺកូវីដ១៩ បានទេ? ប្រាកដណាស់ ពិតជាបាន ព្រោះមានការពន្យល់ច្បាស់ អាចស្វែងយល់ពីភាពស្រដៀងគ្នា និងខុសគ្នា ចុចអានទីនេះ
រោគសញ្ញាជម្ងឺ COVID-19
– ក្ដៅខ្លួន
– ក្អក
– ហត់ ពិបាកដកដង្ហើម
– ឈឺក
– បាត់បង់ការដឹងរសជាតិ
ក្រៅពីរោគសញ្ញា នៅដំណាក់កាលសំខាន់មួយទៀត ពីការធ្វើតេស្ដ រកលទ្ធផលជាក់ស្ដែង។ ដូចបញ្ជាក់ដូចខាងលើហើយថា ពីរបៀបទាក់ទង និងទីកន្លែងដែលអ្នកជម្ងឺត្រូវទៅធ្វើ ដើម្បីបានលទ្ធផលចេញមកផ្លូវការ។
របៀបប្រមូលសំណាក
មុនឈានដល់ការប្រមូលសំណាក ត្រូវពឹងករណីសង្ស័យដែលមានរោគសញ្ញាដូចរៀបរាប់ខាងលើ ហើយវិធីប្រមូលសំណាក គឺយកតម្បារទៅត្បារច្រមុះ និងមាត់ ដើម្បីយកសំណាកបុគ្គលដែលសង្ស័យនោះ ទៅធ្វើតេស្តនៅវិទ្យាស្ថានប៉ាស្ទ័រកម្ពុជា ដោយមានការសហការជាមួយអង្គការសុខភាពពិភពលោក (WHO)។
រយៈពេលដឹងលទ្ធផល
ការធ្វើតេស្តសំណាកអាចនឹងដឹងលទ្ធផលថា បុគ្គលនោះមានវីរុស COVID-19 វិជ្ជមាន ឬអវិជ្ជមានក្នុងរយៈពេល ៦ម៉ោង។
តើអាចចៀសវាងហានិភ័យការឆ្លងវីរុស COVID-19 នេះបានយ៉ាងដូចម្ដេច?
– លាងដៃឲ្យបានញឹកញាប់ជាមួយសាប៊ូ និងទឹក ឬប្រើទឹកលាងដៃដែលមានជាតិអាល់កុល
– ខ្ទប់មាត់ និងច្រមុះដោយប្រើកែងដៃ ឬក្រដាសជូតមាត់ នៅពេលក្អក ឬកណ្ដាស់ ហើយបោះចោលក្រដាសជូតមាត់ទៅក្នុងធុងសំរាមបិទជិត
– ចៀសវាងប៉ះពាល់ផ្ទាល់ជាមួយអ្នកដែលមានរោគសញ្ញាដូចជា ផ្ដាសាយ ឬគ្រុនក្ដៅ
ទៅជួបគ្រូពេទ្យប្រសិនបើក្តៅខ្លួន ក្អក ឬមានអារម្មណ៍ថាពិបាកដកដង្ហើម។
តើវិធីណាដែលល្អបំផុតក្នុងការលាងដៃឲ្យបានត្រឹមត្រូវ?
ជំហានទី១៖ ផ្សើមដៃជាមួយទឹក
ជំហានទី២៖ ប្រើសាប៊ូឲ្យបានគ្រប់គ្រាន់ទៅលើដៃសើម
ជំហានទី៣៖ ដុសគ្រប់ផ្ទៃដៃ រួមទាំងខ្នងដៃ ចន្លោះម្រាមដៃ និងក្រោមក្រចក យ៉ាងហោចណាស់ ២០វិនាទី។
ជំហានទី៤៖ លាងជម្រះដៃឲ្យបានស្អាតជាមួយទឹក
ជំហានទី៥៖ ជូតដៃដោយប្រើកំណាត់ស្អាត ឬកន្សែងដែលប្រើបានតែម្ដង
លាងដៃឲ្យបានញឹកញាប់ជាពិសេសមុនពេលញ៉ាំអាហារ បន្ទាប់ពីញីសម្បោរ ក្អក ឬកណ្ដាស់ និងបន្ទាប់ពីទៅបន្ទប់ទឹក។ ប្រសិនបើគ្មានសាប៊ូ និងទឹកទេ សូមប្រើទឹកលាងដៃដែលមានជាតិអាល់កុលយ៉ាងតិចណាស់ ៦០ ភាគរយ។ ត្រូវតែលាងដៃជាមួយសាប៊ូ និងទឹកជានិច្ច ប្រសិនបើដៃកខ្វក់។
សូមថែខ្លួនទាំងអស់គ្នា ដោយអនុវត្តតាមវិធានស្នាក់នៅក្នុងផ្ទះកុំចេញក្រៅបើមិនចាំបាច់។ ក្នុងករណីចាំបាច់ គួរអនុវត្តវិធានការសុវត្ថិភាព ដូចរៀបរាប់ខាងលើ។
ថែសុខភាពដើម្បីខ្លួនឯង ដើម្បីគ្រួសារ មនុស្សជាទីស្រឡាញ់ និងសង្គមជាតិយើង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម