ទារកត្រូវការការថែទាំយ៉ាងដិតដល់បំផុត សឹងតែស្រមោចវារលើមួយមិនបានផង ខណៈអ្វីៗនៅខ្ចីទាំងអស់ ទាំងស្បែក សរីរាង្គ និងប្រព័ន្ធការពាររាងកាយ។ ចំពោះទារកកើតភ្លាម មានចំណុចមួយចំនួនដែលគ្រូពេទ្យតម្រូវឲ្យធ្វើ និងមួយចំនួនទៀតហាមដាច់ខាត។
១- ត្រូវបំបៅដោះកូនភ្លាម
បន្ទាប់ពីសម្រាលអូនតូចបាន ១ម៉ោង ម៉ាក់ៗត្រូវឲ្យកូនម៉ឹមដោះភ្លាម ទោះជាមិនចេញ ឬចេញទឹកដោះតិចៗក៏ដោយ ដើម្បីឲ្យកូនបឺតជញ្ជក់ទឹកដោះដំបូង ដែលសម្បូរជីវជាតិ A និងជាថ្នាំបង្ការសម្រាប់ការពារទារកប្រឆាំងទប់ទល់នឹងជំងឺផ្សេងៗ និងការទទួលបានអង់ទីករពីម្តាយដែលធ្វើឲ្យកុមាររឹងមាំ។
អត្ថបទពាក់ព័ន្ធ៖ ឱសថទិព្វ ទឹកដោះដំបូងមានតិច តែគុណប្រយោជន៍រាប់មិនអស់
២- ត្រូវរុំកូនឲ្យជិត
ក្មេងធ្លាប់នៅក្នុងពោះម្តាយមានភាពកក់ក្តៅ ពេលចេញមកក្រៅមិនអាចស៊ាំនឹងបរិយាកាសភ្លាមៗនោះទេ បែបនេះយើងត្រូវរុំកូននឹងកន្សែង ឬភួយឲ្យបានជិតល្អ ពាក់ស្រោមជើង ស្រោមដៃឲ្យកូន។
៣- ឲ្យកូនគេងផ្អៀង
ពេលកើតភ្លាម គ្រូពេទ្យនឹងណែនាំឲ្យដាក់កូនគេងផ្អៀងទៅខាងឆ្វេង ឬខាងស្តាំ ដើម្បីឲ្យធ្លាក់ទឹកព្រៃមកតាមមាត់ឲ្យអស់ មិនឲ្យទារកឈ្លក់ ឬមានស្លេស្មនៅបំពង់ក។
៤- ហាមងូតទឹកឲ្យកូន
ក្រោយសម្រាល យើងមិនត្រូវងូតទឹកឲ្យទារកឡើយ ត្រូវរង់ចាំរហូតដល់ ២៤ម៉ោង ពោល ១ថ្ងៃ ក្រោយពេលកើត ទើបងូតទឹកសម្អាតខ្លួនឲ្យអូនតូចបាន។
៤- ហាមយកកូនទៅក្បែរអ្នកជំងឺ
កើតមកភ្លាម ទារកមានការប្រព័ន្ធការពារខ្សោយ ងាយនឹងឆ្លងមេរោគផ្សេងៗ យើងមិនត្រូវឲ្យអ្នកជំងឺមកជិតឡើយ ហើយក៏មិនត្រូវយកកូនទៅក្បែរអ្នកជំងឺដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
