ម៉ាក់ប៉ាតែងមានបំណងប្រាថ្នាផ្សេងៗចំពោះអនាគតកូន អ្នកខ្លះចង់ឲ្យកូនក្លាយជាវេជ្ជបណ្ឌិត ជាគ្រូបង្រៀន ជាវិស្វករ ជាអ្នកជំនួញ ឬជំនាញផ្សេងៗ។ ដើម្បីឲ្យទៅដល់គោលដៅទាំងនោះ ទាមទារឲ្យយើងជាអាណាព្យាបាលជួយជំរុញលើកទឹកចិត្ត បង្វឹកការលូតលាស់ខួរក្បាល ពិសេសគឺត្រូវនឹងចំណង់ចំណូលចិត្តរបស់កូន។
លោកស្រី សរ មន្ថា នាយិកាសាលាអប់រំកុមារតូច SHICHIDA ថា បើបំណងប្រាថ្នារបស់ម៉ាក់ប៉ាចង់ឲ្យក្លាយជាអ្នកដឹកនាំនាពេលអនាគត ត្រូវបង្វឹកក្មេងឲ្យមានទាំង IQ និង EQ ខ្ពស់ ពិសេសបង្វឹកខួរក្បាលផ្នែកខាងស្តាំឲ្យបានច្រើន។
IQ មកពីពាក្យពេញថា Intelligence Quotient ជាពិន្ទុសរុបបានមកពីការធ្វើតេស្តស្តង់ដារជាច្រើនធ្វើឡើងដើម្បីវាយតម្លៃបញ្ញាមនុស្ស ដែលអ្នកដែលមាន IQ ខ្ពស់ភាគច្រើនជាមនុស្សពូកែខាងភាសាវិទ្យាសាស្ត្រ ឬគណិតវិទ្យាជាដើម។ ក្មេងដែលមាន IQ ខ្ពស់ គឺបានហ្វឹកហាត់ខួរក្បាលផ្នែកខាងឆ្វេង។
EQ មកពីពាក្យពេញថា Emotional Quotient ឬ Emotional Intelligence សំដៅទៅលើភាពឆ្លាតវៃខាងផ្លូវអារម្មណ៍ គំនិតច្នៃប្រឌិតរបស់មនុស្ស ក្នុងការស្គាល់អារម្មណ៍ខ្លួនឯង និងអ្នកដទៃ ហើយក្មេងដែលមាន EQ ខ្ពស់ គឺបានហ្វឹកហាត់ខួរក្បាលផ្នែកខាងស្តាំ។
លោកស្រីបញ្ជាក់ថា តាមការសិក្សាជ្រាវជ្រាវបើសិនជាក្មេងមាន EQ ច្រើនខ្ពស់ ក្មេងនោះមានសក្តានុពលក្លាយជាអ្នកដឹកនាំខ្លាំង។ ប៉ុន្តែផ្ទុយទៅវិញបើសិនជាក្មេងមាន EQ តិច ប៉ុន្តែ IQ ច្រើន ក្មេងនោះធំឡើងអាចក្លាយជាអ្នកបច្ចេកទេស ដោះស្រាយបញ្ហាជាមួយម៉ាស៊ីន បច្ចេកទេស បើធ្វើអ្នកដឹកនាំ ដោះស្រាយ និងធ្វើការជាមួយមនុស្ស Creativity ពិតជាពិបាក។
“បើយើងបង្រៀនកូនទាក់ទងនឹងចំណេះដឹង លេខអីច្រើន គឺយើងកំពុងតែជួយខួរក្បាលខាងឆ្វេងកូន ប៉ុន្តែបើសិនជាយើងធ្វើរឿងដែលភ្ញោចទៅនឹងអារម្មណ៍ ជាតួនាទីរបស់ខួរក្បាលខាងស្តាំ បង្កើត EQ ខ្ពស់ឲ្យកូន’។ លោកស្រី សរ មន្ថា រៀបរាប់។
ចំណែកលោកសាស្ត្រាចារ្យ Makoto SHICHIDA ស្ថាបនិក SHICHIDA Method បានលើកឡើងថា ការអប់រំខួរក្បាលខាងស្តាំមានសារៈសំខាន់ និងតួនាទីចាំបាច់ ដើម្បីឆ្លើយតបទៅនឹងការអប់រំសម្រាប់សតវត្សទី២១។ ការអប់រំខួរក្បាលស្តាំ គឺជាអប់រំដែលនឹងជួយបណ្តុះ និងអភិវឌ្ឍកុមារដល់បេះដូង និងចិត្តគំនិតរបស់ពួកគេ ពោលគឺត្រូវផ្តល់ឲ្យក្មេងចេះគិត ពិចារណាល្អិតល្អន់ វែងឆ្ងាយពីខ្លួនឯង ជាជាងការរៀនសូត្រដោយផ្តោតតែលើចំណេះដឹង និងការពិត។
អត្ថបទពាក់ព័ន្ធ៖
- ចិញ្ចឹមកូន ម៉ាក់ប៉ាគិតលើចំណុចទាំងនេះពេក បរាជ័យហើយ
- មិនបាច់ទ្រពស្តុកស្តម្ភទេ ម៉ាក់ប៉ាមានត្រឹមកេរ២ចំណុចនេះចែកឲ្យកូន ពិសេសបំផុត
- ក្មេងចូលចិត្តលេងច្រើន មិនអត់ប្រយោជន៍ទេ ជួយក្មេងបានច្រើនណាស់
- ៣ចំណុចងាយៗ ម៉ាក់ប៉ាធ្វើបាន ធានាថាកូនស្រលាញ់ងប់ងល់
- ចង់ឲ្យកូនប្រើខួរក្បាលទាំងសងខាង ក្លាយជាក្មេងឆ្លាត កុំឲ្យកូនរៀនតែលេខអក្សរឲ្យសោះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
